الماتى وبلىسىنىڭ شامالعان تەمىرجول ستانتسياسىنداعى جول وتپەسىنىڭ قۇرىلىسى بيىل قارقىن الماق. بۇگىنگى تاڭدا نىساندا الداعى قۇرىلىس ماۋسىمىنا دايىندىق جۇمىستارى جۇرگىزىلۋدە. الدىن الا مالىمەتتەر بويىنشا قۇرىلىستىڭ جالپى سوماسى 5,5 ملرد تەڭگەنى قۇرايدى. بۇل تۋرالى يندۋستريا جانە ينفراقۇرىلىمدىق دامۋ مينيسترلىگىنىڭ ءباسپاسوز قىزمەتى حابارلادى.
يندۋستريا جانە ينفراقۇرىلىمدىق دامۋ مينيسترلىگىنىڭ اۆتوموبيل جولدارى كوميتەتى شامالعان ستانتسياسىنداعى جول وتپەسىنىڭ قۇرىلىسىن جۇرگىزۋ تاقىرىبىنا ارنالعان عىلىمي-تەحنيكالىق كەڭەس وتكىزدى. شارا اياسىندا كولىكتىك جول ايىرىعىن ءبىرىنشى تەحنيكالىق ساناتقا سايكەس جوبالاۋ جونىندە شەشىم قابىلدانعان بولاتىن. ماماندار, سونداي-اق جول وتپەسىن ۇزىندىعى 340 مەتردى قۇرايتىن ەستاكادا تۇرىندە سالۋ نۇسقاسىن انىقتادى.
قۇرىلىس جۇمىستارى ءۇشىن شامالعان مەن ەكپىندى ەلدىمەكەندەرىنىڭ اراسىنداعى جول ۋچاسكەسى تاڭداپ الىندى. جول ايىرىعى قولدانىستاعى تەمىرجول وتپەسىنەن 250 مەترگە الشاقتاۋ ورنالاسادى. بۇل نەگىزگى تاسجولدارعا جەتۋ جولىن 0,7 شاقىرىمعا قىسقارتۋعا, سونداي-اق, ءترانزيتتى كولىك اعىنىن ەلدىمەكەننەن تىس جەرگە شىعارۋعا مۇمكىندىك بەرەدى.
2019 جىلدىڭ قاراشاسىندا «ساۋلەت-SKB» جشس جوبالىق-سمەتالىق قۇجاتتامانى ازىرلەۋ شارالارىنا كىرىسكەن ەدى. اتالمىش شارالار وسى جىلدىڭ ناۋرىزىندا اياقتالادى دەپ جوسپارلانىپ وتىر. جەلتوقسان ايىندا «توديني كونسترۋتسيوني دجەنەرالي س.پ.ا.» اق/ «Integra Construction KZ» جشس كونسورتسيۋمىمەن قۇرىلىس-مونتاجداۋ جۇمىستارىن اتقارۋ جونىندەگى كەلىسىمشارتقا قول قويىلدى. نىسان 2021 جىلدىڭ تامىزىندا پايدالانۋعا بەرىلەدى دەپ جوسپارلانۋدا.
بۇدان بولەك, «دسۋ-13» جشس وبلىستىق ماڭىزى بار «الماتى-1 – شامالعان – ۇزىناعاش» اۆتوجولىندا شامالعان ستانتسياسىنداعى تەمىرجول وتپەسى ارقىلى وتەتىن جەرۇستى جاياۋ جۇرگىنشىلەر وتپەسىن سالىپ جاتىر. بۇل ماقساتتارعا جەرگىلىكتى بيۋدجەتتەن 330 ملن تەڭگە بولىنگەن.