مادەنيەت جانە سپورت ۆيتسە-ءمينيسترى وركەن بيساقاەۆ ۋاقىتشا شەكتەۋلەر كەزەڭىندە مينيسترلىك پەن وعان ۆەدومستۆولىق باعىنىستى بارلىق ۇيىمدا جەدەل شتابتار قۇرىلعانىن ايتتى.
«بۇگىندە مينيسترلىككە باعىنىستى ۇيىمداردىڭ قىزمەتكەرلەرى ءۇش كاتەگورياعا بولىنگەن. I توپقا – جۇمىس ورنىندا مىندەتتى تۇردە قاتىسا وتىرىپ, ۇيىمنىڭ تىنىس-تىرشىلىگىن قامتاماسىز ەتۋمەن اينالىساتىن قىزمەتكەرلەرى جاتقىزىلسا, II توپقا – ەڭبەك فۋنكتسيالارىن قاشىقتان رەجيمدە ورىندايتىن قىزمەتكەرلەر جاتادى. ال III توپقا – ءتيىستى اكتىلەردى قابىلداي وتىرىپ, اقىلى دەمالىس نەمەسە اقىسىز دەمالىس بەرىلەتىن قىزمەتكەرلەر كىرەدى» دەدى وركەن بيساقاەۆ.
ونىڭ ايتۋىنشا, قىزمەتكەرلەرگە جالاقىسى جانە وزگە دە قاراستىرىلعان الەۋمەتتىك شارالاردى ساقتاي وتىرىپ, ونىڭ ىشىندە قاشىقتىق رەجيمىندە يكەمدى جۇمىس كەستەسىن ەنگىزۋ مۇمكىندىگى قاراستىرىلعان. جالپى مينيسترلىككە قاراستى بارلىق مادەنيەت ۇيىمىنىڭ قىزمەتى قاشىقتان كورسەتىلۋدە, سونداي-اق, 21 مادەنيەت ۇيىمىنىڭ قىزمەتى ونلاين فورماتقا كوشىرىلگەن.
سونىڭ ىشىندە ۇلتتىق كىتاپحانالار وقىرماندارعا ەلەكتروندى جەتكىزۋ قىزمەتىن ۇسىنىپ وتىر. كىتاپحانا قورىنان قۇجاتتىڭ ەلەكتروندىق نۇسقاسى وقىرماننىڭ تاپسىرىسى بويىنشا ونىڭ ەلەكتروندىق پوشتاسىنا جولدانادى. بۇل رەتتە قۇجاتتاردىڭ قاتارىندا كىتاپتارمەن قاتار ديسسەرتاتسيا جانە تاعى باسقا ابونەمەنت زالدارىنان الەۋمەتتىك-ماڭىزدى ادەبيەت تۇرلەرى بار ەكەنىن اتاپ وتكەن ءجون.