اۆتوبۋسپەن جولاۋشىلار مەن باگاجدى تاسىمالداۋ توقتاتىلدى

قازاقستان مەن قىرعىزستان (30), وزبەكستان (100), رەسەي (300), قحر (1000), موڭعوليا (30), ۋكراينا (50) جانە تاجىكستان (50) اراسىندا جولاۋشىلاردى تۇراقتى ەمەس تاسىمالداۋعا وتاندىق تاسىمالداۋشىلارعا رۇقسات بلانكىلەرىن بەرۋ توقتاتىلدى. بۇل بلانكىلەر تۋريستىك جانە تاپسىرىستى مارشرۋتتارعا ارنالعان.

سونداي-اق كوروناۆيرۋستىڭ تارالۋىنا جول بەرمەۋ ماقساتىندا قوسىمشا مىناداي شارالار قابىلداندى:

1. رەسەي جانە قىرعىزستانمەن ەكى ەسە اۆتوبۋستارمەن جانە شاعىن اۆتوبۋستارمەن جۇزەگە اسىرىلاتىن حالىقارالىق قاتىناستاعى تۇراقتى مارشرۋتتار رەيستەرىنىڭ سانى شەكتەۋلى.2. تۇراقتى جانە تۇراقتى ەمەس اۆتوبۋس (شاعىن اۆتوبۋس) تاسىمالدارىنىڭ ءترانزيتى توقتاتىلدى.تاماق ونىمدەرىن, حالىق تۇتىناتىن جانە مەديتسينالىق ماقساتتاعى تاۋارلاردى ۇزدىكسىز جەتكىزۋدى قامتاماسىز ەتۋ ماقساتىندا جۇكتەردى جانە پوشتا جونەلتىلىمدەرىن اۆتوموبيل كولىگىمەن حالىقارالىق ەكى جاقتى جانە ترانزيتتىك قاتىناستا تاسىمالداۋ شەكتەلمەيدى.سونىمەن قاتار تاسىمالداۋشىلار (جۇرگىزۋشىلەر) حالىقارالىق قاتىناستا اۆتوموبيل كولىگىمەن جۇكتەردى تاسىمالداۋدى جۇزەگە اسىرۋ كەزىندە بەلگىلەنگەن كارانتيندىك جانە سانيتارلىق-ەپيدەميولوگيالىق نورمالاردى, ونىڭ ىشىندە:1. جۇرگىزۋشى بەلگىلەنگەن ۋسق-دا قاتاڭ تۇردە ءجۇرۋى, ءوز اۆتوكولىگىنىڭ كابيناسىندا بولۋى ءتيىس جانە ءوز باستاماسى بويىنشا جانار-جاعار ماي ستانسالارىنان, ازىق-ت ۇلىك دۇكەندەرىنەن, اۆتو ءۇشىن ارنايى جابدىقتالعان تۇراقتاردان نەمەسە اۆتوكولىك سىنعان جاعدايدا تقس-دان باسقا قانداي دا ءبىر ورىندارعا بارماۋى ءتيىس.2. ەگەر جۇرگىزۋشى ءوزىنىڭ جرۆي بەلگىلەرىن بايقاعان جاعدايدا, ول ءوز ءاۆتوموبيلىنىڭ كابيناسىندا قالۋى, 103 نەمەسە 112 تەلەفوندارىنا قوڭىراۋ شالۋ, ءوزىنىڭ جاعدايى, ءاۆتوموبيلدىڭ تۇرعان جەرى, كابيناداعى ادامداردىڭ سانى تۋرالى حابارلاۋ جانە جەدەل جاردەم كولىگىنىڭ كەلۋىن كۇتۋى كەرەك.3. اۆتوكولىكتى كەدەندىك تازارتقاننان جانە تۇسىرگەننەن كەيىن شەتەلدىك تاسىمالداۋشى اۆتوكولىكتى تيەۋگە جانە جۇكتى كەدەندىك رەسىمدەۋدى قاتاڭ تۇردە تيەۋ جانە كەدەندىك رەسىمدەۋ ورنىندا بولۋ شارتىمەن جۇزەگە اسىرۋعا ءتيىس.4. تيەۋدى كۇتۋ كەزىندە اۆتوموبيل جانە جۇرگىزۋشى جۇك اۆتوموبيلدەرىنە ارنالعان ارنايى تۇراقتا بولۋى مۇمكىن.5. جۇك تيەلگەننەن جانە كەدەندىك رەسىمدەگەننەن كەيىن جۇرگىزۋشى قازاقستان رەسپۋبليكاسىندا بولۋ شارتتارىن ساقتاي وتىرىپ, ول ارقىلى قازاقستان رەسپۋبليكاسىنان كەتۋى ءتيىس اوق-نىڭ شەكاراسىنا قاتاڭ تۇردە ۇستانۋعا ءتيىس.6. شەتەلدىك تاسىمالداۋشىنىڭ باراتىن جەرىنە بارۋ جانە كەرى قايتۋ جولىندا جۇرگىزۋشىنىڭ حالىقپەن, سونداي-اق باقىلاۋشى ورگانداردىڭ وكىلدەرىمەن بايلانىسىن بارىنشا ازايتۋى قاجەت.سونىمەن قاتار سانيتارلىق-ەپيدەميولوگيالىق قىزمەتتەر كەدەن جانە شەكارا قىزمەتتەرىمەن بىرلەسىپ, مەملەكەتتىك شەكارا ارقىلى وتكىزۋ پۋنكتتەرى انىقتالاتىن بولادى.