«قازاقستان» تەلەارناسىنداعى «اشىق الاڭ» باعدارلاماسىندا تىكەلەي ەفيردە ماجىلىستە قاراستىرىلىپ جاتقان دەنساۋلىق كودەكسىنىڭ جاڭا جوباسى تالقىلاندى.
تىكەلەي ەفير بارىسىندا «QmeD» ۇلتتىق يننوۆاتسيالىق مەديتسينا پالاتاسىنىڭ پرەزيدەنتى اكىم تۇرسىنوۆ دەنساۋلىق كودەكسىنىڭ جاڭا جوباسىندا كوپتەگەن شيكىلىك بار ەكەنىن ايتتى.
«قازىر 38 قوعامدىق ۇيىم دەنساۋلىق كودەكسىنىڭ جاڭا جوباسىنا قارسى بولىپ وتىر. سول ۇيىمداردىڭ اراسىندا ءبىزدىڭ دە ۇيىم بار. ءبىز نەگە قارسى بولدىق؟ كوپتەگەن باپتار ەسكى كودەكستەن الىنعان. ال 2009 جىلى قابىلدانعان زاڭ اشىق تالقىلانبادى. ال قازىر ءبىز حالىققا جەتكىزۋ كەرەكپىز. ايتىپ, ءتۇسىندىرۋ كەرەكپىز. زاڭدى اشىق تالقىلاۋ كەرەكپىز», - دەدى ول.
ايتا كەتۋ كەرەك, قوعامدىق ۇيىمدار ماجىلىستە تالقىلانىپ جاتقان دەنساۋلىق كودەكسىنىڭ جاڭا جوباسىنا قارسى پەتيتسيا جاريالاعان بولاتىن. وندا ولار 16 باپقا نارازىلىقتارىن ءبىلدىرىپ, زاڭنىڭ قابىلدانۋىنا قارسى شىقتى. ال تىكەلەي ەفيردە دەنساۋلىق ساقتاۋ مينيسترلىگىنىڭ زاڭ دەپارتامەنتى ديرەكتورىنىڭ ورىنباسارى دىنمۇحامەد قىلىشپاەۆ 38 يىم بۇكىل حالىقىتڭ پىكىرى ەمەس ەكەنىن ايتتى.