مەملەكەت باسشىسى قازاقستاندا جاريالانعان توتەنشە جاعدايعا بايلانىستى پىكىر ءبىلدىردى.
«بەلگىلى بولعانداي, دەنساۋلىق ساقتاۋ مينيسترلىگى بۇگىنگى كۇنى توعىز قازاقستاندىقتىڭ كوروناۆيرۋس جۇقتىرعانىن رەسمي مالىمدەدى. قازىر ولار دارىگەرلەردىڭ باقىلاۋىندا. ولارمەن بايلانىسقا تۇسكەن ادامدار دا قازىر مەديتسينالىق باقىلاۋعا الىندى. قازاقستان كوپتەگەن ەلدەن بۇرىن ۇكىمەت دەڭگەيىندە ارنايى ساراپتامالىق شتاب پەن ۆەدومستۆوارالىق كوميسسيا قۇردى, ۆيرۋستىڭ تارالۋىنا قارسى ارەكەت ەتۋ جوسپارىن قابىلدادى.
دۇنيەجۇزىلىك دەنساۋلىق ساقتاۋ ۇيىمى جاريالاعان پاندەميا اۋقىمدى قاۋىپكە يە بولىپ وتىر. سوندىقتان قازاقستاندىق زاڭناماعا سايكەس ەلىمىزدىڭ اۋماعىندا توتەنشە جاعداي ەنگىزۋ تۋرالى جارلىققا قول قويدىم» دەدى پرەزيدەنت.