قازاقستاندىق "بارىس" قۇرلىقتىق حوككەي ليگاسى پلەي-وفف كەزەڭىنىڭ ءتورتىنشى ماتچىندا ماگنيتوگورسكىلىك "مەتاللۋرگتى" جەڭدى. بۇل تۋرالى Vesti.kz حابارلادى.
شىعىس كونفەرەنتسياسىنىڭ 1/4 فينالىنداعى ويىن رەسەيلىك كلۋبتىڭ ايدىنىندا وتكەن, ماتچ قوناقتاردىڭ پايداسىنا 2:0 ەسەبىمەن اياقتالدى. "بارىس" 20-مينۋتتا العا شىقتى. فينليانديا قۇراماسى ساپىندا الەم چەمپيونى اتانعان اتتە وحتاماانىڭ پاسىنان كەيىن قازاقستاندىق فورۆارد انتون ساگادەەۆ كوزگە ءتۇستى.
"بارىس" ماتچتىڭ سوڭىنا تامان ەسەپتى ەسەلەدى. 56-مينۋتتا فورۆارد داستين بويد شايبا سالدى.وسىلايشا, "بارىس" ءتورت جەڭىسكە دەيىن وتەتىن سەريادا 3:1 ەسەبىمەن الدا تۇر. ەندى بەسىنشى ماتچ 9 ناۋرىزدا نۇر-سۇلتاندا وتەدى. ەلوردالىق كلۋب جەڭىسكە جەتسە, گاگارين كۋبوگىنىڭ ەكىنشى كەزەڭىنە شىعادى.