سينوپتيكتەر بىرنەشە وڭىردە ەسكەرتۋ جاريالادى

7 ناۋرىزدا قوستاناي وبلىسىنىڭ كەي جەرلەرىندە تۇمان تۇسەدى. وڭتۇستىك-باتىستان سوققان جەلدىڭ كۇشى تۇندە كەي جەرلەردە 15-20, كۇندىز باسىم بولىگىندە 15-20, كەي جەرلەردە 23-28 م/س بولادى. قوستاناي قالاسىندا كۇندىز وڭتۇستىك-باتىستان جەل سوعىپ, جىلدامدىعى سەكۋندىنا 15-20 مەترگە جەتەدى. بولجامنىڭ ىقتيمالدىلىعى 90-95 %.

قىزىلوردا وبلىسىنىڭ كەي جەرلەرىندە شاڭدى داۋىل كوتەرىلەدى. جەل سولتۇستىك-شىعىستان سوعادى, جىلدامدىعى كەي جەرلەردە سەكۋندىنا 15-20 م/س-گە جەتەدى. قىزىلوردا قالاسىندا 7 ناۋرىزدا كۇندىز شاڭدى داۋىل كوتەرىلىپ, سولتۇستىك-شىعىستان سوققان جەلدىڭ ەكپىنى 15-20 م/س بولادى. بولجامنىڭ دالدىگى 95-100%.

7-8 ناۋرىزداتۇركىستان وبلىسىنىڭ كەي جەرلەرىندە سولتۇستىك-شىعىستان سوققان جەلدىڭ كۇشى 15-20, ەكپىنى 23-28 م/س-قا جەتەدى. تۇركىستان قالاسىندا 7-8 ناۋرىزدا سولتۇستىك-شىعىستان 15-20 م/س جىلدامدىقپەن جەل سوعىپ, ەكپىنى 25 م/س-قا جەتەدى. شىمكەنت قالاسىندا 7-8 ناۋرىزدا سولتۇستىك-شىعىستان ەكپىنى 15-20 م/س جەل سوعادى.