جامبىل وبلىسىنىڭ اكىمى بەردىبەك ساپارباەۆ تاراز قالاسىنداعى «كورزينكا», «Firkan» جانە «مارت ماگنات» سەكىلدى ءىرى ساۋدا جەلىلەرىنىڭ دۇكەندەرىندە بولىپ, مۇنداعى الەۋمەتتىك ماڭىزى بار ازىق-ت ۇلىكتىڭ باعالارىن تەكسەردى.
اكىم تۇتىنۋشىلارمەن دە كەزدەسىپ, ولاردىڭ وي-پىكىرلەرىن ءبىلدى. سونىمەن قاتار ازىق-ت ۇلىكتىڭ جەتكىلىكتى دەڭگەيدە قامتىلۋ بارىسىنا, ۇسىنىلىپ وتىرعان تاۋارلاردىڭ تۇرلەرىنە, ونىڭ ىشىندە جەرگىلىكتى ءوندىرىستىڭ ۇلەسىنە ايرىقشا كوڭىل ءبولدى. جامبىل وبلىستىق كاسىپكەرلىك جانە يندۋستريالدى-يننوۆاتسيالىق دامىتۋ باسقارماسىنا ازىق-ت ۇلىك تاۋارلارىنىڭ قالا بازارلارىنا ۇزدىكسىز جەتكىزىلىپ وتىرۋىن باقىلاۋدا ۇستاۋدى تاپسىردى.
كەزدەسۋ بارىسىندا تارازداعى اتالعان ساۋدا ورىندارىنىڭ اكىمشىلىكتەرى بۇگىنگى كۇنى سورەلەر ازىق-ت ۇلىككە تولى ەكەندىگىن, دۇرلىگۋ مەن ۇزىن-سونار كەزەكتىڭ بايقالمايتىنىن اتاپ ءوتتى. مونيتورينگ توبىنىڭ مالىمەتتەرىنە سۇيەنسەك, الەۋمەتتىك ماڭىزى بار تاۋارلاردىڭ باعاسى تۇراقتى. دەگەنمەن قانت پەن كارتوپ باعاسىنىڭ شامالى قىمباتتاعانى انىقتالعان.
سونداي-اق بەردىبەك ساپارباەۆ وبلىستىڭ تۇراقتاندىرۋ قورىنىڭ ازىق-ت ۇلىك تاۋارلارى ساقتالاتىن «اتىعاەۆا» جەكە كاسىپكەرلىگىنىڭ قويمالارىنا باردى. «تاراز» الەۋمەتتىك-كاسىپكەرلىك كورپوراتسياسىنىڭ باسقارما توراعاسى نۇركەن شاربيەۆتىڭ ايتۋىنشا, جامبىل وبلىسىنىڭ تۇراقتاندىرۋ قورىندا بۇگىندە 2 974 توننا ءبىرىنشى سۇرىپتى ۇن, 63 توننا كۇرىش, 54 توننا قاراقۇمىق, 18 توننا وسىمدىك مايى, 537 توننا كارتوپ, 563 توننا پياز, 193 توننا ءسابىز, 2 644 توننا قانت ساقتاۋلى ەكەن. اتالعان قوردىڭ ونىمدەرى 11 ساۋدا نۇكتەلەرىندە جانە قالانىڭ 8 الەۋمەتتىك پاۆيلوندارىندا تومەندەتىلگەن باعامەن ساتىلادى ەكەن. بىراق, نۇركەن شاربيەۆتىڭ بايانداماسىنا قاناعاتتانباعان بەردىبەك ساپارباەۆ شىنايى جاعدايدىڭ باسقاشا ەكەندىگىن, كەيبىر الەۋمەتتىك ماڭىزعا يە ازىق-ت ۇلىك باعاسىنىڭ وسۋىنە قاتىستى فاكتىلەردىڭ راسىندا بار ەكەنىن ايتتى. سونىمەن قاتار, اكىم «تاراز» اكك باسشىسىنا تۇراقتاندىرۋ قورىنىڭ ازىق-ت ۇلىگى ساتىلاتىن بارلىق الەۋمەتتىك دۇكەندەردىڭ جۇمىسىنا ارنايى بارىپ, باقىلاۋ جۇرگىزۋدى تاپسىردى.
سونداي-اق بەردىبەك ساپارباەۆ قالانىڭ بىرنەشە ءدارىحاناسىندا دا بولدى. ءدارىحانالاردا دەزينفەكتسيالاۋ قۇرالدارى مەن مەديتسينالىق ماسكالار بار بولعانىمەن دە, ولاردىڭ دا قۇنى نەگىزسىز جوعارىلاعانى بەلگىلى بولدى. بەردىبەك ساپارباەۆ جامبىل وبلىسىنىڭ اۋماعىندا مەديتسينالىق بۇيىمدار شىعاراتىن كاسىپورىننىڭ جۇمىس ىستەيتىنىن, ونىڭ مۇمكىندىگى ءوڭىردى مەديتسينالىق ماسكالارىمەن تولىق قامتاماسىز ەتۋگە جەتەتىنىن اتاپ ءوتتى. وسى ورايدا وبلىس باسشىلىعى باعانىڭ الىپساتارلىق نەگىزدە وسۋىنە جول بەرمەۋ بويىنشا قاتاڭ شارالار قابىلداناتىنىن جەتكىزدى.
جامبىل وبلىسى