قاۋىپسىزدىك كەڭەسىنىڭ توراعاسى قورعانىس ءمينيسترى نۇرلان ەرمەكباەۆتى قابىلدادى. بۇل تۋرالى elbasy.kz حابارلادى.
اڭگىمە بارىسىندا ەلباسى قارۋلى كۇشتەردىڭ مەملەكەتتىڭ قاۋىپسىزدىگى مەن تۇراقتىلىعىن قامتاماسىز ەتۋدەگى ماڭىزدى رولىنە توقتالدى.
نۇرسۇلتان نازارباەۆ ارميانىڭ جاۋىنگەرلىك دايىندىعىن ساقتاۋ, ەلىمىزدىڭ قارۋلى كۇشتەرىن جاڭعىرتۋ مەن تەحنولوگيالىق جەتىلدىرۋدى قامتاماسىز ەتۋ قاجەتتىگىن اتاپ ءوتتى.
– ءسىزدىڭ جۇمىسىڭىز ۇلكەن جاۋاپكەرشىلىكتى تالاپ ەتەدى. حالىق قارۋلى كۇشتەردىڭ مۇمكىندىكتەرىنە سەنىمدى بولۋى كەرەك. ءبىزدىڭ مەملەكەتىمىزدىڭ تۇراقتىلىعى وسىعان بايلانىستى, - دەدى قازاقستاننىڭ تۇڭعىش پرەزيدەنتى.