كوكتەم شۋاعىمەن بىرگە كەلەتىن قۋانىشتى ءسات, اتىراۋ تۇرعىندارى مەن قوناقتارى ءۇشىن دە جاعىمدى جاڭالىققا تولى بولماق: ماحامبەت وتەمىس ۇلى اتىنداعى وبلىستىق دراما تەاترى ساحناسىندا تۇڭعىش رەت «استانا بالەت» شىعارماشىلىق ۇجىمى ونەر كورسەتەدى. اباي قۇنانباەۆتىڭ 175 جىلدىق مەرەيتويى اياسىندا وتەتىن گاسترول ناۋرىزدىڭ 12-13 كۇندەرى وتەدى. بۇل تۋرالى تەاتردىڭ ءباسپاسوز قىزمەتى حابارلادى.
تەاتر ۇجىمى دجوردج ءبالانچيننىڭ «سەرەنادا» ءبىر اكتىلى بالەتى مەن « ۇلى دالا مۇراسى» ديۆەرتيسمەنتى ەنگەن تاڭداۋلى باعدارلاماسىن تارتۋ ەتپەكشى.
حح عاسىر بالەتىنىڭ التىن قورىنا ەنگەن «سەرەنادا» - امەريكالىق حورەوگراف دجوردج ءبالانچيننىڭ ايتۋلى تۋىندىسى. 2017 جىلى «استانا بالەت» تەاترىنىڭ ساحناسىندا وتكەن پرەمەرا ەلىمىزدىڭ مادەني تىنىسىنداعى زور قۇبىلىسقا اينالدى. سەبەبى, سول شاقتا بۇل – كۇللى ورتالىق ازيا اۋماعىندا دجوردج بالانچين قورىمەن ىنتىماقتا, حورەوگرافتىڭ ءستيلى مەن تەحنيكاسىنىڭ ستاندارتتارىن تولىق ساقتاي وتىرىپ قويىلعان العاشقى بالەت بولاتىن. «سەرەنادانى» قازاق ساحناسىندا قويعان ۆيكتوريا سايمون – امەريكالىق حورەوگرافتىڭ ءتول شاكىرتى. بۇعان دەيىن ول الەمنىڭ ءتۇرلى ەلىندە ءبالانچيننىڭ وتىز شاقتى سپەكتاكلىن cاحنالاعان.
ەكىنشى بولىمدە قازاق مادەنيەتىنىڭ قىر-سىرىن ايگىلى ەتەتىن « ۇلى دالا مۇراسى» باعدارلاماسى كورسەتىلمەك. قازاقستاننىڭ ەڭبەك سىڭىرگەن قايراتكەرلەرى ايگۇل ءتاتي مەن مۋكارام ءاۆاحريدىڭ ءاربىر حورەوگرافيالىق مينياتيۋراسى كوشپەلى حالىقتىڭ تانىم كوكجيەگىن ايعاقتايتىن تۋىندىلار.
وسى باعدارلاماعا ەنگەن مينياتيۋرالار قازىرگى قازاق حورەوگرافياسىن تانۋعا مۇمكىندىك بەرەدى. مۇندا ەتنوگرافيا ەلەمەنتتەرى, بي ءداستۇرى مەن زاماناۋي حورەوگرافيالىق شەشىمدەر ۇيلەسىم تاپقان.
« ۇلى دالا مۇراسى» ديۆەرتيسمەنتى تەاترىمىزدىڭ گاسترولدىك باعدارلامالارىنا ءداستۇرلى تۇردە ەنگىزىلىپ وتىرادى. لوندون, ميلان, موناكو, نيۋ-يورك سىندى قالالار مەن وزگە دە ەلدەردە كورسەتىلگەن باعدارلاما كورەرمەننىڭ ەرەكشە ىقىلاسىنا بولەنگەن. ايتالىق, بريتانيالىق «تايمس» ۇلتتىق ناقىش, اسەم كوستيۋمدەر مەن قازاقستاندىق ارتىستەردىڭ شەبەرلىگىنە ءتانتى بولعان.
ء«بىز اتىراۋعا كوپتەن بەرى بارماقشى ەدىك. وسى قالا تۇرعىندارى مەن قوناقتارى ونەردى ەرەكشە قاستەرلەيدى. سول سەبەپتى ءبىز گاسترول باعدارلاماسىنا دجوردج ءبالانچيننىڭ الەمگە ايگىلى «سەرەنادا» ءبىر اكتىلى بالەتى مەن تەاترىمىزدى دارالاپ تۇرعان « ۇلى دالا مۇراسى» باعدارلاماسىن قوسىپ وتىرمىز. ارتىستەرىمىز بەن شىعارماشىلىق توپتىڭ ونەرى اتىراۋلىق كورەرمەن كوڭىلىنەن شىعادى دەگەن ۇمىتتەمىز», - دەدى قويۋشى-بالەتمەيستەر ايگۇل ءتاتي.
ايتا كەتەيىك, ناۋرىزدىڭ 25-26 كۇندەرى استانالىق ۇجىم ءدال وسى باعدارلامانى سەمەيدەگى اباي اتىنداعى تەاتر ساحناسىندا كورسەتپەكشى.