مەملەكەت باسشىسى كارديوحيرۋرگيا ورتالىعىندا كوپسالالى كەشەننىڭ جۇمىسىمەن تانىسىپ, لابوراتوريالار مەن بولىمدەردى ارالاپ كوردى. بۇل تۋرالى اقوردانىڭ ءباسپاسوز قىزمەتى حابارلادى.
«ۇلتتىق عىلىمي كارديوحيرۋرگيا ورتالىعى» اق باسقارما توراعاسى يۋري پيا پرەزيدەنتكە ناۋقاستاردى ەمدەۋ جانە دياگنوستيكا جاساۋ پروتسەسىنە يننوۆاتسيا مەن تسيفرلىق تەحنولوگيالاردى ەنگىزۋ تۋرالى ەگجەي-تەگجەيلى ايتتى.
– شىن مانىندە, بۇل ورتالىقتى وزىق ءارى بىرەگەي مەديتسينالىق مەكەمە دەپ ايتساق ارتىق بولمايدى. الەمدە مۇنداي ورتالىقتار كوپ ەمەس. بۇل – ەلباسىنىڭ ارقاسىندا جۇزەگە اسقان جوبا, – دەدى پرەزيدەنت مەكەمە قىزمەتكەرلەرىمەن اڭگىمەلەسۋ كەزىندە.
كەزدەسۋ سوڭىندا مەملەكەت باسشىسى مەديتسينا قىزمەتكەرلەرىنىڭ يگىلىكتى ىسىنە تابىس تىلەدى.