قاراعاندى قالاسىنىڭ وكتيابر اۋدانىندا, وبلىستاعى جەزقازعان, تەمىرتاۋ جانە بالقاش قالالارىنا كىرەبەرىس جولداردا, سونداي-اق نۇرا اۋدانىندا سانيتارلىق بەكەتتەر ۇيىمداستىرىلدى, دەپ حابارلادى وبلىس اكىمىنىڭ ءباسپاسوز قىزمەتى.
سانيتارلىق بەكەتتەردە وڭىرگە كەلگەن ازاماتتاردىڭ بارلىعى كوروناۆيرۋستىق ينفەكتسيا بەلگىلەرى بويىنشا تەكسەرىستەن وتكىزىلەدى. بەكەتتەردە تاۋارلار مەن قىزمەتتەردىڭ ساپاسىن باقىلاۋ دەپارتامەنتىنىڭ ماماندارى تاۋلىك بويى كەزەكشىلىك ەتەدى.
ەسكە سالساق, وبلىستىڭ بارلىق اۆتوپاركتەرى كۇشەيتىلگەن سانيتارلىق باقىلاۋ رەجيمىنە كوشىرىلگەن بولاتىن. اتالعان ەرەجەگە ساي, جولاۋشىلار اۆتوبۋستارىنىڭ جانە مارشرۋتتىق تاكسيلەردىڭ بارلىعىنىڭ سالوندارى ءاربىر رەيس باستالار الدىندا جانە اياقتالعاننان كەيىن دەزينفەكتسيالىق ەرىتىندىلەرمەن وڭدەلىپ, تازارتىلادى.
جۇرگىزۋشىلەر مەن كوندۋكتورلاردى اۋىسىم باستالار الدىندا دارىگەرلەر تەكسەرەدى.
COVID-19 كوروناۆيرۋسىنىڭ الدىن الۋ ماسەلەلەرى بويىنشا تاۋارلار مەن قىزمەتتەردىڭ ساپاسىن باقىلاۋ دەپارتامەنتىندە (8-7212) 50-76-46 ءنومىرى بويىنشا جەدەل جەلى اشىلعان.
قاراعاندى وبلىسى