ەلوردا اكىمى التاي كولگىنوۆ Nur Otan پارتياسىنىڭ قالالىق فيليالىندا ازاماتتاردى قابىلدادى. تۇرعىن ءۇي-كوممۋنالدىق شارۋاشىلىعى, تۇرعىن ءۇي باعدارلاماسىنا قاتىسۋ, مەديتسينالىق جانە اتاۋلى الەۋمەتتىك كومەك, جۇمىسقا تۇرۋ, ۇلەستىك قۇرىلىس نىساندارىن اياقتاۋ جانە تاعى باسقا ماسەلەلەر كوتەرىلدى. بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلادى.
قالا تۇرعىنى ە. نازيپا اشىقتىق پەن قولجەتىمدىلىك قاسيەتتەرى ءۇشىن جاۋاپتى مەملەكەتتىك ورگاندارعا العىسىن ءبىلدىردى. «سۇراقتار ءاردايىم ءوز شەشىمىن تابادى» دەدى ول.
سونداي-اق قابىلداۋعا كەلگەن تۇرعىندار ۇلەستىك قۇرىلىس ماسەلەلەرىن كوتەردى. بيىل قۇرىلىسى ۇزاققا سوزىلعان 20 تۇرعىن ءۇي كەشەنىنىڭ قۇرىلىسىن اياقتاپ, پايدالانۋعا بەرۋ جوسپارلانىپ وتىر. بۇل شامامەن 8 مىڭ ۇلەسكەردىڭ ماسەلەسىن شەشۋگە كومەكتەسەدى. 2019 جىلى 10 تۇرعىن ءۇي كەشەنى پايدالانۋعا بەرىلدى.
ەلوردا اكىمدىگى تۇراقتى نەگىزدە ازاماتتاردى قابىلدايدى. ءوتىنىش بىلدىرگەن ماسەلەلەردىڭ باسىم بولىگى شەشىلدى, قالعاندارى باقىلاۋعا الىندى.