بۇل تۋرالى قالالىق ءبىلىم باسقارماسىنىڭ ءباسپاسوز قىزمەتى مەكەمە تاراپىنان توتەنشە جاعدايعا بايلانىستى اتقارىلىپ جاتقان جۇمىستارمەن بولىستى.
شىمكەنت قالاسىنىڭ ءبىلىم باسقارماسىنا قاراستى بارلىق ءبىلىم بەرۋ ۇيىمدارى پاندەميا كەزەڭىندە ءبىلىم بەرۋ ۇيىمدارىندا, جەتىم بالالارعا جانە اتا-اناسىنىڭ قامقورلىعىنسىز قالعان بالالارعا ارنالعان ۇيىمداردا COVID-19 كوروناۆيرۋستىق ينفەكتسيانىڭ تارالۋىنا جول بەرمەۋ شارالارىن كۇشەيتۋ تۋرالى ءبىلىم باسقارماسىنىڭ 2020 جىلعى №143 بۇيرىعى شىعارىلىپ, قاتاڭ باقىلاۋعا الىندى, جۇمىستار اتقارىلۋدا.
قازىرگى تاڭدا اتالعان بۇيرىققا سايكەس مەكتەپكە دەيىنگى مەكەمەلەر شتاتتىق رەجيمدە جۇمىس جاساۋدا. سونىمەن قاتار, بالالاردىڭ اتا-انالارى مەن زاڭدى وكىلدەرىنىڭ تىلەگى بويىنشا ەركىن بارۋ رەجيمى قارالعان جانە بالالار بولماعان جاعدايدا دا مەكتەپكە دەيىنگى ۇيىمداردا بالا ورنىنىڭ ساقتالۋى قامتاماسىز ەتىلگەن.
شىمكەنت قالاسىندا مەكتەپكە دەيىنگى 521 ۇيىم جۇمىس ىستەيدى. وندا 64 563 بالالار تاربيەلەنۋدە.
17 ناۋرىز كۇنى جالپى 20 342 بالا (31,5 پايىز) مەكتەپكە دەيىنگى ۇيىمدارعا كەلدى (كەلمەگەنى - 44 218 بالا). ونىڭ ىشىندە 79 مەملەكەتتىك بالاباقشاعا – 3115 بالا, 439 جەكەمەنشىك بالاباقشاعا 17227 بالا كەلدى.
مەكتەپتەر بويىنشا
ءبىلىم الۋشىلار مەن تاربيەلەنۋشىلەردىڭ, پەداگوگتەردىڭ, ءبىلىم بەرۋ ۇيىمدارىنىڭ باسقا دا قىزمەتكەرلەرىنىڭ ءومىرى مەن دەنساۋلىعىنىڭ ساقتالۋىن قامتاماسىز ەتۋ ماقساتىندا مەكتەپ وقۋشىلارى 2020 جىلدىڭ 16 ناۋرىزدان باستاپ 5 ساۋىرگە دەيىن كوكتەمگى كانيكۋلعا جىبەرىلدى. كوكتەمگى دەمالىس ۋاقىتىندا پەداگوگتەرگە شەتتەتىلگەن رەجيمدە ء(بىلىم بەرۋ ۇيىمىنان تىس) جۇمىس ىستەۋ جۇزەگە اسىرىلۋدا.
مەكتەپ پەداگوگتارى بويىنشا
وقۋشىلاردىڭ كوكتەمگى كانيكۋل كەزەڭىندەگى پەداگوگ قىزمەتكەرلەردىڭ ايلىق جالاقىسى قر ۇكىمەتىنىڭ «ازامات قىزمەتشىلەرگە مەملەكەتتىك بيۋدجەت قاراجاتى ەسەبىنەن ۇستالاتىن ۇيىمدارىنىڭ قىزمەتكەرلەرىنە, قازىنالىق كاسىپورىنداردىڭ قىزمەتكەرلەرىنە ەڭبەكاقى تولەۋ جۇيەسى تۋرالى» 2015 جىلعى 31 جەلتوقسانداعى №1193 قاۋلىسىنا سايكەس كانيكۋل باستالار الدىنداعى تاريفتەۋ كەزىندە (قوسىمشا اقى ەسەبىمەن) بەلگىلەنگەن ايلىق جالاقى ەسەبىنەن جۇرگىزىلەدى.
سونىمەن قاتار, دەمالىس كەزەڭىندە بالالاردىڭ قاۋىپسىزدىگىن قامتاماسىز ەتۋ, وقۋشىلار تاراپىنان جاسالاتىن قىلمىستىق ءىس-اركەتتىڭ الدىن الۋ بويىنشا ارنايى ءىس قيمىل الگوريتمى دايىندالىپ بەكىتىلىپ, ءبىلىم ۇيىمدارىنىڭ ءبىرىنشى باسشىلارىنا تانىستىرىلدى. دەمالىس كەزىندە وقۋشىلار ۋاقىتىن ءتيىمدى پايدانۋ ماقساتىندا تانىمدىق باعدارلامالار جاسالدى.
ءبىلىم بەرۋ, وقۋ-تاربيە قىزمەتىن جۇزەگە اسىراتىن ءبىلىم بەرۋ ۇيىمدارى, ونىڭ ىشىندە ينتەرناتتاردا, جاتاقحانالاردا سانيتاريالىق-ەپيدەميولوگيالىق جانە الدىن الۋ ءىس-شارالارىن كۇشەيتۋ بويىنشا شارالار قابىلداندى.
