مەملەكەت باسشىسى قاسىم-جومارت توقاەۆ «اباي جانە XXI عاسىرداعى قازاقستان» اتتى حاكىمنىڭ 175 جىلدىعىنا ارنالعان ماقالاسىندا ابايدىڭ وي-تۇجىرىمدارى بارشامىزعا قاشاندا رۋحاني ازىق بولا الاتىنىن العا تارتتى.
«ەلباسى نۇرسۇلتان نازارباەۆ «بولاشاققا باعدار: رۋحاني جاڭعىرۋ» اتتى ماقالاسىندا قوعامدىق سانانى قايتا تۇلەتۋدىڭ ماڭىزدىلىعى تۋرالى ايتتى. ۇلتتىق سانانى ساقتاۋ جانە ونى زامان تالابىنا بەيىمدەۋ مەملەكەتتىك ماڭىزى بار ماسەلەگە اينالدى. ويتكەنى سانانى جاڭعىرتۋ ارقىلى ءححى عاسىردا ەلىمىزدىڭ تىڭ سەرپىنمەن دامۋىنا جول اشامىز. وسى ورايدا اباي مۇراسىنىڭ تيگىزەر پايداسى زور دەپ ەسەپتەيمىن. ۇلى اقىننىڭ شىعارمالارى بۇگىن دە وزەكتىلىگىن جوعالتقان جوق. ابايدىڭ وي-تۇجىرىمدارى بارشامىزعا قاشاندا رۋحاني ازىق بولا الادى», دەدى ق.توقاەۆ.
وسىعان وراي س.سەيفۋللين اتىنداعى قازاق اگروتەحنيكالىق ۋنيۆەرسيتەتىندە «اباي – اقىن, ويشىل, اۋدارماشى» اتتى عىلىمي سەمينار ءوتتى. شاراعا ۋنيۆەرسيتەت باسشىلىعى, ۇستازدار قاۋىمى جانە ستۋدەنتتەر قاتىستى.
«الەمدە 190-داي مەملەكەت, ەكى مىڭداي ۇلت بار ەكەن. ءاربىر ۇلتتىڭ ۇلتتىق بولمىسى, تامىرى, تاريحى ءوز الدىنا ەرەكشە. قازاق تا ءوزىنىڭ تەكتىلىگىمەن, بىلىمدىلىگىمەن الەمگە تانىلعانىنا شەتەلدەرگە شىققان سايىن كۋا بولىپ ءجۇرمىز. سىرتتان كەلەتىن مەيماندار حالقىمىزدىڭ سىرتقى كەلبەتىنە عانا ەمەس, ىشكى رۋحاني قۇندىلىقتارىمىزعا دا كوز تاستايدى. ەلىمىزگە رۋحاني ۇستاز بولىپ, ۇلت پەن ۇرپاقتىڭ قامى ءۇشىن تەر توككەن تۇلعالارىمىز از ەمەس. سول تۇلعالارىمىزدىڭ اراسىندا اباي قۇنانباي ۇلىنىڭ الار ورنى ايرىقشا دەسەك ارتىق ايتقاندىق بولماس, ءسىرا. ءبىزدىڭ ۋنيۆەرسيتەتتىڭ ماقساتى – ءبىلىمدى مامانداردى دايىنداپ قانا قويماي, وتانشىل, پاتريوت پەرزەنتتەردى دە تۇلەتۋ. ول ءۇشىن ابايدى تەرەڭىرەك وقۋ كەرەك», دەدى س.سەيفۋللين اتىنداعى قازاق اگروتەحنيكالىق ۋنيۆەرسيتەتى اق باسقارما توراعاسى اقىلبەك كۇرىشباەۆ.
سونىمەن قاتار جيىندا ۋنيۆەرسيتەتتىڭ وقىتۋشىلارى, فيلولوگيا عىلىمدارىنىڭ دوكتورى, دوتسەنت ساۋلە قۇرمانبايقىزى ء«سوز» كونتسەپتىنىڭ اباي شىعارمالارىندا رەپرەزەنتتەلۋى», فيلوسوفيا كافەدراسىنىڭ مەڭگەرۋشىسى, دوتسەنت ەسبول ەسەنباي ۇلى «اباي دۇنيەتانىمىنداعى «ادام مەن الەم» قاتىناسى ماسەلەسى, دوتسەنت ءاسيا سەرعاليقىزى «الەم تانىعان اباي» تاقىرىپتارىندا بايانداما جاساپ, حاكىمنىڭ ءومىر جولى مەن ادەبي الەمىن شولىپ ءوتتى.