قاۋىپتى دەرتكە شالدىققان وسى ەلدەگى العاشقى دەرەك كەشە تىركەلگەن ەدى. بۇل تۋرالى Uz.news اگەنتتىگى حابارلادى.
وسى ەلدەگى العاشقى كوروناۆيرۋس دەرەگى كەشە ۆيرۋسولوگيا ينستيتۋتىنىڭ زەرتحاناسىندا تىركەلدى. ونى ناۋرىزدىڭ 11-ءى كۇنى پاريجدەن ۇشىپ كەلگەن كەلىنشەك جۇقتىرعان.
سونىمەن بىرگە بۇگىن تاڭەرتەڭ تاعى ءۇش ادامدا جۇقپالى اۋرۋدىڭ بەلگىلەرى انىقتالعانى بەلگىلى بولدى. ونىڭ ەكەۋى قاۋىپتى ىندەتكە شالدىققان ايەلدىڭ بالالارى. قازىرگى ۋاقىتتا ناۋقاستىڭ تاعى 10 تۋعان-تۋىسى, ءبىر رەيسپەن ۇشىپ كەلگەن 23 جولاۋشى جانە سول كۇنى اۋەجايدا جۇمىس ىستەگەن شەكاراشىلار, كەدەنشىلەر مەن اۋەجاي قىزمەتكەرلەرى كارانتينگە الىندى.
بۇدان بولەك, كەشە ىستامبۇلدان تاشكەنتكە ۇشىپ كەلگەن وزبەكستان ازاماتىنان ۆيرۋس انىقتالدى, دەپ حابارلادى دەنساۋلىق ساقتاۋ مينيسترلىگى.