ءموبيلدى ويىندار «ماەستروسى»

گادجەت دەمەكشى, ءبىزدىڭ كەيىپكەرىمىز الديار جۇماجانوۆ ءدال وسىنداي ءموبيلدى ويىندار قۇراستىرادى. وڭتۇستىك ءوڭىردىڭ تۋماسى. دالىرەك ايتساق, شىمكەنتتە تۋعان. جاس ونەرتاپقىش. 10 جىلدان بەرى قىتايدىڭ تسزينان قالاسىندا تۇرادى. Mechanist Games internet technologies كومپانياسىندا ءموبيلدى ويىندار مەن قوسىمشانىڭ پروديۋسەرى. سونداي-اق كومپانيانىڭ ماسكەۋ قالاسىنداعى فيليالىنىڭ باس ديرەكتورى. ەلىمىزدەگى «100 جاڭا ەسىم» جوباسىنىڭ ءۇشىنشى كەزەڭىندەگى جەڭىمپازداردىڭ ءبىرى.

الديار جۇماجانوۆ «100 جاڭا ەسiم» جوباسىن ءۇش جىلدان بەرi قاداعالاپ ءجۇرىپتى. دەسە دە ول ءوزىن سول ۋاقىتتا مۇنداي جوباعا قاتىساتىنداي قابiلەتتi ساناماعان ەكەن. تەك بىلتىر شiلدە ايىندا ءوتiنiش بەرگەن. جەڭىپ شىعامىن دەپ ويلاماعان. ءوزi تۋرالى قىسقا ءارi نۇسقا: جاسىن, نەمەن اينالىساتىنىن, قانداي ويىندار ازiرلەگەنىن جازىپ جىبەرگەن.

– مەن جوباعا وسىلاي كەلدiم, – دەدى ول. – ءوتiنiشتi شىمكەنت قالاسىنان بەردiم. شىنىمدى ايتسام, «100 جاڭا ەسىم» جوباسىنا سانالى تۇردە قاتىستىم. جەتكىلىكتى داۋىس جينالدى. قازاقستاندىقتارعا قولداۋى ءۇشىن العىس ايتقىم كەلەدى. ەلباسى نۇرسۇلتان ءابىش ۇلى نەگىزىن قالاعان جوبانىڭ جەڭىمپازى بولىپ, ءوز قالامنىڭ اتىنان قاتىسۋ – مەن ءۇشىن ۇلكەن مارتەبە. بۇل ءبىزدىڭ كاسىپكەرلەردىڭ ءموبيلدى قوسىمشالاردى جاساپ شىعارۋعا دەگەن قىزىعۋشىلىعىن ارتتىرىپ, ءىت سالاسىنا, ءموبيلدى ويىندار مەن قوسىمشالاردى باعدارلامالاۋعا ينۆەستيتسيا قۇيۋعا سەبەپشى بولادى دەپ ويلايمىن. بۇل جوبا ماعان ءوز جەتىستىگىم تۋرالى ايتۋعا, ۇلگى بولۋعا, قول قۋسىرىپ وتىرماي, وزىڭە سەنۋگە ۇيرەتۋگە مۇمكىندىك بەردى.

– « ۇلى سۇلتان», «ۇيقى شەبەرى» سياقتى ءموبيلدى ويىنداردى جاساعان ەكەنسىڭ... – دەدىك ءبىز الديارعا.  

