پاۆلودار وبلىسىندا تۋبەركۋلەز دەرتىن جۇقتىرعاندار كوبەيگەن

قورىتىندىسىندا №2 ەكىباستۇز قالالىق ەمحاناسى, ۋسپەن اۋداندىق اۋرۋحاناسى, جەلەزين اۋداندىق اۋرۋحاناسىندا رەنتگەنولوگ دارىگەرلەر وكپە پاتولوگياسىن وتكىزىپ العاندىعى انىقتالعان.

وتكەن جىلى وڭىردە تۋبەركۋلەز دەرتىنە شالدىعۋ كورسەتكىشىنىڭ كوبەيگەنى  اقتوعاي, ۋسپەن اۋداندارىندا, ەكىباستۇز قالاسى اۋماعىندا بايقالعان.

مىسالى, وبلىس  ورتالىعىندا  6, ەكىباستۇزدا 4, باياناۋىل, تەرەڭكول جانە پاۆلودار اۋداندارىندا ءبىر-بىردەن جاسوسپىرىمدەر تۋبەركۋلەزگە شالدىققان. بۇل كورسەتكىشتەر پروفيلاكتيكالىق تەكسەرۋ شارالارىندا, مەديتسينالىق كومەك كورسەتۋ كەزىندە انىقتالعان

وبلىس ورتالىعىنداعى تۋبەركۋلەزگە قارسى بالالار ساناتوريىندە 694 ءجاسوسپىرىم تەكسەرىلگەن. قازىرگى ۋاقىتتا  117 بالا ەمدەلۋدە.

بۇعان اتا-انالار اراسىندا ءتۇسىندىرۋ جۇمىستارىنىڭ جۇرگىزىلمەۋى, جەرگىلىكتى اكىمدىكتەردىڭ تۇرعىندار دەنساۋلىعىن باقىلاۋعا الماۋى سەبەپ.

وتكەن جىلى 17 مىڭعا جۋىق بالاعا تۋبەركۋلەزگە قارسى ەكپە سالىنعان. بيىل بتسج ۆاكتسيناسى اتا-انالارى قارسىلىق بىلدىرگەن سوڭ, 161 جاڭا تۋعان سابيگە سالىنباعان.

تەكسەرىس بارىسىندا, مەملەكەتتىك پەداگوگيكالىق ۋنيۆەرسيتەتى, تەحنولو-گيالىق كوللەدج, ى.التىنسارين گيمنازيا-ينتەرناتى, №30  ورتا مەكتەبىنە ماماندار مىندەتتى مەديتسينالىق تەكسەرۋدەن وتپەي, جۇمىسقا قابىلدانعان.

سونىمەن قاتار, قىزمەتكەرلەردىڭ اراسىندا فليۋوروگرافيادان وتپەگەندەر دە انىقتالعان.

قازىرگى ۋاقىتتا وبلىستىق تۋبەركۋلەزگە قارسى ديسپانسەردە 660 ادام اشىق فورمامەن ەسەپكە الىنعان. دەرتتىڭ الدىن الۋ ماقساتىندا وتكىزىلگەن جۇمىستار پاۆلودار قالاسى, اقتوعاي, جەلەزين, ۋسپەن, شارباقتى جانە پاۆلودار اۋداندارىندا ءوز دەڭگەيىندە جۇرگىزىلمەگەن.

سونىمەن بىرگە, تۋبەركۋلەز اۋرۋى بوسانعان ايەلدەردىڭ اراسىندا دا كوبەيگەن. وتكەن جىلى 6 جاعداي تىركەلىپتى.

بۇعان ناۋقاستاردىڭ ۋاقىتىلى فليۋورو تەكسەرۋدەن وتپەۋى, ماتەريالدىق-تۇرمىستىق جاعدايدىڭ تومەندىگى, تۇرعىلىقتى مەكەنجايلارىن ءجيى اۋىستىرۋى سەبەپ بولۋدا.

ال 24 ناۋرىز – بۇكىلالەمدىك تۋبەركۋلەزبەن كۇرەس كۇنى. ەلىمىزدىڭ وسى ىندەتكە قارسى ۇلتتىق باعدارلاماسىنا ساي اركىم ءوزىن قورعاۋعا مىندەتتى. 

پاۆلودار  وبلىسى