پرەمەر-ءمينيستردىڭ ورىنباسارى رومان سكليار مەن ىشكى ىستەر ءمينيسترى ەرلان تۇرعىمباەۆ ەلوردا جانە اقمولا وبلىسىنىڭ اۋماقتارىن ارالاپ, قوسشى, يلينكا, قاجىمۇقان, تالاپكەر, قوياندى, نوۆوماركوۆ ەلدى مەكەندەرىنىڭ, ۆياچەسلاۆ سۋ قويماسىنىڭ, استانا سۋ رەتتەگىشىنىڭ, سونداي-اق نۇرا وزەنىنىڭ ارناسى بويىنشا پرەوبراجەنسك سۋ تورابىنىڭ قار قورىنا اەروۆيزۋالدى تەكسەرۋ جۇرگىزدى.
تەكسەرۋ بارىسىنا ىشكى ىستەر ءمينيسترىنىڭ ورىنباسارى يۋري يلين, «قازاۆتوجول» باسشىسى ۇلان ءالىپوۆ قاتىستى.
اۋماقتىڭ باسىم بولىگىندە تۇراقتى قار ەرۋ پروتسەسى انىقتالدى. قۇزىرەتتى قىزمەتتەر جەردەن دە, جەرسەرىكتىك زوندتاۋ كومەگىمەن دە تاۋلىك بويى مونيتورينگ جۇرگىزۋدە.
ىشكى ىستەر مينيسترلىگىنىڭ باسشىلىعى اقمولا, قاراعاندى, قوستاناي, شىعىس قازاقستان جانە سولتۇستىك قازاقستان وبلىستارىنىڭ جازىقتاعى وزەندەرىندە مۇزدىڭ تۇراقتى قاتۋى بايقالعانىن, ال مۇز كەپتەلىسىنىڭ الدىن الۋ ماقساتىندا مۇزداردى قوپسىتۋ بويىنشا جارىلىس جۇمىستارى جۇرگىزىلەتىنى تۋرالى باياندادى.