ماسكەۋدە قازاقستان-رەسەي بىرلەسكەن دەماركاتسيالىق كوميسسياسىنىڭ ءجۇز ەكىنشى وتىرىسى ءوتتى. بۇل تۋرالى سىرتقى ىستەر مينيسترلىگىنىڭ ءباسپاسوز قىزمەتى حابارلادى.
كوميسسيا پاۆلودار-ءنوۆوسىبىر مەملەكەتتىك شەكاراسىنىڭ ۋچاسكەسىنە دالالىق دەماركاتسيالىق جۇمىستاردىڭ ماتەريالدارىن تەكسەردى.
دەماركاتسيالاۋدىڭ قورىتىندى قۇجاتتارىنىڭ جوبالارىن دايىنداۋ جالعاستىرىلدى, سونداي-اق شەكارا سىزىعىن ونىڭ جەكەلەگەن ۋچاسكەلەرىندە بەلگىلەۋگە بايلانىستى ماسەلەلەر تالقىلاندى.
تاراپتار قازاقستان رەسپۋبليكاسىنىڭ شىعىس قازاقستان وبلىسى مەن رەسەي فەدەراتسياسىنىڭ التاي ولكەسى شەگىندەگى شەكارا ۋچاسكەسىندە 2020 جىلى شەكارالىق بەلگىلەردى ورناتۋدىڭ جوبالىق ورىندارىنىڭ كەستەسىن ناقتىلاپ, قۇراستىردى.
كەلىسسوزدەر ءداستۇرلى دوستىق جانە سىندارلى اتموسفەرادا ءوتتى. كوميسسيانىڭ كەلەسى وتىرىسى 2020 جىلدىڭ ءساۋىر ايىندا قازاقستان رەسپۋبليكاسىنىڭ اۋماعىندا وتكىزىلەدى.