بيىل پاۆلودار وبلىسىنىڭ كوزى كورمەيتىن جانە ناشار كورەتىن ازاماتتارعا ارنالعان وبلىستىق كىتاپحاناسىنا جارتى عاسىر تولدى.
1970 جىلى شاعىن عانا عيماراتتا اشىلعان كىتاپحانامىز وسى ۋاقىت ىشىندە تەك العا جىلجىپ, زاماناۋي جابدىقتارمەن قامتىلىپ, كوپتەگەن اۋىز تولتىرىپ ايتا الاتىن جەتىستىكتەرگە قول جەتكىزىپ وتىر. اتاپ ايتساق, كەرەكتى كىتاپ قورى, دىبىستىق (اۋديو) تاسپالار, LED-ەكراندى تەلەديدار, زاعيپتاردى وقىتىپ, ۇيرەتەتىن كومپيۋتەرلەر مۇندا جەتكىلىكتى.رەسپۋبليكا بويىنشا وسىنداي كىتاپحانالار اراسىندا تۇڭعىش رەت بىزدە سoworkinq-ورتالىعى اشىلدى.
كىتاپحانادا زاعيپ جاندار ءۇشىن ءارتۇرلى ءىس-شارالار ۇيىمداستىرىلادى. ول مەيرامدارعا, مەرەيلى تويلارعا قارسى وتكىزىلەدى. ءوز مۇمكىندىكتەرىنە قاراي وسى ساناتتاعى ازاماتتاردىڭ جارتىسىنان كوبى كىتاپحانانىڭ وقىرماندارى.«ول قالايشا؟» دەگەن سۇراقتىڭ تۋىنداۋى ورىندى. ويتكەنى زاعيپ جاندار كىتاپحاناعا تەك ءىس-شارالارعا قاتىسۋ ءۇشىن عانا ەمەس,وزدەرىنىڭ قۋانىشتارىمەن, قايعى-مۇڭدارىمەن بولىسۋگە دە كەلەدى. بۇل ءبىر جاعىنان ادامداردىڭ ءبىر-ءبىرى مەن جاقىن ارالاسىپ, ءبىر وتباسى مۇشەلەرىندەي بوپ كەتكەندىگىمەن دە بايلانىستى.بۇل جەردە كىتاپحاناشىلاردىڭ ەڭبەگى زور. ولار ارقاشان كەلۋشىلەردى قۋانا قارسى الىپ, كىشىپەيىلدىك, يناباتتىلىق تانىتادى. ەرەكشە جاندارعا قامقور بولىپ, باۋراپ الادى.
وسى مەكەمەدە جۇمىس ىستەيتىن جانى جايساڭ, كوڭىلدەرى اشىق قىزمەتكەرلەردىڭ ەڭبەگىنىڭ وڭاي ەمەس ەكەنىن ايتىپ وتكىم كەلەدى. جوعارىدا ايتقان ءىس-شارالاردى وتكىزۋ ءۇشىن, ونىڭدايىندىعىنا قانشا ۋاقىت تالاپ ەتەتىنىن بىرەۋ بىلسە, بىرەۋ بىلمەيدى. ال وسىنىڭ ءبارى كوزى كورمەيتىن جانە ناشار كورەتىن ازاماتتار ءۇشىن جاسالادى. ولاردىڭ جانىن ءتۇسىنۋ ەكىنىڭ ءبىرىنىڭ قولىنان كەلە بەرمەيدى. سوندىقتان, بۇل كىتاپحانامىزدا, تەك ءوز ءىسىنىڭ شەبەرى, زاعيپ جاندارعا جانى اشيتىن ادامدار ەڭبەك ەتەدى.
وسىنداي ۇجىمنىڭ جۇمىسىن ۇيىمداستىرىپ, قىزمەتكەرلەرىنىڭ قالتقىسىز ەڭبەك ەتۋى كىتاپحانا باسشىسى جامال كەنجەبەكوۆا باستاعان ءلاززات قۋانتاەۆا, ليۋدميلا ارتامونوۆا, اسەم نۇرعاليەۆا, ايناگۇل قوجاحانوۆا سەكىلدى ماماندارعا تىكەلەي بايلانىستى. وسى ىسكەر ادامداردان ءتالىم-تاربيە العان كىتاپحاناشىلاردا وزدەرىنە جۇكتەلگەن جاۋاپكەرشىلىك بيىگىنەن تابىلۋدا. قازاق سوقىرلار قوعامىنىڭ پاۆلودار فيليالى كىتاپحانامەن كوپتەگەن شارالاردى بىرلەسىپ وتكىزەدى. ويتكەنى ماقساتىمىز جانە جوسپارلارىمىز ءبىر.
بالكەن يبراەۆا
پاۆلودار