جامبىل وبلىسىنىڭ اكىمى بەردىبەك ساپارباەۆ جەدەل ارەكەت ەتۋ شتابىنىڭ كەزەكتى وتىرىسىن وتكىزدى. كۇن تارتىبىندە كوروناۆيرۋستىق ينفەكتسيانىڭ تارالۋىنا جول بەرمەۋ جانە ءوڭىردىڭ ازىق-ت ۇلىك قاۋىپسىزدىگىن قامتاماسىز ەتۋ بويىنشا الدىن الۋ جۇمىستارىن جۇرگىزۋ ماسەلەلەرى قارالدى.
«مەملەكەت باسشىسى ەل اۋماعىندا كوروناۆيرۋستى تاراتۋعا جول بەرمەۋ جونىندە ناقتى تاپسىرمالار بەردى. اتاپ ايتقاندا, بۇقارالىق, مادەني جانە سپورتتىق ءىس-شارالار, كونفەرەنتسيالار مەن كورمەلەر وتكىزۋگە ۋاقىتشا تىيىم سالىنادى. ساۋدا ورتالىقتارىن, بازارلاردى, قوعامدىق تاماقتانۋ نىساندارىن, ۆوكزالدار مەن اۋەجايلاردى قوسا العاندا, ادامدار كوپ جينالاتىن بارلىق جەرلەردە سانيتارلىق رەجيم كۇشەيتىلدى. ءبىزدىڭ مىندەتىمىز – پرەزيدەنت تاپسىرمالارىنىڭ ورىندالۋىن قامتاماسىز ەتۋ, حالىق اراسىندا دۇرلىگۋگە جول بەرمەۋ», دەدى بەردىبەك ساپارباەۆ.
باسقوسۋدا وبلىستىق تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى بەرىك جارقىنبەكوۆ جۇرگىزىلگەن الدىن الۋ جۇمىستارى تۋرالى باياندادى. الايدا, وبلىس اكىمى اقپاراتتىق-ءتۇسىندىرۋ جۇمىستارىنىڭ السىزدىگىن اتاپ ءوتتى. ء«سىز جەرگىلىكتى جەرلەردە, حالىق اراسىندا ءتۇسىندىرۋ جۇمىستارىن جۇرگىزۋىڭىز كەرەك. تەلەارنالاردا جانە ادامدار كوپ جينالاتىن جەرلەردە بەينەروليكتەر كورسەتىلىپ, ءباسپاسوز بەتىندە ءتيىستى ماتەريالداردى جاريالاۋ كەرەك. مەديتسينالىق ماسكالاردىڭ تاپشىلىعىنا شاعىمدار بار. وبلىستىڭ بۇل باعىتتا ءوز زاۋىتى بولعانىمەن, ءوڭىردى قاراپايىم مەديتسينالىق بۇيىمدارمەن قامتاماسىز ەتە الماۋدا. دەپارتامەنت تاراپىنان باقىلاۋ جۇمىستارى ناشار جۇرگىزىلۋدە», دەدى بەردىبەك ساپارباەۆ.
جامبىل وبلىسى