جۇمىس بەرۋشىنىڭ تاراپىنان جۇمىسشىلارعا كەمىندە ءبىزدىڭ ەلىمىزدە بەكىتىلگەن ەڭ تومەنگى جالاقىدان تومەن ەمەس جالاقى تولەنۋى ءتيىس. بۇل تۋرالى ەڭبەك جانە حالىقتى الەۋمەتتىك قورعاۋ ءمينيسترى بىرجان نۇرىمبەتوۆ ورتالىق كوممۋنيكاتسيالار قىزمەتىنىڭ الاڭىندا ايتتى.
- توتەنشە جاعدايعا بايلانىستى وزدەرىنىڭ جۇمىستارىن توقتاتۋعا ءماجبۇر بولعان مەكەمەلەرگە ەڭبەك كودەكسىنىڭ 112-بابى تارايتىن بولادى. بۇل جەردە جۇمىس بەرۋشىنىڭ تاراپىنان جۇمىسشىلارعا كەمىندە ءبىزدىڭ ەلىمىزدە بەكىتىلگەن ەڭ تومەنگى جالاقىدان تومەن ەمەس جالاقى تولەنۋى ءتيىس. بىزدىڭ ەلىمىزدە بەكتىلگەن ەڭ تومەنگى جالاقى مولشەرى 42 500 تەڭگە, - دەدى ءبىرجان نۇرىمبەتوۆ.