ليوندا سۋ ماسەلەسىن كوتەردى

ۇستانىمنىڭ دالەلىندەي اقتاۋ قالاسىنداعى نازارباەۆ زياتكەرلىك مەكتەبىنىڭ 10 وقۋشىسى ليوندا وتكەن بىرىككەن ۇلتتار ۇيىمىنىڭ مودەلى حالىقارالىق كونفەرەنتسياسىنا قاتىسىپ قايتتى. «سۋ: وزگەرىستەرگە قۇلشىنىس» تاقىرىبىندا وتكەن جيىنعا يزرايل, ۇلىبريتانيا, قازاقستان مەن فرانتسيادان 350 جوعارى سىنىپ وقۋشىلارى جانە 50 ستۋدەنت قاتىستى.

سەگىزىنشى رەت وتكەن شارانى ليونداعى حالىقارالىق مەكتەپ پەن سكولە حالىقارالىق ۋنيۆەرسيتەتى ستۋدەنتتەرى ۇيىمداستىرعان. كوشباسشىلاردىڭ باسىن قوسقان جيىنعا نۇركامال اليحان, قۇرالاي سانات, ايدانا باكيتوۆا, كامشات اقمۇراتوۆا, ميرلانبەك شانشاروۆ, اقبوتا الپامىسوۆا, دانا ەس­بەرگەنوۆا, اقجىبەك ساعىندىققىزى, حي­سامي توميريس ەسىمدى وقۋشىلار قاتىسىپ, سۋ تا­قىرىبىنداعى وزەكتى ماسەلەلەردى شەشۋگە ارنال­عان قارارلاردى قابىلدادى.

«بۇۇ 2015 جىلى 17 تۇراقتى دامۋ ماقساتىن ايقىندادى. ILYMUN كونفەرەنتسياسى وسى جولى 6-شى (سۋ جانە سانيتاريا) جانە 14-ءشى (سۋ ءومىرى) ماقساتتارىنا توقتالدى. قازىرگى تاڭدا سۋ ماسەلەسى دۇنيە ءجۇزىن الاڭداتىپ وتىر. جەر بەتىندەگى دەموگرافيانىڭ ءوسۋى جانە جاھاندىق جىلىنۋ جانە سۋ كوزدەرىنىڭ قۇرعاپ قالۋى بۇل تاقىرىپتىڭ وزەكتىلىگىن ارتتىرىپ وتىر. سونىڭ ناتيجەسىندە جاڭا تيپتەگى حالىقارالىق قاقتىعىستار تۋىنداۋدا. كونفەرەنتسيا بارىسىندا دەلەگاتتار ءوز ەلىنىڭ قىزىعۋشىلىقتارىن ەسكەرە وتىرىپ, ماسەلەنىڭ شەشىمىن تابۋى ءتيىس» دەلىنگەن كونفەرەنتسيانىڭ رەسمي مالىم­دەمەسىندە.

ال اقتاۋلىق وقۋشىلار اتالعان جيىنعا تۇڭعىش رەت قاتىستى.

– كونفەرەنتسيا بارىسىندا ءبىز عالامدىق پروبلەمالاردى شەشۋگە ارنالعان قارارلاردى قابىلدادىق. بۇل تۇلعالىق دامۋعا ۇلكەن سەپتىگىن تيگىزەدى دەپ ويلايمىز. سەبەبى مەن تابيعات-انا­عا دەگەن جاۋاپكەرشىلىكتى سەزىنىپ, كوماندادا جۇمىس جاساۋ قابىلەتىمدى ارتتىردىم. ەكىنشىدەن, تۇڭعىش رەت مۋلتيكۋلتۋراليزم تۇسىنىگىمەن بەتپە-بەت كەلدىم. جيىندا اعىلشىن تىلىندە سويلەگەنىمىزبەن, گرەك, فرانتسۋز, يرلاند تىلدەرىن دە ەستىپ وتىردىم, – دەيدى تۇششى سۋ رەسۋرستارىن قولدانۋ جانە ساقتاۋ تۋرالى بايانداما وقىعان توميريس حيسامي.

بۇۇ مودەلى كونفەرەنتسياسى بيىل ناۋ­رىز ايىندا اقتاۋ قالاسىنداعى نازارباەۆ زياتكەرلىك مەكتەبىندە ۇيىمداستىرىلماق.

ماڭعىستاۋ وبلىسى