نۇر-سۇلتان قالاسىنىڭ مەملەكەتتىك ورگاندارى مەن ۇيىمدارى بىرلەسىپ, ەلوردانىڭ حالقى كوپ شوعىرلانعان ورىنداردا «كاسىپكەرلەرگە كەڭەس بەرۋ» اشىق ەسىك كۇنىن وتكىزىپ كەلەدى, دەپ حابارلادى قالا اكىمدىگىنىڭ ءباسپاسوز قىزمەتى.
اتالعان شارادا كاسىپكەرلەر مەن كەلۋشىلەر سالىق زاڭناماسى, ءتىل جانە جارناما تۋرالى زاڭناما, مەملەكەتتىك قولداۋ شارالارى, الەۋمەتتىك ساقتاندىرۋ, زەينەتاقى جيناقتاۋ جانە ءورت قاۋىپسىزدىگى مەن سانيتارلىق ەرەجەلەرىن ساقتاۋ جانە تاعى دا باسقا سۇراقتار بويىنشا كەڭەس الادى.
جوسپار بويىنشا «كاسىپكەرلەرگە كەڭەس بەرۋ» اكتسياسى جىلدىڭ سوڭىنا دەيىن ەلوردانىڭ 24 ساۋدا وبەكتىسىندە وتكىزىلەدى.
الداعى كونسۋلتاتسيالىق كومەك بەرۋ شاراسى 17 ناۋرىز كۇنى «سولتۇستىك» ساۋدا ۇيىندە ۇيىمداستىرىلادى. شارانىڭ باستى ماقساتى نۇر-سۇلتان قالاسىنداعى ىسكەرلىك احۋالدى جاقسارتىپ, شاعىن جانە ورتا بيزنەس كاسىپكەرلەرى ءۇشىن مەملەكەتتىك قىزمەتتەردىڭ قول جەتىمدىلىگىن ارتتىرۋ ەكەندىگىن ايتا كەتكەن ءجون.