پرەزيدەنت اكىمشىلىگىنىڭ قىزمەتكەرلەرى بىركۇندىك ەڭبەكاقىسىن ەلىمىزدەگى كوروناۆيرۋستىڭ تارالۋىنا قارسى كۇرەسكە كومەك رەتىندە اۋدارۋعا شەشىم قابىلدادى. بۇل تۋرالى پرەزيدەنتتىڭ ءباسپاسوز حاتشىسى بەرىك ءۋالي Facebook پاراقشاسىندا جازدى.
- اۋدارىلعان قاراجات ەلوردا مەن الماتى قالالارىنىڭ پاندەميا سالدارىن ءوز باستارىنان وتكەرگەن تۇرعىندارعا بەرىلەدى. سونىمەن قاتار جينالعان قارجى كوروناۆيرۋسقا قارسى كۇرەسكە اتسالىسىپ جاتقان مەديتسينا قىزمەتكەرلەرىن ىنتالاندىرۋعا دا جۇمسالادى. بۇل قاراجاتتىڭ ءبىر بولىگىن جۇقپالى اۋرۋلار اۋرۋحانالارىن قولداۋعا, ماسكالار مەن باسقا دا قاجەتتى قورعانىش قۇرالدارىن ساتىپ الۋعا جۇمساۋ جوسپارلانۋدا. بۇدان بولەك بالالار ۇيلەرىنە دە كومەك كورسەتىلەدى, - دەپ جازدى بەرىك ءۋالي.