كوروناۆيرۋس ينفەكتسياسىنىڭ تارالۋىنا جول بەرمەۋ ماقساتىندا وتكەن جەدەل ارەكەت ەتۋ شتابىنىڭ وتىرىسىندا جامبىل وبلىستىق دەنساۋلىق ساقتاۋ باسقارماسىنىڭ باسشىسى مارات جۇمانقۇلوۆ وڭىردەگى بەس مەديتسينالىق مەكەمەنىڭ بازاسىندا كارانتيندە ۇستاۋ جانە ەمدەۋ ءۇشىن 1040 توسەك-ورىن دايىندالعانىن مالىمدەدى. بەكىتىلگەن الگوريتمگە سايكەس ەمدەۋ مەكەمەلەرى قاجەتتى ماماندارمەن, مەديتسينالىق جابدىقتارمەن جانە ءدارى-دارمەكتەرمەن قامتاماسىز ەتىلگەن.
ءوز سوزىندە جامبىل وبلىسىنىڭ اكىمى بەردىبەك ساپارباەۆ ادامدار كوپ جينالاتىن جەرلەردە, قوعامدىق تاماقتانۋ ورىندارىندا, ساۋدا ورتالىقتارى مەن مەملەكەتتىك مەكەمەلەردە دەزينفەكتسيا دەڭگەيىن كۇشەيتۋدى تاپسىردى. سونداي-اق وڭىردە سانيتارلىق-ەپيدەميولوگيالىق نورمالاردىڭ ساقتالۋىن باقىلاۋدى ۇكىمەتتىك ەمەس ۇيىمداردىڭ وكىلدەرى, ارداگەرلەر مەن ۆولونتەرلەر تارتىلعان ءموبيلدى جۇمىس توبى جۇرگىزەتىن بولادى.
بۇدان باسقا, شەكارا ماڭىنداعى پۋنكتتەردە باقىلاۋدى كۇشەيتۋ, ال مەملەكەتتىك ورگانداردا وتكىزىلەتىن كەڭەستەردىڭ سانى مەن ولاردىڭ قاتىسۋشىلارىنىڭ سانىن ازايتۋ قاجەتتىگى ايتىلدى. ال, ازىق-ت ۇلىك قاۋىپسىزدىگىن قامتاماسىز ەتۋگە نازار اۋدارعان بەردىبەك ساپارباەۆ وڭىردە كەيبىر الەۋمەتتىك ماڭىزى بار ازىق-ت ۇلىك تاۋارلارى باعاسىنىڭ ءوسۋى بايقالاتىنىن اتاپ ءوتتى.
«وتكەن كەڭەستە جاۋاپتى باسشىلارعا الەۋمەتتىك ماڭىزى بار تاۋارلاردىڭ باعاسىنا كۇندەلىكتى مونيتورينگ جۇرگىزۋ, ولاردىڭ نەگىزسىز وسۋىنە جول بەرمەۋ تۋرالى تاپسىرما بەرىلگەن بولاتىن. بۇگىنگى تاڭدا ولاردىڭ باعاسىنىڭ وسۋىنە ەشقانداي نەگىز جوق. الايدا قولدا بار اقپارات بويىنشا كەيبىر ساۋدا نىساندارىندا كۇرىش, قانت جانە الەۋمەتتىك نان باعاسى قىمباتتاعان. بۇل وسى باعىتتاعى جۇمىستىڭ ءتيىستى دەڭگەيدە جۇرگىزىلمەگەندىگىن كورسەتەدى», دەدى اكىم.
وسى ماسەلەگە بايلانىستى بەردىبەك ساپارباەۆ ءوزىنىڭ ورىنباسارلارى مۇراتحان شۇكەەۆ پەن نۇرجان كالەندەروۆكە ساۋدا نۇكتەلەرىنىڭ, بازارلار مەن كوكونىس قويمالارىنىڭ جۇمىسىن ارنايى تەكسەرۋدى, الەۋمەتتىك ماڭىزى بار ونىمدەردىڭ قىمباتتاۋى مەن تاپشىلىعىنا جول بەرمەۋدى تاپسىردى.
جامبىل وبلىسى