قىتايدان تاراپ جاتقان اتىشۋلى ىندەتتەن كەيىن بارلىق مەملەكەتتەر شەكاراسىن قىمتاپ, قىتايعا بارىپ كەلگەن جانداردى قايتا-قايتا تەكسەرىپ, ابدەن الەككە تۇسۋدە. سونىڭ ىشىندە جاپونياداعى Diamond Princess كرۋيزدىك لاينەرى كورپەسىن تارس بۇركەنىپ, ءوز الدىنا ءبىر شاعىن مەملەكەت سياقتى وقشاۋلانىپ, جولاۋشىلارى ەكى اپتادان بەرى قۇرلىققا شىعا الماي وتىر.
بۇل الىپ كەمە 20 قاڭتار كۇنى جاپونيانىڭ يوكوگاما پورتىنان شىعىپ, 3 اقپان كۇنى تۋرا سول ايلاققا قايتا ورالعان ەدى. ىشىندە الەمنىڭ 50 ەلىنەن جينالعان 3,7 مىڭ جولاۋشىسى بار. الايدا لاينەردەگى قىتاي ازاماتتارىنان كوروناۆيرۋستىڭ بەلگىلەرى تابىلىپ, يوكوگاما پورتىنا زاكىرىن تاستاعان كەمەدەن بىردە-ءبىر جولاۋشىنىڭ سىرتقا شىعۋىنا رۇقسات بەرىلمەدى. كەمە جولاۋشىلارىنىڭ ىشىندە قازاقستاننىڭ ءتورت ازاماتى بار. ناقتىراق ايتساق, 8 جانە 12 جاستاعى نەمەرەلەرى بار ەكى ايەل ادام. ساياحاتتاپ جۇرگەن ءتورت قازاقستاندىق ازاماتتىڭ جاعدايىن دەنساۋلىق ساقتاۋ ءمينيسترى ەلجان ءبىرتانوۆ ازىرگە بىرقالىپتى دەپ وتىر.
«جاپونيا دەنساۋلىق ساقتاۋ مينيسترلىگىمەن تىكەلەي بايلانىس بار. قازىر ولارعا ينفەكتسيا جۇقتى دەگەن اقپارات جوق. كەمەدەگى ازاماتتارمەن تىكەلەي بايلانىستامىز. ولار وزدەرىن جاقسى سەزىنەدى. اراسىندا اۋىرعاندار جوق. قازىر سىرتقى ىستەر مينيسترلىگىمەن ازاماتتارىمىزدى ەلگە قايتارۋ جونىندە جۇمىستار ءجۇرىپ جاتىر» دەيدى بۇل جونىندە ە. ءبىرتانوۆ.
ءيا, لاينەردەگى قازاقستاندىقتار قاشان ەلگە قايتۋى مۇمكىن؟ بۇل جونىندە سىرتقى ىستەر مينيسترلىگىنىڭ رەسمي وكىلى ايبەك سمادياروۆ بىلاي دەيدى:
«19 اقپاندا لاينەردە كارانتين ۋاقىتى اياقتالادى. سوسىن 2 كۇنگە سوزىلاتىن كەمەدەن شىعارۋ پروتسەسى جۇرگىزىلەدى. سەبەبى كەمەدە 3 مىڭنان استام ادام بار. ولاردىڭ ءبارىن ءبىر كۇندە شىعارا المايدى. ەگەر دە ءبىزدىڭ ازاماتتاردان كوروناۆيرۋس بەلگىلەرى تابىلماسا, ولار ءوز جولدارىمەن ەلگە قايتادى. كارانتين رەجىمى بولعاندىقتان پالۋبادا قوزعالىس شەكتەلگەن. اركىم ءوز كايۋتالارىندا وتىر. قاجەتتى مەديتسينالىق قورعاۋ قۇرالدارىمەن, تاماقپەن قامتاماسىز ەتىلگەن. بىزبەن بايلانىستا. ەشقانداي شاعىم ايتىپ جاتقان جوق».
«كەمەدەگەنىڭ جانى ءبىر...» دەمەكشى, جولاۋشىلارىنا قىزىعى مول ساياحات سىيلايمىز دەگەن Diamond Princess كرۋيزدىك لاينەرىندەگى جاعداي وسىلايشا بۇكىل ەلدى الاڭداتىپ وتىر. قازاقستانداعى ءتيىستى مينيسترلىكتەر بۇل ماسەلەنى باستى نازاردا ۇستاپ, ءالىپتىڭ ارتىن باققاننان باسقا امالى بولماي تۇرعانى انىق.
بۇۇ CNN زەرتتەۋ ورتالىعى كوروناۆيرۋس ىندەتىنىڭ الەم ەلدەرىنە تارالۋ كارتاسىن جاريالادى. سوڭعى مالىمەتتەرگە قاراعاندا, بۇل ىندەتتەن الەمدە 1 383 ا؟؟؟ ؟؟؟؟؟؟ ؟؟؟؟؟؟دام قايتىس بولعان. وسى ينفەكتسيانى جۇقتىرعانداردىڭ سانى 64 441-گە جەتسە, 5 542 ادام اتالعان دەرتتەن جازىلىپتى. ءبىز وسى كارتادا كورسەتىلگەن مەملەكەتتەردىڭ ءتىزىمىن جاريالاپ وتىرمىز.