مەملەكەت باسشىسى قاسىم-جومارت توقاەۆ «Astana Club» حالىقارالىق پىكىرتالاس الاڭىنا قاتىسۋ ءۇشىن نۇر-سۇلتان قالاسىنا كەلگەن سلوۆەنيانىڭ بۇرىنعى پرەزيدەنتى دانيلو تيۋركپەن كەزدەسۋ وتكىزدى. بۇل تۋرالى اقوردانىڭ ءباسپاسوز قىزمەتى حابارلادى.
تاراپتار بۇۇ-نىڭ دامۋ جاعدايىن تالقىلاپ, حالىقارالىق كۇن تارتىبىندەگى وزەكتى ماسەلەلەر جونىندە پىكىر الماستى. بارلىق سالالار بويىنشا, اتاپ ايتقاندا, ەكونوميكالىق باعىتتاعى كوپجاقتى ىنتىماقتاستىقتى نىعايتۋ قاجەتتىگى ءسوز بولدى. سلوۆەنيالىق ساياساتكەر 2020 جىلدىڭ ماۋسىم ايىندا نۇر-سۇلتان قالاسىندا وتەتىن دۇنيەجۇزىلىك ساۋدا ۇيىمىنىڭ مينيسترلەر كونفەرەنتسياسى تابىستى بولاتىنىنا سەنىم ءبىلدىرىپ, قازاقستاننىڭ كوپجاقتى بايلانىستاردا, ونىڭ ىشىندە, ساۋدا جانە بەيبىتشىلىك پەن قاۋىپسىزدىكتى قامتاماسىز ەتۋ ماسەلەلەرىندە بەلسەندى ءرول اتقاراتىنىن جەتكىزدى.