جوو مەن كوللەدجدەر
2020 جىلعى 16 ناۋرىزدان باستاپ جوو مەن تەحنيكالىق جانە كاسىپتىك, ورتا بىلىمنەن كەيىنگى ۇيىمدارىندا وقۋ پروتسەسىن ىسكە اسىرۋعا مۇمكىندىك بەرەتىن قاشىقتان ءبىلىم بەرۋ تەحنولوگيالارىمەن وقىتۋ قامتاماسىز ەتىلدى. پاندەميا كەزەڭىندە كوروناۆيرۋستىق ينفەكتسيانىڭ تارالۋىن الدىن الۋ ماقساتىندا تەحنيكالىق جانە كاسىپتىك, ورتا بىلىمنەن كەيىنگى ءبىلىم بەرۋ ۇيىمدارىندا وقۋ پروتسەسىن ۇيىمداستىرۋ بويىنشا ادىستەمەلىك ۇسىنىمدار تاراتىلىپ بەرىلدى.
جوو
شىمكەنت قالاسىنداعى 10 جوو-دا (3 مەملەكەتتىك – 35 913, 7 جەكەمەنشىك - 70 810) 106 723 ستۋدەنت وقيدى. بارلىق جوو ستۋدەنتتەرىنە قاشىقتىقتان وقىتۋ ۇيىمداستىرىلعان.
بارلىق جوو-دا «پلاتونۋس», «پرومەتەي», «ۋنيۆەر». «يس ۆۋز», «مۋدل» جانە ت.ب. پلاتفورمالار ورناتىلعان.
كوللەدجدەر
شىمكەنت قالاسىنداعى 30 كوللەدجدە (11 مەملەكەتتىك – 12 422, 19 جەكەمەنشىك- 12 826) 25 248 ستۋدەنت وقيدى.
24 كوللەدجدە (11 مەملەكەتتىك, 13 جەكەمەنشىك) College SmartNation, پورتال, پلاتونۋس پلاتفورمالار ورناتىلعان.
قالعان 6 جەكەمەنشىك كوللەدجدە (اسىلوي, ايماقارالىق گۋمانيتارلىق-تەحنيكالىق, وق مەديتسينا, ازيمەد, شىمكەنت كوپسالالى, جالىن) College SmartNation پلاتفورماسى بۇگىن 20:00-گە دەيىن ورناتىلادى.
قازىرگى تاڭدا College SmartNation اقپاراتتىق جۇيەسىن اۆتوريزاتسيالاۋ ماقساتىندا مالىمەتتەردى يمپورتتاۋ پروتسەسى ءجۇرىپ جاتىر. بۇعان قوسا 2 جەكەمەنشىك كوللەدجدىڭ (ايماقارالىق گۋمانيتارلىق-تەحنيكالىق كوللەدج, وڭتۇستىك قازاقستان مەديتسينا كوللەدجى) ينتەرنەت جىلدامدىعى 30 مب/س-دان تومەن. كوللەدج اكىمشىلىگى تاراپىنان «قازاقتەلەكوم» اق-نا حاتتار جولدانعان, بۇگىن 20:00-گە دەيىن شەشىلەتىن بولادى.
قازىرگى تاڭدا 35 ستۋدەنت كاسىپتىك جانە ديپلومالدى پراكتيكادا.
قازاقستان رەسۋبليكاسىنىڭ اۋماعىندا كوروناۆيرۋستىق ينفەكتسيانىڭ پايدا بولۋى مەن تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ 2020 جىلعى 12 ناۋرىزداعى وتىرىسىنىڭ حاتتاماسىنا سايكەس ۋاقىتشا شەكتەۋلەر كەزەڭىندە ءبىلىم بەرۋ مەكەمە قىزمەتكەرلەرىنىڭ ءۇش توبى بويىنشا جۇمىس اتقارادى.
I توپ – جۇمىس ورنىندا مىندەتتى تۇردە قاتىسا وتىرىپ, ۇيىمنىڭ جۇمىسىن قامتاماسىز ەتۋمەن اينالىساتىن;
II توپ – ەڭبەك فۋنكتسيالارىن قاشىقتىقتان رەجيمدە ورىندايتىن;
III توپ – جۇمىس بەرۋشىلەردىڭ ءتيىستى اكتىلەرىن قابىلداي وتىرىپ, اقىلى دەمالىس نەمەسە اقىسىز دەمالىستا.
كارانتيندىك ءىس-شارالار كەزىندە قاشىقتىقتان جۇمىس نەمەسە اقىلى دەمالىس نىسانىنا كوشۋ كەزىندە جالاقى تولەۋدى قامتاماسىز ەتىلەدى.
سونىمەن قاتار, كارانتينگە نەمەسە شەكتەۋ شارالارىنا كوشۋ كەزىندە مەملەكەتتىك ءبىلىم بەرۋ تاپسىرىسى بار ۇيىمدارعا (بالاباقشالار, جوو, مەكتەپتەر) شتات رەجيمىنە سايكەس قارجىلاندىرۋدى قامتاماسىز ەتىلەدى.
شىمكەنت