شىمكەنت ماڭىنداعى اسكەري بولىمنەن سارباز قارۋ-جاراق الىپ قاشتى. بۇل تۋرالى قورعانىس مينيسترلىگىنىڭ ءباسپاسوز قىزمەتى حابارلادى.
شىمكەنت قالاسىنا جاقىن جەردەگى اۋە شابۋىلىنا قارسى قورعانىس اسكەري ءبولىمىنىڭ بىرىندە كەلىسىم-شارت بويىنشا اسكەري قىزمەتشى كىشى سەرجانت ا.بالعىنباي روتا بويىنشا كەزەكشى رەتىندە اۋىسىم كەزەكشىسى قۇرامىندا بولىپ, ءبولىمدى ءوز ەركىمەن تاستاپ كەتكەن.
ءدال سول ۋاقىتتا قارۋدى ساقتاۋ بولمەسىندە اتىس قارۋىنىڭ بەلگىلى ءبىر سانىنىڭ جەتىسپەۋشىلىگى انىقتالدى.
قۇقىق قورعاۋ ورگاندارى مەن اسكەري پوليتسيا كۇشتەرى اسكەري قىزمەتشى مەن جوعالعان قارۋدى ىزدەۋ جانە ۇستاۋ بويىنشا بارلىق قاجەتتى جەدەل-ىزدەستىرۋ, سونداي-اق قاۋىپسىزدىكتى قامتاماسىز ەتۋ بويىنشا ءىس-شارالار جۇرگىزۋدە.