بۇل ماسەلە وبلىس اكىمى ابىلقايىر سقاقوۆ وتكىزگەن كەڭەيتىلگەن وتىرىستا ايتىلدى.
كەڭەستە وبلىستىق دەنساۋلىق ساقتاۋ باسقارماسىنىڭ 2016-2019 جىلدارعا ارنالعان «دەنساۋلىق» مەملەكەتتىك باعدارلاماسى اياسىندا اتقارىلعان شارالارى باياندالىپ, الداعى جوسپارلانعان ماسەلەلەر قارالدى.
«باعدارلاما بارىسىندا ورىندالماي تۇرعان باستى باسىمدىق - وڭىردە دارىگەرلەردىڭ جەتىسپەۋى. قازىر اۋرۋحانا, ەمحانالارعا 24 جالپى پراكتيكا دارىگەرى قاجەت. وعان قوسا, سۇرانىسقا قاجەت 40 دارىگەردىڭ ورنى بوس تۇر.
ال, زەينەت جاسىنداعى جانە بيىل زەينەت دەمالىسىنا شىققان دارىگەرلەردىڭ قىزمەتتەن كەتۋىن قوسقاندا - 142 دارىگەر كەرەك.
بىلتىر «ديپلوممەن اۋىلعا!» باعدارلاماسىمەن كەلگەن 205 جاس مامان وزدەرىنە پاتەر بەرۋدى, جەڭىلدىكتەر جاسالۋىن كۇتۋدە.
سوندىقتان اۋدان-قالا اكىمدەرى جاس مامان دارىگەرلەردى ۇيمەن قامتاماسىز ەتۋ ماسەلەسىن قولعا الۋلارى ءتيىس, - دەدى ءا.سقاقوۆ.
ەندى ەلىمىزدىڭ دەنساۋلىق ساقتاۋ مينيسترلىگىنىڭ باستاماسىمەن, مەملەكەتتىك گرانتپەن وقىعان ءار جاس مامان 3 جىل مەديتسينالىق ۇيىمداردا قىزمەت اتقارۋعا مىندەتتەلدى. سوندا عانا جاس مامانداردىڭ سانى ارتادى.
باسقارما باسشىسىنىڭ ورىنباسارى گۇلنار جارماكينا وڭىرىمىزگە اكۋشەر-گەنەكولوگ, رەانيماتولوگتار, جالپى تاجىريبەدەگى دارىگەرلەر قاجەتتىگىن ايتىپ, اۋىلعا باراتىن جاس دارىگەرلەرگە 1,5 ميلليون تەڭگە, قالاداعى ماماندارعا 1 ميلليون تەڭگە كولەمىندە كوتەرمەاقى بەرۋدى ۇسىندى.
پاۆلودار وبلىسى