بۇل تۋرالى كەشە قازاقستانعا كەلگەن اقش مەملەكەتتىك حاتشىسى مايك پومپەو الەۋمەتتىك جەلىدەگى پاراقشاسىندا جازدى.
ء«بىزدىڭ ورتاق بەيبىتشىلىككە, گۇلدەنۋگە جانە قاۋىپسىزدىككە نەگىزدەلگەن اقش پەن قازاقستان اراسىنداعى ستراتەگيالىق قارىم-قاتىناستاردىڭ ماڭىزدىلىعىن راستاۋ ءۇشىن نۇر-سۇلتانعا كەلۋىمە قۋانىشتىمىن. مەن ساۋدا جانە ينۆەستيتسيالار ماسەلەلەرىن, سونداي-اق قوس ەلدىڭ ءوسىپ-وركەندەۋىن كەڭەيتۋ جولدارىن تالقىلاۋ مۇمكىندىگىن اسىعا كۇتەمىن» دەپ جازدى مايك پومپەو.
سونداي-اق مەملەكەتتىك حاتشى اقش ەلشىلىگىنىڭ قىزمەتكەرلەرىمەن كەزدەسىپ, ەلشى موزەر مەن ەلشىلىكتىڭ جۇمىسىنا العىسىن ءبىلدىردى.
وسىعان دەيىن حابارلاعانداي, مايك پومپەو مەملەكەت باسشىسى قاسىم-جومارت توقاەۆ, ەلباسى نۇرسۇلتان نازارباەۆ جانە سىرتقى ىستەر ءمينيسترى مۇحتار تىلەۋبەردىمەن كەزدەسەدى.