قىزىلوردا وبلىسى قاج دەپارتامەنتى زك-169/5 مەكەمەسىنىڭ سوتتالعاندار اراسىندا الەۋمەتتىك پسيحولوگيالىق تاربيە جۇمىستارى بويىنشا ءبولىمى مەن قىزىلوردا وبلىستىق دەنەشىنىقتىرۋ جانە سپورت باسقارماسى قىزمەتكەرلەرىمەن بەكىتىلگەن مادەني- سپورتتىق ءىس شارالار جوسپارىنا سايكەس مەكەمەدەگى جازا مەرزىمىن وتەۋشى ازاماتتارعا « شاحمات, ارقان تارتۋ,گىر تاسىن كوتەرۋ» سياقتى سپورت تۇرلەرىنەن سايىس وتكىزىلدى. بۇل تۋرالى قىزىلوردا وبلىسى بويىنشا قاجد ءباسپاسوز قىزمەتى حابارلادى.
باس بوستاندىعىنان ايىرىلعان جازا مەرزىمىن وتەۋشى ازاماتتاردى جازاسىن وتەي وتىرا تۇزەلۋ جولىنا سالۋ – بۇگىنگى كۇننىڭ باستى تالابى. ونىڭ ىشىندە, بىرنەشە قىلمىس جاساعان جانە اۋىر قىلمىستى قايتا جاساعان ادامداردى تۇزەلۋ جولىنا سالۋ ءبىراز كۇش-جىگەردى قاجەت ەتەتىن جاۋاپتى ءارى قيىن جۇمىس. جازا مەرزىمىن وتەۋشى ازاماتتاردىڭ دەنە تاربيەسىمەن اينالىسۋى, وي-ءورىسىن پسيحولوگيالىق تاربيەلەۋمەن قاتار جۇرگىزىلەتىن ادىستەردىڭ ءبىرى. سەبەبى, ەڭبەكپەن تاربيەلەۋ سەكىلدى سپورتپەن تاربيەلەۋدى قاتار الىپ ءجۇرۋدىڭ دە ماڭىزى جوعارى. «مەكەمە باسشىلىعى جازاسىن وتەۋشى ازاماتتاردى تەمىر توردا تەلمىرتىپ وتىرعىزباي ۋاقىتىن ءتيىمدى تۇردە وتكىزۋدى ۇتىمدى پايدالانىپ وتىر. بۇل جازاسىن وتەۋشى ازاماتتاردىڭ قايتادان قىلمىس جاساۋىنا جول بەرمەۋدىڭ بىردەن-ءبىر جولى», – دەيدى سوتتالعاندار اراسىندا الەۋمەتتىك پسيحولوگيالىق تاربيە جۇمىستارىن جۇرگىزۋ ءبولىمىنىڭ باستىعى ادىلەت مايورى ا.وسكەنباەۆ . سالاماتتى ءومىر سالتىن ناسيحاتتاۋ ماقساتىندا ۇيىمداستىرىلعان سپورتتىق جارىسقا 5 جاساقتان 5 كوماندا قاتىسىپ,جارىس كوركىن قىزدىردى. اسا بەلسەندىلىكپەن اتسالىسىپ, تارتىستى وتكەن شاحمات سايىسىندا №5 جاساقتان ت. ەسىمدى ازامات, گىر تاسىن كوتەرۋ سايىسى بويىنشا جۇلدەلى ءى ورىندى № 3 جاساقتان د. ەسىمدى ازامات, ال ارقان تارتۋدان ءى ورىندى №1 جاساق كومانداسى قانجىعاسىنا بايلادى. اتالعان سپورتتىق ءىس-شارانىڭ ءوز دەڭگەيىندە وتۋىنە قىزىلوردا وبلىستىق دەنەشىنىقتىرۋ جانە سپورت باسقارماسىنىڭ ادىسكەر نۇسقاۋشىلارى ابدىسادىقوۆ اڭسات جانە بەرتاي ساعيدات ەسىمدى قىزمەتكەرلەر تورەلىك جاساپ, سايىس قورىتىندىسىبويىنشا سايىس جەڭىمپازدارىن ماقتاۋ قاعازدارىمەن ماراپاتتادى.