ورالدا «اقجايىق پوليتسيا ارۋى-2020» سايىسى ءوتتى

سايىسقا دەپارتامەنتتىڭ ورتالىق اپپاراتىنان, قالالىق جانە اۋداندىق بولىمدەردە قىزمەت ەتەتىن 11 ارۋ قاتىستى. ولار وزدەرىن تانىستىرىپ, قىين دا كۇردەلى ماماندىقتى قالاي تاڭداعانىن, وسى قىزمەتىندە كەزدەسكەن قىزىقتى وقيعالاردى اڭگىمەلەپ, شىعارماشىلىق ونەرىن دە ورتاعا سالدى. سونداي-اق ماكاروۆ تاپانشاسىمەن نىسانا اتىپ, مەرگەندىك سىنادى. ءتىپتى ۇلتتىق ءداستۇر تۋرالى ساۋالدارعا دا جاۋاپ بەرىپ, اس ءمازىرىن كورسەتتى.  

وتە تارتىستى وتكەن سايىستا «اقجايىق پوليتسيا ارۋى-2020» كونكۋرسىنىڭ باس جۇلدەسى باتىس قازاقستان وبلىستىق پوليتسيا دەپارتامەنتى كوشى-قون قىزمەتىباسقارماسىنىڭ قىزمەتكەرى پوليتسيا سەرجانتى گاۋحارتەلەۋباەۆاعا بۇيىردى.

جۇلدەلى 2-3 ورىنداردى بايتەرەك اۋداندىق پوليتسيا ءبولىمى تەرگەۋشىسى پوليتسيا اعا لەيتەنانتى راۋشان ايتمۇحامبەتوۆا مەن ورال قالالىق پوليتسيا باسقارماسى اقپاراتتىق جانە بايلانىس ءبولىمىنىڭ ينسپەكتورى پوليتسيا اعا لەيتەنانتى اينۇر ۇمبەتوۆا ءبولىستى. مولدىرنۇرقاياتوۆا – «كورەرمەن كوزايىمى», ايگەرىم ماحمۋد – «مەرگەن ارۋ», لاۋرا عابباسوۆا – «بارماعىنان بال تامعاناسپاز ارۋ», ايدانا ءابدراحمانوۆا – «سىمباتىنا جاراسقانۇلتتىق كيىم», اسەم نۇرلان – «قىز ەركەم – ونەرىمەنكوركەم», ايدانا مەڭدىبەكوۆا – ء«سوز شەبەرى», جانارعابدۋلوۆا – ء«بىلىمدى ارۋ», ناتاليا بورزيكوۆا – «ادەبىمەنەرەكشەلەنگەن ارۋ» اتاندى.

سالتاناتتى شارا بارىسىندا باتىس قازاقستان وبلىستىقپوليتسيا دەپارتامەنتىنىڭ باستىعى پوليتسيا گەنەرال-مايورى ماحسۇدحان ءابىلازىموۆ سايىس جەڭىمپازدارىن قۇتتىقتاپ, تابىستى ەڭبەك تىلەدى. پوليتسيا ارۋلارى اقشالاي-زاتتاي سىيلىقتارعا يە بولدى. ءوزى جۇكتى بولا تۇرا پوليتسيا ىزدەۋىندە جۇرگەن كۇدىكتىنى ۇستاۋعا كومەكتەسكەن ورال قالالىق پوليتسيا باسقارماسى شاعان پوليتسيا بولىمىنىڭتەرگەۋشىسى پوليتسيا اعا لەيتەنانتى شولپان مەدەنوۆا (سەرىكوۆا) قازاقستان رەسپۋبليكاسى ىشكى ىستەرورگاندارىنىڭ «قۇقىق ءتارتىبىن قامتاماسىز ەتۋدە ۇزدىكشىققانى ءۇشىن»  توسبەلگىسىمەن ماراپاتتالدى.

باتىس قازاقستان