سەنبى, 1 ماۋسىم 2013 2:30
قازاقستان رەسپۋبليكاسى پرەزيدەنتىنىڭ جارلىعى
قازاقستان رەسپۋبليكاسىنىڭ «جاسىل ەكونوميكاعا» كوشۋى جونىندەگى تۇجىرىمداما تۋرالى
قازاقستان رەسپۋبليكاسىنىڭ «جاسىل ەكونوميكاعا» كوشۋىن قامتاماسىز ەتۋ ماقساتىندا قاۋلى ەتەمىن:1. قازاقستان رەسپۋبليكاسىنىڭ «جاسىل ەكونوميكاعا» كوشۋى جونىندەگى تۇجىرىمداما (بۇدان ءارى – تۇجىرىمداما) بەكىتىلسىن.2. قازاقستان رەسپۋبليكاسىنىڭ ۇكىمەتى:1) تۇجىرىمدامانى ىسكە اسىرۋ جونىندەگى ءىس-شارالار جوسپارىن بەكىتسىن;2) وسى جارلىقتان تۋىندايتىن وزگە دە شارالار قابىلداسىن.
سەنبى, 1 ماۋسىم 2013 2:30
قازاقستان رەسپۋبليكاسى پرەزيدەنتىنىڭ جارلىعى
قازاقستان رەسپۋبليكاسىنىڭ «جاسىل ەكونوميكاعا» كوشۋى جونىندەگى تۇجىرىمداما تۋرالى
قازاقستان رەسپۋبليكاسىنىڭ «جاسىل ەكونوميكاعا» كوشۋىن قامتاماسىز ەتۋ ماقساتىندا قاۋلى ەتەمىن:1. قازاقستان رەسپۋبليكاسىنىڭ «جاسىل ەكونوميكاعا» كوشۋى جونىندەگى تۇجىرىمداما (بۇدان ءارى – تۇجىرىمداما) بەكىتىلسىن.2. قازاقستان رەسپۋبليكاسىنىڭ ۇكىمەتى:1) تۇجىرىمدامانى ىسكە اسىرۋ جونىندەگى ءىس-شارالار جوسپارىن بەكىتسىن;2) وسى جارلىقتان تۋىندايتىن وزگە دە شارالار قابىلداسىن.
3. قازاقستان رەسپۋبليكاسىنىڭ ۇكىمەتى, قازاقستان رەسپۋبليكاسىنىڭ پرەزيدەنتىنە تىكەلەي باعىناتىن جانە ەسەپ بەرەتىن مەملەكەتتىك ورگاندار, استانا جانە الماتى قالالارىنىڭ, وبلىستاردىڭ اكىمدەرى:1) ءوز قىزمەتىندە تۇجىرىمدامانى باسشىلىققا السىن جانە ونى ىسكە اسىرۋ جونىندە قاجەتتى شارالار قابىلداسىن;2) مەملەكەتتىك جوسپارلاۋ جۇيەسى قابىلدايتىن قۇجاتتاردىڭ تۇجىرىمدامامەن ۇيلەسۋىن قامتاماسىز ەتسىن.4. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن.5. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەزيدەنتى ن.نازارباەۆ.استانا, اقوردا, 2013 جىلعى 30 مامىر. № 577.—————————————————
قازاقستان رەسپۋبليكاسىنىڭ «جاسىل ەكونوميكاعا» كوشۋى جونىندەگى تۇجىرىمداماسى قازاقستان حالقىنىڭ ءال-اۋقاتىن, ءومىر ءسۇرۋ ساپاسىن ارتتىرۋ جانە ەلدىڭ الەمنىڭ نەعۇرلىم دامىعان 30 ەلىنىڭ قاتارىنا كىرۋى ارقىلى قورشاعان ورتاعا تۇسەتىن جۇكتەمە مەن تابيعي رەسۋرستاردىڭ توزۋىن بارىنشا ازايتا وتىرىپ, جاڭا تۇرپاتتاعى ەكونوميكاعا كوشۋ ماقساتىندا تەرەڭ جۇيەلى جاڭارتۋلار ءۇشىن نەگىز قالايدى.ەل الدىندا تۇرعان «جاسىل ەكونوميكاعا» كوشۋ جونىندەگى نەگىزگى باسىم مىندەتتەر:1) رەسۋرستاردى (سۋ, جەر, بيولوگيالىق جانە باسقا) پايدالانۋ مەن ولاردى باسقارۋ تيىمدىلىگىن ارتتىرۋ;2) قولدا بار ينفراقۇرىلىمدى جاڭعىرتىپ, جاڭالارىن سالۋ;3) قورشاعان ورتاعا قىسىمدى جۇمسارتۋدىڭ رەنتابەلدىك جولى ارقىلى حالىقتىڭ ءال-اۋقاتى مەن قورشاعان ورتانىڭ ساپاسىن ارتتىرۋ;4) ۇلتتىق قاۋىپسىزدىكتى, سونىڭ ىشىندە سۋ قاۋىپسىزدىگىن ارتتىرۋ بولىپ تابىلادى.