قوستاناي وبلىسىنىڭ رۋدنىي قالاسىنداعى جەل سوقسا كابينالارى ۇرشىقشا اينالىپ, ەلدىڭ زارە-قۇتىن قاشىرعان اتتراكتسيون ورنىنان سۇرىلەدى. رۋدنىيدا ۇزاققا سوزىلعان داۋلى ىستەن كەيىن مامانداندىرىلعان اۋدانارالىق ەكونوميكالىق سوتى وسىنداي كەسىم شىعاردى.
تاپسىرىس بەرۋشى – رۋدنىي قالالىق اكىمدىگىنىڭ قۇرىلىس ءبولىمى, جۇمىس مەردىگەرى – «الاتاۋگورستروي» جشس. بۇل نىساندى ورناتۋعا جەرگىلىكتى قازىنادان 330 ميلليون تەڭگە قاراجات ءبولىندى.
بۇكىل كەنشىلەر قالاسى مەن ونىڭ ماڭايىن تولىق كورىپ شىعاتىنداي «شايتان دوڭگەلەك» اتالاتىن اينالمالى اتتراكتسيون وتكەن جىلدىڭ كوكتەمىندە پايدالانۋعا بەرىلگەن ەدى. الايدا تۇرعىنداردىڭ قۋانىشى ۇزاققا سوزىلمادى. جەل سوقسا ۇشار باسىنداعى كابينالار اينالىپ بولماعان سوڭ سوت شەشىمىمەن اتتراكتسيون جۇمىسىن توقتاتتى.
سوت شەشىمى بويىنشا قۇنى قىمبات «شايتان دوڭگەلەكتى» ءسۇرۋ تاپسىرىس بەرۋشى مەن مەردىگەردىڭ موينىنا جۇكتەلىپ وتىر.
قىدىربەك قياسحان
قوستاناي وبلىسى