«الماتى اكىمىنىڭ ورىنباسارى ەرجان باباقۇماروۆتىڭ توراعالىق ەتۋىمەن كەلەر جىلى ابايدىڭ 175 جىلدىعىنا, ءابۋ ناسىر ءال-ءفارابيدىڭ 1150 جىلدىعىنا جانە التىن وردانىڭ 7 جىلدىعىنا ارنالعان شارالاردى دايىنداۋ جانە وتكىزۋ بويىنشا كەڭەس ءوتتى. كەڭەسكە عالىم-تاريحشىلار مەن فيلوسوفتار, ونەر, كينو, تەاتر قايراتكەرلەرى, مادەنيەت سالاسىنىڭ وكىلدەرى, ۆەدومستۆولىق باعىنىشتى ۇيىمداردىڭ باسشىلارى قاتىستى» دەپ حابارلايدى الماتى قالاسى اكىمدىگىنىڭ ءباسپاسوز قىزمەتى.
2020 جىلى ەل اۋقىمىندا اباي قۇنانباەۆتىڭ 175 جىلدىعى, ءابۋ ناسىر ءال-ءفارابيدىڭ 1150 جىلدىعى اتالادى, سونىمەن قاتار التىن وردانىڭ 750 جىلدىعىن مەرەكەلەۋ بويىنشا بىرقاتار شارالار وتەدى.
تاۋەلسىزدىك العان 30 جىل ىشىندە التىن وردا تاقىرىبىندا 4-اق عالىم قورعاپتى. سوۆەت وكىمەتى تۇسىندا بۇل تاقىرىپتى دەندەپ زەرتتەگەن بەكماحانوۆتار قۋدالاندى. قانىش ساتباەۆتارتىڭ دا وسى تاقىرىپ ءۇشىن قۋدالاۋعا ۇشىراعانى از ورتاعا عانا بەلگىلى. ءبىزدىڭ جوعارى وقۋ ورىندارى جىل سايىن جۇزدەگەن تاريحشى مەن شىعىستانۋشى شىعارادى, الايدا ولاردىڭ ەشقايسىسى جوشى ۇلىسىنا قاتىستى تاقىرىپتاردى تەرەڭ زەرتتەۋگە بارعان ەمەس. سەبەبى تاقىرىپتار قول جەتىمدى ەمەس. التىن وردا اۋىلى قازاق تاريحىنان الىس تۇرادى دەگەن وي وسى كۇنگە دەيىن باسىم بولىپ كەلدى.
سول سەبەپتى «التىن وردانىڭ مەرەيتويىن تويلاۋ قازاق ءۇشىن ماڭىزدى ما؟» دەگەن سۇراقتار ءجيى بولماسا دا ايتىلىپ قالادى. ەگەر قۇجاتتىق دالەل سۇراساڭىز, مىنەكەيىڭىز: «قازاقتار وزدەرىن التىن وردا تاتارلارىنىڭ ۇرپاقتارىمىز دەپ سانايدى» دەپ شوقان ءۋاليحانوۆ ەستەلىكتەرىندە جازىپتى. دەمەك, التىن وردانىڭ زاڭدى مۇراگەرىمىز دەگەن ۇعىم بۇگىن پايدا بولعان جوق. بۇل ۇعىم, شوقاننىڭ تۇسىندا-اق اتالارىمىزعا بەلگىلى بولعان.
ايتا كەتەرلىگى, بۇل مەرەيتويلىق شارالاردىڭ بارلىعى يۋنەسكو-نىڭ قولداۋىمەن حالىقارالىق دەڭگەيدە ۇلىقتالاتىن بولادى.
«الماتى ەلىمىزدىڭ مادەني ورتالىعى رەتىندە جالپى رەسپۋبليكالىق شارالاردى وتكىزۋدىڭ نەگىزگى وشاعى بولۋى ءتيىس», - دەدى ە. باباقۇماروۆ.
حالىقارالىق كونفەرەنتسيالار, كورمەلەر مەن «دوڭگەلەك ۇستەلدەر» وتكىزۋ بويىنشا وسىناۋ مەرەيتويلىق كۇندەردى مەرەكەلەۋدىڭ جالپى قالالىق شارالارى جوسپارلارىنىڭ جوبالارى ازىرلەندى.
جيىن بارىسىندا ءار جوسپار بويىنشا ۇسىنىستار مەن تولىقتىرۋلار ەنگىزىلدى.
«بەلگىلەنگەن تاريحي كۇندەردى مەرەكەلەۋ – حالىقتىڭ تاريحي سانا-سەزىمىن تەرەڭدەتۋگە جانە جاھاندىق فورماتتا ەلىمىزدىڭ رۋحاني مادەنيەتىن جان-جاقتى العا جىلجىتۋعا باعىتتالعان تاۋەلسىز قازاقستاننىڭ جاڭاشا تاريحىنداعى ماڭىزدى وقيعالار», دەپ اتاپ ءوتتى الماتى اكىمىنىڭ ورىنباسارى.
كەڭەستىڭ قورىتىندىسى بويىنشا مادەنيەت باسقارماسىنا بارلىق ۇسىنىستاردى قاراپ شىعۋ جانە مەرەيتويلىق كۇندەردى مەرەكەلەۋ جونىندەگى تۇپكى جوسپارعا ەنگىزۋ تاپسىرىلدى.