2013 جىلعى 19 ناۋرىز, استانا, ۇكىمەت ءۇيى
ەنەرگيا ءوندىرۋشى ۇيىمدار ءۇشىن كۇزگى-قىسقى كەزەڭدە پايدالانىلاتىن وتىن قورىنىڭ نورمالارىن ايقىنداۋ قاعيدالارىن بەكىتۋ تۋرالى
«ەلەكتر ەنەرگەتيكاسى تۋرالى» 2004 جىلعى 9 شىلدەدەگى قازاقستان رەسپۋبليكاسىنىڭ زاڭى 4-بابىنىڭ 38-6) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:1. قوسا بەرىلىپ وتىرعان ەنەرگيا ءوندىرۋشى ۇيىمدار ءۇشىن كۇزگى-قىسقى كەزەڭدە پايدالانىلاتىن وتىن قورىنىڭ نورمالارىن ايقىنداۋ قاعيدالارى بەكىتىلسىن.2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
قازاقستان رەسپۋبليكاسى ۇكىمەتىنىڭ 2013 جىلعى 19 ناۋرىزداعى №261 قاۋلىسىمەن بەكىتىلگەن
ەنەرگيا ءوندىرۋشى ۇيىمدار ءۇشىن كۇزگى-قىسقى كەزەڭدە پايدالانىلاتىن وتىن قورىنىڭ نورمالارىن ايقىنداۋ قاعيدالارى
1. جالپى ەرەجەلەر1. وسى ەنەرگيا ءوندىرۋشى ۇيىمدار ءۇشىن كۇزگى-قىسقى كەزەڭدە پايدالانىلاتىن وتىن قورىنىڭ نورمالارىن ايقىنداۋ قاعيدالارى (بۇدان ءارى – قاعيدالار) «ەلەكتر ەنەرگەتيكاسى تۋرالى» 2004 جىلعى 9 شىلدەدەگى قازاقستان رەسپۋبليكاسىنىڭ زاڭى 4-بابىنىڭ 38-6) تارماقشاسىنا سايكەس ازىرلەندى جانە قازاقستان رەسپۋبليكاسىنىڭ ەنەرگيا ءوندىرۋشى ۇيىمدارى ءۇشىن كۇزگى-قىسقى كەزەڭدە پايدالانىلاتىن وتىن قورىنىڭ نورمالارىن ايقىنداۋ ءتارتىبىن بەلگىلەيدى.2. وسى قاعيدالاردا مىناداي نەگىزگى ۇعىمدار مەن انىقتامالار پايدالانىلادى:1) وتىننىڭ ورتاشا تاۋلىكتىك جۇمسالۋى – وسى ءوڭىر ءۇشىن سىرتقى اۋانىڭ ەڭ از ەسەپتىك تەمپەراتۋراسى جانە جىلۋ ەلەكتر ستانتسياسىنىڭ جابدىقتارىن بارىنشا جۇكتەۋ جاعدايلارىندا ەنەرگيا ءوندىرۋشى ۇيىم ەلەكتر جانە/نەمەسە جىلۋ ەنەرگياسىن ءوندىرۋ ءۇشىن تاۋلىك ىشىندە تۇتىناتىن وتىننىڭ مولشەرلى جۇمسالۋى;2) پايدالانىلاتىن وتىن قورىنىڭ نورماسى (بۇدان ءارى – نورما) – ەنەرگيا ءوندىرۋشى ۇيىمدار پايدالاناتىن وتىر قورىنىڭ تاۋلىكتىك ەسەپتەگى ەڭ از مولشەرى.2. ەنەرگيا ءوندىرۋشى ۇيىمدار ءۇشىن كۇزگى-قىسقى كەزەڭدە پايدالانىلاتىن وتىر قورىنىڭ نورمالارىن ايقىنداۋ ءتارتىبى3. نورمالار جىلۋ ەلەكتر ستانتسيالارى مەن قازاندىقتار بويىنشا ايقىندالادى (بۇدان ءارى – ەنەرگيا ءوندىرۋشى ۇيىم).4. نورمالاردى ايقىنداۋ كەزىندە:1) وتىننىڭ ورتاشا تاۋلىكتىك جۇمسالۋى;2) جەتكىزەتىن وتىننىڭ ەنەرگيا كوزىنەن تيەلۋ ورنىنا دەيىنگى ارا قاشىقتىق ەسەپكە الىنادى.5. بەلگىلەنگەن قۋاتى 100 گكال/ساعات جانە ودان جوعارى ەنەرگيا ءوندىرۋشى ۇيىم جىل سايىن ءتيىستى جىلدىڭ 1 ماۋسىمىنا دەيىن ەلەكتر ەنەرگەتيكاسى سالاسىنداعى ۋاكىلەتتى ورگانعا ءوزىنىڭ مەنشىكتى جابدىقتار قۇرامى ءۇشىن سىرتقى اۋانىڭ ەڭ از ەسەپتىك تەمپەراتۋراسى جاعدايىندا وتىننىڭ ورتاشا تاۋلىكتىك جۇمسالۋىن جانە ەنەرگيا كوزىنەن باستاپ جەتكىزىلەتىن وتىندى تيەۋ ورنىنا دەيىنگى قاشىقتىقتى كەلىسۋ ءۇشىن ۇسىنادى.6. بەلگىلەنگەن قۋاتى 100 گكال/ساعات تومەن ەنەرگيا ءوندىرۋشى ۇيىم جىل سايىن ءتيىستى جىلدىڭ 1 ماۋسىمىنا دەيىن جەرگىلىكتى اتقارۋشى ورگانعا ءوزىنىڭ مەنشىكتى جابدىعىنىڭ قۇرامى ءۇشىن سىرتقى اۋانىڭ ەڭ از ەسەپتىك تەمپەراتۋراسى جاعدايىندا وتىننىڭ ورتاشا تاۋلىكتىك جۇمسالۋىن جانە ەنەرگيا كوزىنەن باستاپ جەتكىزىلەتىن وتىندى تيەۋ ورنىنا دەيىنگى قاشىقتىقتى كەلىسۋ ءۇشىن ۇسىنادى.7. ەلەكتر ەنەرگەتيكاسى سالاسىنداعى ۋاكىلەتتى ورگان جىل سايىن ءتيىستى جىلدىڭ 1 تامىزىنا دەيىن بەلگىلەنگەن قۋاتى 100 گكال/ساعات جانە ودان جوعارى ەنەرگيا ءوندىرۋشى ءاربىر ۇيىم ءۇشىن وتىننىڭ ورتاشا تاۋلىكتىك جۇمسالۋى مەن ەنەرگيا كوزىنەن باستاپ جەتكىزىلەتىن وتىندى تيەۋ ورنىنا دەيىنگى قاشىقتىقتى كەلىسەدى.8. جەرگىلىكتى اتقارۋشى ورگان جىل سايىن ءتيىستى جىلدىڭ 1 تامىزىنا دەيىن بەلگىلەنگەن قۋاتى 100 گكال/ساعات تومەن ەنەرگيا ءوندىرۋشى ءاربىر ۇيىم ءۇشىن وتىننىڭ ورتاشا تاۋلىكتىك جۇمسالۋى مەن ەنەرگيا كوزدەرىنەن باستاپ جەتكىزىلەتىن وتىندى تيەۋ ورنىنا دەيىنگى قاشىقتىقتى بەكىتەدى.9. كەلىسىلگەن وتىننىڭ ورتاشا تاۋلىكتىك جۇمسالۋى مەن وتىندى تيەۋ ء(وندىرۋ) اۋدانىنان باستاپ ەنەرگيا وندىرەتىن ۇيىم ورنالاسقان جەرگە دەيىنگى قاشىقتىق نەگىزىندە نورما ايقىندالادى.10. نورما وتىندى جەتكىزۋ, وتىندى جەتكىزۋدە پايدا بولعان شەكتەۋ سەبەپتەرىن جويۋ ءۇشىن قاجەتتى ەڭ ۇزاق مەرزىمدى ەسكەرە وتىرىپ, شەكتەۋ كەزىندە كۇندەر سانىمەن, سونداي-اق جەتكىزىلەتىن وتىندى تيەۋ اۋدانىنان ەنەرگيا ءوندىرۋشى ۇيىم ورنالاسقان جەرگە دەيىن تەمىرجول كولىگىمەن جەتكىزۋدىڭ قالىپتاسقان ۋاقىتىنان ايقىندالعان تەمپەراتۋرالىق كەستەنىڭ جانە/نەمەسە جوسپارلى ەلەكتر جۇكتەمەسىنىڭ ساقتالۋىن قامتاماسىز ەتەدى.