مەملەكەتتىك مەكەمەلەردىڭ قىزمەتكەرلەرى, ستۋدەنتتەر, كاسىپكەرلەر, قوعامدىق ۇيىمداردىڭ وكىلدەرى, كاسىپورىندار مەن پيك قىزمەتكەرلەرى قىسقى سەنبىلىككە قاتىستى, دەپ حابارلايدى اكىمدىكتىڭ رەسمي سايتى.
ء«بىز بىرگەمىز» چەللەندجىن ەلوردانىڭ جۇزدەگەن مىڭ تۇرعىنى قولداپ, كوممۋنالدىق قىزمەتتەرگە قار قۇرساۋىمەن كۇرەسۋگە كومەكتەسۋدە.
بۇگىن «بىز بىرگەمىز» دەپ بىرىككەن استانالىقتار قار تازالاۋ بويىنشا جالپى قالالىق سەنبىلىك ۇيىمداستىردى. قالا تۇرعىندارى ەلوردانىڭ اۋلالارى مەن تروتۋارلارىنداعى قاردى تازالاپ, كوممۋنالدىق قىزمەتتەرگە كومەك قولىن سوزدى.
قىس باستالىسىمەن نۇر-سۇلتانعا كوپ مولشەردە قار جاۋدى. بۇگىنگى كۇنگە دەيىن تاۋلىك بويى جۇمىس ىستەپ كەلە جاتقان كوممۋنالدىق قىزمەتتەرگە ەلوردالىق تۇرعىندار شىعىپ,ء «بىز بىرگەمىز» اكتسياسىن باستاعان بولاتىن. بۇگىن قالانىڭ ءار بولىگىندە تۇرعىنداردىڭ كۇشىمەن 4800 تەكشە مەتردەن استام قار جينالدى.
بەلسەندى قالا تۇرعىندارىنىڭ بىرلەسكەن كۇشىمەن كومەككە مۇقتاج زەينەتكەرلەردىڭ ءۇيىنىڭ اۋلالارى قاردان تازارتىلدى. قازاقستان حالقى اسسامبلەياسى ەتنومادەني بىرلەستىكتەرىنىڭ وكىلدەرى «وندىرىس» تۇرعىن ءۇي الابىندا تۇراتىن ۇوس ارداگەرلەرى مەن قارت زەينەتكەرلەرگە قار جيناۋعا قول ۇشىن سوزدى. قار تازالاۋ جۇمىستارى بارىسىندا ش. ءۋاليحانوۆ كوشەسىندە بوگەنباي باتىر داڭعىلىنان ا. كراۆتسوۆ كوشەسىنە دەيىنگى اۋماقتا 250 استام «بايقوڭىر» اۋدانى اكىمدىگىنىڭ قىزمەتكەرلەرى مەن جوو جانە كوللەدج ستۋدەنتتەرى قاتىستى. جوعارى وقۋ ورىندارى مەن كوللەدج ستۋدەنتتەرى, ءبىلىم بەرۋ جانە دەنساۋلىق ساقتاۋ مەكەمەلەرىنىڭ قىزمەتكەرلەرى ءوز عيماراتتارىنىڭ اۋماعىن قاردان تازارتتى. سەنبىلىك ءىس-شاراعا بارلىعى 475 قىزمەت كورسەتۋشى ۇيىم قاتىسىپ, 978 اۋلا جينالدى.
ەلوردالىق ەرىكتىلەر شتابىنىڭ جەتەكشىسى شىڭعىس تىلەۋلين اتاپ وتكەندەي, قىسقى مەرزىم ىشىندە مۇنداي كومەك مۇقتاج تۇرعىندارعا تۇراقتى نەگىزدە كورسەتىلەتىن بولادى.
«سۋىق ءبىز ءۇشىن قورقىنىشتى ەمەس. سونداي-اق ىستىق شاي مەن ازىق-ت ۇلىك سەبەتتەرىن تاراتاتىن بولامىز, قار تازالاپ, استانالىقتاردى بىرلەسىپ يگى ىستەر جاساۋعا شاقىراتىن بولامىز», - دەدى ول.
ەستەرىڭىزگە سالا كەتەيىك,ء «بىز بىرگەمىز» چەللەندجى ەلوردالىق تۇرعىندار اراسىندا تانىمالدىلىققا يە بولىپ, قالا تۇرعىندارىنىڭ كوبى قالا اۋماعىن قاردان تازارتىپ, الەۋمەتتىك جەلىلەردە #بىزبىرگەمىز حەشتەگىمەن بەينە جانە فوتوسۋرەتتەردى ورنالاستىرادى. اكتسيا جىل باسىندا باستالعان بولاتىن. گيدرومەتەورولوگيالىق ورتالىقتىڭ مالىمەتتەرى بويىنشا قاڭتار ايىندا نۇر-سۇلتاندا رەكوردتىق جاۋىن-شاشىن تىركەلگەن. سوڭعى رەت مۇنداي كورسەتكىش 1964 جىلى بەلگىلەندى.