– مەن ويىننىڭ كونتسەپتسياسىن جاسادىم. باسقا قۇرامداس بولىگى جانە جارناما بويىنشا كوماندامەن بىرگە جۇمىس ىستەدىك. تمد نارىعىندا ويىندى ناسيحاتتاپ, لوكاليزاتسياسىن جاساپ, كومپانيانىڭ SMM ءبولىمىن باسقاردىم, – دەدى ول. – ال « ۇلى سۇلتان» – بۇل مەنiڭ يدەيام ءارi وسى ويىندى جاساۋعا ءوزىم ۇسىنىس بەردىم. بىردە Founder كومپانياسىنىڭ نەگiزiن قالاۋشى جاڭازەلانديالىق باستىعىم وسىنداي ءموبيلدى ويىندار بويىنشا 5 پرەزەنتاتسيا قورعاعان ەدى. وعان دەيiن بiر اي بۇرىن «قاي ويىن ءوتىمدى بولادى» دەپ مەنىڭ پىكىرىمدى سۇرادى. ينۆەستورلاردىڭ الدىندا قورعاعان جاڭا جوبانى iسكە قوسپاقشى. ونىڭ قولىندا ءۇش جوبا بولدى. ولار: «ەجەلگi ريم», «ەجەلگi مىسىر» جانە « ۇلى سۇلتان» ويىندارى. مەن كوپ ويلانعان جوقپىن. بۇل ويىندار تۋرالى بارلىق مالىمەتتەردi تابۋ ءۇشiن بiر-ەكi كۇن بەرۋiن سۇرادىم. سودان كەيiن وسى ويىنداردىڭ تمد ەلدەرiندە تانىمالدىلىعى بويىنشا تالداۋ جۇرگiزدiم. تالداي كەلە, باستىعىما « ۇلى سۇلتان» ويىنى بويىنشا جۇمىس ىستەگىم كەلەتىنىن ايتتىم.

– « ۇلى سۇلتان» قانداي ويىن سوندا؟ – بىلگىمىز كەلدى.

– « ۇلى سۇلتان» ءموبيلدى ستراتەگياسى ءوزىڭدى وسمان يمپەرياسىنىڭ بيلەۋشىسى سەزىنۋىڭە مۇمكىندىك بەرەدى. ءسىز مەملەكەتتى باسقارىپ, اسكەري جورىقتارعا قاتىسىپ, يمپەريانى كەڭەيتە تۇسەسىز. مەملەكەتتى گۇلدەندىرۋ وڭاي ەمەس. دۇرىس شەشىم قابىلداپ, كەڭەسشىلەر تاعايىنداپ, مەملەكەتتەردىڭ قورعانىسىن كۇشەيتۋىڭىز كەرەك, – دەدى ونەرتاپقىش.

– بۇگىندە بۇل ويىنداردى قانشا ادام ويناپ ءجۇر؟ – دەپ ودان ءارى قىزىعۋشىلىق تانىتتىق.

– بۇل قوسىمشا قازىرگى ۋاقىتتا AppStore جانە Google PlayMarket ءموبيلدى دۇكەندەردە ساتىلادى. بۇگىنگە دەيىن بۇل ويىن 20 ميلليون رەت جۇكتەلگەن, – دەدى ول.

بۇدان ءارى الدياردان:

– « ۇلى سۇلتاننان» بولەك الەم بويىنشا العاشقى بولىپ ەجەلگى قازاقستان تۋرالى « ۇلى حان» 3D-ءموبيلدى ويىنىن قۇراستىرىپ جاتىر ەكەنسىڭدەر... – دەپ سۇرادىق.

– ءيا, بۇل جوبا قازاقستاندىق كاسىپكەرلەردىڭ قىزىعۋشىلىعىن وياتادى دەپ ۇمىتتەنەمىن. ءبىزدىڭ ەلدە ءىت يندۋستريانىڭ دامىعانىن قالايمىن. ال « ۇلى حان» ويىنىنا كەلەتىن بولساق, بۇل – ەجەلگى قازاقستان, دۇرىسى, قازاق, تاتار, موڭعول, بۋريات سىندى كوشپەندى حالىقتار تۋرالى. ويىن تازا قازاق حاندىعى تۋرالى دەپ ويلاۋدىڭ قاجەتى جوق. ەگەر وسىلاي بولسا, بۇل تەك بىزگە عانا قىزىقتى بولار ەدى. سول سەبەپتى تمد جانە امەريكا مەن كانادانىڭ, ورتالىق ازيانىڭ نارىعىن تولتىرۋ ءۇشىن مەن بۇل جوبانى حالىقارالىق دەڭگەيگە شىعارۋ كەرەك دەپ شەشىم قابىلدادىم. سول سەكىلدى وزگە ۇلتتارعا دا  قىزىقتى بولۋى ءۇشىن تاتارلاردى, موڭعولداردى, جاپوندىقتاردى, كورەيلەردى, ورىستاردى, ۋكرايندىقتاردى قوستىم. وندا بەلگىلى ءبىر ۋاقىتشا ۋچاسكە بولمايدى. بارلىعى شىڭعىس حاننان باستالادى. كەيىن ءبىزدىڭ ەلگە جەتەدى. ءارى قاراي بىزدەن كەيىن دە جالعاسادى. ويىن بيىلعى ناۋرىزدا تەست تۇرىندە جارىققا شىعىپ, مامىر ايىندا ويىننىڭ تولىق نۇسقاسى پايدا بولادى, – دەپ جاۋاپ بەردى.

