27 قازاندا «Hilton Garden INN Astana» قوناق ۇيىندە «تكش-نى تسيفرلاندىرۋ: ساپا مەن ايقىندىلىق» اتتى ءىس-شارا وتەدى.ونى «زەردە» ۇلتتىق اقپاراتتىق كوممۋنيكاتسيالىق حولدينگى اق-نىڭ قولداۋىمەن ينۆەستيتسيا جانە دامۋ مينيسترلىگى «تۇرعىن ءۇي-كوممۋنالدىق شارۋاشىلىعىن جاڭعىرتۋ مەن دامىتۋدىڭ قازاقستاندىق ورتالىعى» اق-مەن بىرلەسىپ ۇيىمداستىرادى.
ءىس-شارانىڭ ماقساتى – تۇرعىن ءۇي-كوممۋنالدىق سالاسىن تسيفرلاندىرۋعا اتسالىساتىن بارلىق قاتىسۋشىلار اراسىندا اشىق ديالوگ جۇرگىزۋ, تكش-نى تسيفرلاندىرۋدىڭ جاڭا تاسىلدەرىن ۇسىنۋ جانە بىرىڭعاي ءتاسىلدى ازىرلەۋ, سونداي-اق, مەملەكەتتىك ورگاندار, جەرگىلىكتى اتقارۋشى ورگاندار مەن وتاندىق IT-ازىرلەۋشىلەر اراسىندا ديالوگ ورناتۋ. حالىقارالىق دەڭگەيدە ۇيىمداستىرىلىپ جاتقان بۇل جيىندى وتكەرەتىن ورىن رەتىندە الماتىنى تاڭداپ الۋ بەكەر ەمەس.
تۇرعىن ءۇي-كوممۋنالدىق شارۋاشىلىعىن تسيفرلاندىرۋ ماسەلەسىندە نە ىستەيمىز, نە قويامىز دەگەن باعىتتاعى اشىق اڭگىمە قاشان دا كەرەك.
بۇل سالانى تسيفرلاندىرۋدا قازىرگى ۇلكەن شارۋا — سۋعا, جىلۋعا, كارىز جۇيەسىنە, ەلەكتر قۋاتىنا ەسەپتەگىش قۇرالدارىن ورناتۋ بولىپ وتىر. ەسەپتەگىش قۇرالدار دەگەندە, ارينە, ونداي ولشەۋىش قۇرالدار بۇرىن دا بار ەكەنى بەلگىلى. بىراق ۋاقىت ءوز ىقپالىن جۇرگىزۋدە. قازىرگى ترەند جاڭا تەحنولوگيالار, روبوتتاندىرۋ مەن اۆتوماتتاندىرۋ ەڭبەك رەسۋرستارىنا جانە ادام كاپيتالىنىڭ ساپاسىنا قاتىستى تالاپتاردى كۇردەلەندىرگە باسىمدىق بەرەدى. . بۇعان دەيىنگى ولشەۋىش قۇرالدارى بۇگىنگى زامان دامۋىنىڭ دەڭگەيىنە جاۋاپ بەرە الماي جاتىر. سوندىقتان قازىرگى ۋاقىت تالابى — تۇرعىن ءۇي-كوممۋنالدىق شارۋاشىلىعىنا «اقىلدى» ەسەپتەگىش قۇرالدار ورناتۋمەن بايلانىستى.
مامانداردىڭ ايتۋىنشا, وسىدان ءبىر جىل بۇرىن تسيفرلاندىرۋ باعدارلاماسى قابىلدانعاننان بەرى ونىڭ العاشقى قادامدارى قىزىلوردا سياقتى ەسپەريمەنتتىك وبلىس بولىپ بەكىتىلگەن وڭىرلەردە جاسالعان. ينۆەستورلار ىزدەستىرىلىپ, تۇرعىن ۇيلەردىڭ جەرتولەلەرىنە الگى «اقىلدى» ەسەپتەگىش قۇرالدار ورناتىلعان. ماماندار ونىڭ تيىمدىلىگىن تۇرعىندارعا كورسەتكەن.
تسيفرلاندىرۋ دەڭگەيى بويىنشا الماتى ءۇشىن ەڭ باستى باسەكەلەس - ماسكەۋ.. كەيبىر كورسەتكىشتەر بويىنشا الماتى ءى 10 ميلليوننان استام حالقى بار مەگاپوليستەرمەن تەحنيكالىق تۇردە سالىستىرا المايدى. بىراق الماتىدا قالا حالقىنىڭ تۇرمىسىن وڭتايلاندىرىپ, ساپالى قىزمەتتەر اياسىن كەڭەيتۋگە بارىنشا جاعداي جاسالىپ جاتىر. تسيفرلاندىرۋ كۇنىنىڭ اياسىندا تكش سالاسىنداعى ەڭ وزەكتى ماسەلەلەردى جانە ولاردى جاڭا تسيفرلىق تەحنولوگيالاردى قولدانۋ ارقىلى شەشۋ جولدارىن قاراستىراتىن دوڭگەلەك ۇستەل وتىرىسى ۇيىمداستىرىلادى.تۇرعىن ءۇي-كوممۋنالدىق شارۋاشىلىعىن تسيفرلاندىرۋ بويىنشا ءوز تاجىريبەسىمەن بولىسەتىن شەت ەلدەردىڭ ساراپشىلارى قاتىسادى, دەپ كۇتىلۋدە.
مۇنىمەن قوسا, تكش سالاسىندا قازاقستاندىق IT-شەشىمدەردىڭ كورمەسىن وتكىزۋ جوسپارلانىپ وتىر. ءىس-شاراعا قازاقستان رەسپۋبليكاسى مەملەكەتتىك ورگاندارىنىڭ باسشىلارى, وبلىستاردىڭ, استانا, الماتى, شىمكەنت قالالارى اكىمدىكتەرىنىڭ, تابيعي مونوپوليالاردىڭ سۋبەكتىلەرى, «ازاماتتارعا ارنالعان ۇكىمەت» اق, ءىت-ازىرلەۋشىلەر مەن ۇلتتىق كاسىپكەرلەر پالاتاسى جانىنداعى IT كەڭەستىڭ باسشىلارى قاتىسادى.