پرەزيدەنت جانىنداعى توتەنشە جاعدايلار رەجيمىن قامتاماسىز ەتۋ جونىندەگى مەملەكەتتىك كوميسسيانىڭ وتىرىسىندا وسى جىلدىڭ 17 ناۋرىزىنىڭ قورىتىندىسىمەن نۇر-سۇلتان جانە الماتى قالالارىندا كارانتين ەنگىزىلدى. ەل پرەزيدەنتى – جوعارعى باس قولباسشىنىڭ تاپسىرماسىنا سايكەس قازاقستان ارمياسى اتالمىش شاراعا تارتىلدى. بۇل تۋرالى قورعانىس مينيسترلىگىنىڭ ءباسپاسوز قىزمەتى حابارلادى.
قارۋلى كۇشتەر وسى جاعدايعا الدىن-الا كەشەندى ءىس-شارالار جۇرگىزىپ, جۇكتەلگەن تاپسىرمانى ورىنداۋعا كىرىسىپ كەتتى.
اسا ماڭىزدى مەملەكەتتىك جانە اسكەري نىسانداردىڭ كۇزەتى كۇشەيتىلدى. اسكەري قىزمەتشىلەر ۇلتتىق گۆارديا جانە پوليتسيا بولىمشەلەرىمەن بىرىگىپ قوعامدىق ءتارتىپتى قامتاماسىز ەتۋ ماقساتىندا پاترۋلدەۋگە قاتىسادى.
كارانتيندى ايماق بويىنشا نۇر-سۇلتان مەن الماتى قالالارىنداعى بايلانىس جانە قيىلىسۋ پۋنكتەرىندە دەسانتتىق شابۋىلداۋ اسكەرلەرى مەن بىتىمگەرشىلىك پولكى تاۋلىك بويى قىزمەت ەتەدى. وسى ماقساتتى ورىنداۋدا كەلىسىمشارت بويىنشا, ارنايى دايارلىقتان وتكەن, وسىنداي ءىس-قيمىلدا تاجىريبەسى مول اسكەري قىزمەتشىلەر جۇمىس ىستەيدى.
رادياتسيالىق, حيميالىق جانە بيولوگيالىق قورعاۋ بولىمشەلەرىنىڭ دايىندىعىنا ەرەكشە كوڭىل ءبولىندى. زاقىمدانۋ قاۋپى بار اۋماقتار مەن نىسانداردى ارنايى وڭدەۋ ءۇشىن جاساقتار قۇرىلدى. دەزينفەكتسيالاۋ ءۇشىن قاجەتتى رەاگەنتتەر قورى بار 1 اۆتوموبيل قۇيۋ ستانتسيالارى (ارس-14KZ) ازىرلىككە كەلتىرىلدى.
جەرگىلىكتى وبەكتىلەردى وڭدەۋ ءۇشىن جەكە گازسىزداندىرۋ جيىنتىقتارىن (يدك-1) قولدانۋ جوسپارلانىپ وتىر.
جەكە قورعانىس قۇرالدارىن پايدالانۋدى ەسكەرە وتىرىپ, اسكەري قىزمەتشىلەر قويىلعان مىندەتتەردى كەز كەلگەن جاعدايدا ورىنداۋعا دايىن.
ەڭ باستى باعىتتارعا كۇش-جىگەردى ءتيىمدى جۇمساۋ ماقساتىندا قورعانىس مينيسترلىگىنىڭ جەدەل شتابى جەرگىلىكتى بيلىك ورگاندارىمەن, ىشكى ىستەر جانە دەنساۋلىق ساقتاۋ ورگاندارىمەن ۇزدىكسىز جۇمىس جاسايدى.
وسىعان دەيىن باستالعان سانيتارلىق-ەپيدەميولوگيالىق شارالار مەن مەن اسكەري قىزمەتشىلەردىڭ قاۋىپسىزدىگىن تۇراقتى ورنالاستىرۋ پۋنكتتەرىندەگى مىندەتتەر, جەرلەردە كەزەكشىلىكتەر اتقارۋ جانە تاپسىراملاردى ورىنداۋ ودان ءارى ءوز جالعاسىن تاباتىن بولادى.
مەرزىمدى اسكەري قىزمەتكە شاقىرىلعاندار كارانتيندە بولعاندىقتان ارنايى تاپسىرمالاردى ورىنداۋعا قاتىسپايدى. ولارعا سەيىلدەمەگە شىعۋعا, ازاماتتارمەن, ونىڭ ىشىندە تۋىستارى جانە دوستارىمەن قارىم-قاتىناس جاساۋعا شەكتەۋ قويىلادى.
قارۋلى كۇشتەردىڭ باسشىلىعى اسكەري قىزمەتشىلەردىڭ جاقىندارى مەن تۋىستارى تۇسىنىستىكپەن قاراپ, قولداۋ كورسەتەتىنىنە سەنىم بىلدىرەدى.