وسىعان بايلانىستى «جاسىل ەكونوميكاعا» كوشۋ جونىندەگى تۇجىرىمداما ءۇش كەزەڭمەن ىسكە اسىرىلادى:2013-2020 جج. – وسى كەزەڭدە مەملەكەتتىڭ نەگىزگى باسىمدىعى رەسۋرستاردى پايدالانۋدى وڭتايلاندىرۋ جانە تابيعات قورعاۋ قىزمەتىنىڭ ءتيىمدىلىگىن ارتتىرۋ, سونداي-اق «جاسىل» ينفراقۇرىلىمدى قۇرۋ بولادى;2020-2030 جج. – قالىپتاسقان «جاسىل» ينفراقۇرىلىم بازاسىندا سۋدى ۇقىپتى پايدالانۋعا, جاڭارتىلاتىن ەنەرگەتيكا تەحنولوگيالارىن دامىتۋدى كوتەرمەلەپ, ىنتالاندىرۋعا جانە ونى كەڭىنەن پايدالانۋعا, سونداي-اق قۇرىلىستاردى ەنەرگيا تيىمدىلىگىنىڭ جوعارى ستاندارتتارىنىڭ بازاسىندا سالۋعا باعدارلانعان ۇلتتىق ەكونوميكانى جاڭارتۋ باستالادى;2030-2050 جج. – ۇلتتىق ەكونوميكانىڭ تابيعي رەسۋرستاردىڭ جاڭارتىلۋى مەن ورنىقتىلىعى قاعيداتتارىندا پايدالانۋدى تالاپ ەتەتىن «ءۇشىنشى ونەركاسىپتىك توڭكەرىس» دەپ اتالاتىن قاعيداتتارعا كوشۋى.سۋ رەسۋرستارىن ورنىقتى پايدالانۋ, ورنىقتى جانە ونىمدىلىگى جوعارى اۋىل شارۋاشىلىعىن دامىتۋ, ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ, ەلەكتر ەنەرگەتيكاسىن دامىتۋ, قالدىقتاردى باسقارۋ جۇيەسى, اۋانىڭ لاستانۋىن ازايتۋ جانە ەكوجۇيەلەردى ساقتاپ قالۋ جانە ءتيىمدى باسقارۋ باعىتتارى بويىنشا «جاسىل ەكونوميكاعا» كوشۋ جونىندەگى ءىس-شارالار تۇجىرىمداماعا سايكەس جۇزەگە اسىرىلاتىن بولادى.«جاسىل ەكونوميكاعا» كوشۋدى ىسكە اسىرۋ ماسەلەلەرى «جاسىل ەكونوميكاعا» كوشۋ ماسەلەلەرى جونىندەگى قازاقستان رەسپۋبليكاسىنىڭ زاڭنامالىق اكتىلەرىمەن رەتتەلەتىن بولادى.ەكونوميكا سەكتورلارى بويىنشا تۇجىرىمدامانىڭ ناقتى مىندەتتەرىن ىسكە اسىرۋدىڭ قۇرالدارى اۋا ساپاسىن جاقسارتۋ, ءوندىرىس جانە تۇتىنۋ قالدىقتارىن باسقارۋ, قۇرعاقشىلىققا, جەردىڭ توزۋىنا قارسى كۇرەس جانە توپىراقتىڭ قۇنارلىلىعىن ارتتىرۋ, بالىق شارۋاشىلىعىن, اكۆاداقىلداردى دامىتۋ مەن بالىق رەسۋرستارىن مولىقتىرۋ سياقتى ماسەلەلەرگە جاڭا ەكپىن تۇسىرىلەتىن جانە تۇزەتىلەتىن «اگروبيزنەس-2020» قازاقستان رەسپۋبليكاسىندا اگورونەركاسىپتىك كەشەندى دامىتۋ جونىندەگى 2013-2020 جىلدارعا ارنالعان باعدارلاماسى, قازاقستان رەسپۋبليكاسىن ۇدەمەلى يندۋستريالىق-يننوۆاتسيالىق دامىتۋ جونىندەگى 2010-2014 جىلدارعا ارنالعان مەملەكەتتىك باعدارلاماسى, قازاقستان رەسپۋبليكاسىندا ءبىلىم بەرۋدى دامىتۋدىڭ 2011-2020 جىلدارعا ارنالعان مەملەكەتتىك باعدارلاماسى, اۋماقتاردى دامىتۋ باعدارلامالارى, مەملەكەتتىك ورگانداردىڭ ستراتەگيالىق جوسپارلارى, 2010-2014 جىلدارعا ارنالعان «جاسىل دامۋ» سالالىق باعدارلاماسى مەن باسقا دا سالالىق باعدارلامالار سياقتى, تۇجىرىمدامانىڭ نەگىزگى باعىتتارىن ەنگىزۋ بولىگىندە وزگەرىستەر مەن تولىقتىرۋلار ەنگىزۋ ەسكەرىلەتىن قولدانىستاعى باعدارلامالىق قۇجاتتار بولىپ تابىلادى.سونىمەن قاتار, سۋ رەسۋرستارىن باسقارۋ جونىندەگى 2014-2040 جىلدارعا ارنالعان مەملەكەتتىك باعدارلاما ازىرلەۋ جوسپارلانىپ وتىر.ەسەپتەۋ بويىنشا 2050 جىلعا قاراي «جاسىل ەكونوميكا» شەڭبەرىندەگى جاڭارتۋلار جالپى ىشكى ءونىمدى 3 پايىزعا قوسىمشا ۇلعايتىپ, 500 مىڭنان استام جاڭا جۇمىس ورىندارىن قۇرۋعا, ونەركاسىپ پەن قىزمەت كورسەتۋلەردىڭ جاڭا سالالارىن قالىپتاستىرۋعا, حالىق ءۇشىن ساپالى ءومىر ءسۇرۋ ستاندارتتارىن قامتاماسىز ەتۋگە مۇمكىندىك بەرەدى.
قازاقستان رەسپۋبليكاسى پرەزيدەنتى اكىمشىلىگىنىڭ الەۋمەتتىك-ەكونوميكالىق مونيتورينگ ءبولىمى.
ىلمەكتەر:جارلىق, جوسپار, تۇجىرىمداما