ءبىز ونەرتاپقىشتان ءوزى قىزمەت ىستەيتىن كومپانيا تۋرالى سۇراپ, بىلدىك. ونىڭ ايتۋىنشا, بۇل كومپانيا قىتايداعى 3000 IT كومپانيانىڭ iشiندە ۇزدiك 16 توپقا كiرەدi ەكەن. ال ءوزى تۇراتىن قالاسى بويىنشا توپ 1-كومپانيا. گونكونگتە, ماسكەۋدە, تۇركيادا كەڭسەلەرى بار كورىنەدى. ءبىزدىڭ كەيىپكەرىمىز بۇل كومپانياداعى جالعىز قازاقستاندىق. ونىمەن بiرگە جۇمىس ىستەيتىن ارىپتەستەرى – رەسەي, تۇركيا, جاڭا زەلانديا, فيليپپين, پولشا, موروككو جانە حورۆاتيا ەلدەرىنەن. 

– تسزينان قالاسىنداعى ءومiر كەرەمەت! وسىندا ون جىلداي تۇرىپ جاتىرمىن. مۇندا تروپيكالىق كليمات. جىل ون ەكi اي جاز. مەن قۇرلىقتا ەمەس, ارالدا تۇرامىن. حالقى ايتارلىقتاي كوپ ەمەس – 5 ملن ادام. 4 مەترو جانە جەراستى LRT-سى بار. قوعامدىق كولiكتi پايدالانۋ ءۇشiن بارلىق جاعداي جاسالعان. بارلىق جولدا قوعامدىق كولiككە ارنالعان جولاق بار. ۆەتنام, تايلاند, تايۆانعا ساياحات جاساۋ وتە جەڭىل. بۇل جەردەن فيليپپينگە دە بيلەت ارزان. بىراق كەمشiلiگi دە بار. سيرەك بولسا دا جەر سiلكiنiسi بولىپ تۇرادى. سوسىن ماۋسىمدىق جاۋىندارى بار. مىسالى, اقپاننىڭ سوڭىندا جانە مامىردىڭ باسىندا جاڭبىر جاۋادى, – دەدى ول. 

اڭگىمە سوڭىندا الدياردان:

– ەلىمىزدەگى IT كومپانيالاردان شاقىرتۋ بولعان جوق پا؟ بولاشاققا قۇرعان جوسپارلارىڭ بار ما؟ – دەپ سۇراعان ەدىك.

– بۇگىنگى كۇنگە دەيىن قازاقستاندىق ءىرى كومپانيالاردان ەشقانداي شاقىرتۋ العان جوقپىن. قازاقستاندا ۋكراينانىڭ UNIT Factory ءبىلىم بەرۋ جوباسى نەگىزىندە ءبىرىنشى IT مەكتەپ اشۋ جوپارىمدا بار. مامىر ايىندا رەسمي شاقىرتۋمەن كيەۆ قالاسىنا بارامىن, – دەدى الديار جۇماجانوۆ.

جاس ونەرتاپقىشتىڭ ايتۋىنشا, ول بۇل ساپارىندا كيەۆتەگى تاراپپەن زياتكەرلىك رەسۋرستى قولداۋ بويىنشا كەلىسىمشارتقا وتىرادى. سونداي-اق ەلىمىزدە  IT مەكتەپ اشۋ ءۇشىن قاراجات جيناۋدى باستايدى. ارينە, باستاپقىدا ول ءوز ۋاقىتى مەن قاراجاتىن جۇمسايتىنىن, الايدا, بۇل قارجى مەكتەپتى ۇستاپ تۇرۋعا جەتپەيتىنىن ايتادى.

– باستامامدى قولداعىسى كەلەتىن وتانداستارىم ماعان حابارلاسسا ەكەن. قازاقستاندا IT مەكتەپ اشۋ ءۇشىن اقشا جيناپ جاتقانىمدى مالىمدەيمىن, – دەدى ول.