2020 جىلدىڭ 1 اقپانىنان باستاپ ەۋرازيا ءبىرىنشى ارناسىندا «سەنات Online» جاڭا تەلەۆيزيالىق باعدارلاماسى جارىققا شىعادى. بۇل تۋرالى پارلامەنت پالاتاسىنىڭ ءباسپاسوز قىزمەتى حابارلادى.
جوبا يدەياسى – پارلامەنت سەناتىنىڭ قىزمەتى تۋرالى حاباردار ەتۋ, قازاقستاندىقتاردى تولعاندىراتىن ماسەلەلەر بويىنشا سەناتورلاردىڭ ازاماتتىق ۇستانىمىن كورسەتۋ بولىپ تابىلادى.
سەنات Online پارلامەنتتىڭ جوعارعى پالاتاسىنىڭ جۇمىس اپتاسىنىڭ قورىتىندىسىن شىعارادى. جۋرناليستەر كوميتەتتەردە نەمەسە سەنات وتىرىسىنداعى اسا ماڭىزدى زاڭ جوبالارىنىڭ تالقىسى تۋرالى باياندايدى. تەلەكورەرمەندەر سايلاۋشىلارمەن كەزدەسۋ, دەپۋتاتتاردىڭ حالىقارالىق دەڭگەيدەگى جۇمىسى تۋرالى رەپورتاجداردى كورە الادى.
تەلەحابار تەك جەدەل اقپاراتپەن عانا شەكتەلمەيدى. زاڭ جوبالارى مەن دەپۋتاتتىق ساۋالداردىڭ تاعدىرىن قاداعالاۋ, سەناتورلار كوتەرگەن پروبلەمالىق ماسەلەلەردى دامىتۋ جانە شەشۋ دە جوسپارلانىپ وتىر.
سەنات Online تەلەحابار ءار اپتا سايىن سەنبى كۇنى ساعات 20.30-دا شىعاتىن بولادى.