قاراعاندى وبلىسىنداعى بۇقار جىراۋ اۋدانىنىڭ اۋماعىندا «براكونەر» شۇعىل-ساۋىقتىرۋ شارالارى بارىسىندا تابيعات قورعاۋ پوليتسەيلەرى كۇدىك تۋدىرعان Toyota Land Cruiser ماركالى اۆتوكولىكتى توقتاتىپ, تەكسەرۋ جۇرگىزگەن بولاتىن.
ءتىنتۋ بارىسىندا اتالعان كولىكتىڭ ىشىنەن جاس ەت پەن مىلتىق جانە ونىڭ وقتارى تابىلدى. ءتارتىپ ساقشىلارىنىڭ بولجامى بويىنشا, ەت ەلىكتىكى بولۋى مۇمكىن. قولعا تۇسكەن براكونەر – قاراعاندى قالاسىنىڭ 63 جاستاعى تۇرعىنى ءوزىنىڭ زاڭسىز اڭ اۋلاعانىن مويىندادى.
قازىرگى ۋاقىتتا اتالعان وقيعا بويىنشا سوتقا دەيىنگى تەرگەۋ امالدارى جۇرگىزىلۋدە.