ەڭبەك جانە حالىقتى الەۋمەتتىك قورعاۋ ءمينيسترى بىرجان نۇرىمبەتوۆ بالامەن ۇيدە وتىرۋعا ءماجبۇر بولعان اتا-انالارعا اقىلى دەمالىس بەرۋ ءتارتىبى قالاي ىسكە اساتىنىن ايتتى.
- بىزدە ەڭبەك كودەكسى بويىنشا كەز كەلگەن جۇمىس ىستەپ جۇرگەن ازامات جىلىنا ءبىر رەت اقىلى ەڭبەك دەمالىسىنا شىعۋعا مۇمكىندىگى بار. ول ءۇشىن ءار مەكەمەدە كەستە جاسالادى. قىزمەتكەرلەرگە سول كەستە بويىنشا اقىلى ەڭبەك دەمالىسى بەرىلەدى. وسى جاعدايدا بالاسىمەن ۇيدە قالۋعا ءماجبۇر بولعان اتا-انالارعا سول جىلىنا بەرىلەتىن اقىلى ەڭبەك دەمالىسىن وسى كۇندەرگە بەرۋدى ۇسىنامىز. بۇل جەردە كەمىندە ورتاشا جالاقىسى سول جۇمىسشىعا تولەنەتىن بولادى. بىراق ءوز كەزەگىندە جۇمىس بەرۋشى جۇمىسشىدان ەكىنشى وتباسىداعى اتا-اناسى نەمەسە باسقا دا قامقورشىلارى وسىنداي دەمالىسقا شىقپاعانى تۋرالى نەمەسە وتباسىندا جۇمىسسىز جۇرگەن ازاماتتار جوق ەكەنى تۋرالى انىقتاما تالاپ ەتۋگە قۇقىلى, - دەدى مينيستر.