سەنبى, 2 اقپان 2013 6:28
2012 جىلعى 4 جەلتوقسان استانا, ۇكىمەت ءۇيى
ماگيسترالدىق مۇناي قۇبىرلارىن پايدالانۋ قاعيدالارىن بەكىتۋ تۋرالى
«ماگيسترالدىق قۇبىر تۋرالى» 2012 جىلعى 22 ماۋسىمداعى قازاقستان رەسپۋبليكاسىنىڭ زاڭى 5-بابىنىڭ 4) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان ماگيسترالدىق مۇناي قۇبىرلارىن پايدالانۋ قاعيدالارى بەكىتىلسىن.
2. وسى قاۋلى العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
سەنبى, 2 اقپان 2013 6:28
2012 جىلعى 4 جەلتوقسان استانا, ۇكىمەت ءۇيى
ماگيسترالدىق مۇناي قۇبىرلارىن پايدالانۋ قاعيدالارىن بەكىتۋ تۋرالى
«ماگيسترالدىق قۇبىر تۋرالى» 2012 جىلعى 22 ماۋسىمداعى قازاقستان رەسپۋبليكاسىنىڭ زاڭى 5-بابىنىڭ 4) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان ماگيسترالدىق مۇناي قۇبىرلارىن پايدالانۋ قاعيدالارى بەكىتىلسىن.
2. وسى قاۋلى العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى س. احمەتوۆ.
قازاقستان رەسپۋبليكاسى ۇكىمەتىنىڭ 2012 جىلعى 4 جەلتوقسانداعى № 1542 قاۋلىسىمەن بەكىتىلگەن
ماگيسترالدىق مۇناي قۇبىرلارىن پايدالانۋ قاعيدالارى
1. جالپى ەرەجەلەر
1. وسى ماگيسترالدىق مۇناي قۇبىرلارىن پايدالانۋ قاعيدالارى «ماگيسترالدىق قۇبىر تۋرالى» 2012 جىلعى 22 ماۋسىمداعى قازاقستان رەسپۋبليكاسىنىڭ زاڭىنا سايكەس ازىرلەنگەن جانە قولدانىستاعى, كونسەرۆاتسياداعى جانە جويىلاتىن ماگيسترالدىق مۇناي قۇبىرلارىنىڭ جانە ولاردىڭ وبەكتىلەرىنىڭ مەنشىك يەلەرىنە, سونداي-اق تاراتىلاتىن ماگيسترالدىق مۇناي قۇبىرلارىنىڭ وبەكتىلەرىندە جۇمىستاردى جۇزەگە اسىراتىن مەنشىك يەسى بولىپ تابىلمايتىن وپەراتورلارعا, جەكە جانە زاڭدى تۇلعالارعا ماگيسترالدىق مۇناي قۇبىرلارىن پايدالانۋ ءتارتىبىن بەلگىلەيدى.
2. وسى قاعيدالاردا مىناداي نەگىزگى ۇعىمدار پايدالانىلادى:
1)اۆاريا– عيماراتتاردىڭ, قۇرىلىستاردىڭ جانە (نەمەسە) قاۋىپتى وندىرىستىك وبەكتىدە قولدانىلاتىن تەحنيكالىق قۇرىلعىلاردىڭ بۇزىلۋى, باقىلانبايتىن جارىلىس جانە (نەمەسە) قاۋىپتى زاتاردىڭ شىعارىندىلارى;
2)اۆتوماتتاندىرىلعان جۇيە –پەرسونالدان جانە ونىڭ قىزمەتىن اۆتوماتتاندىرۋ قۇرالدارى كەشەنىنەن تۇراتىن, بەلگىلەنگەن باقىلاۋ جانە باسقارۋ فۋنكتسيالارىن ورىنداۋدىڭ اقپاراتتىق تەحنولوگياسىن ىسكە اسىراتىن جۇيە;
3)اعىمداعى جوندەۋ (جابدىق) – اۋىستىرۋعا جانە (نەمەسە) جەكە بولىكتەردى قالپىنا كەلتىرۋگە ارنالعان جابدىق پەن قۇرىلىستاردىڭ جۇمىسقا قابىلەتتىلىگىن قامتاماسىز ەتۋ نەمەسە قالپىنا كەلتىرۋ ءۇشىن ورىندالاتىن جوندەۋ جۇمىستارى;
4)بولىمشە –مۇناي قۇبىرى باسقارماسى; ورتالىق وندىرىستىك قىزمەت كورسەتۋ بازاسى; باس مۇناي ايداۋ ستانتسياسى; مۇناي ايداۋ ستانتسياسى; اۆاريالىق قالپىنا كەلتىرۋ تىرەك پۋنكتى; اۆاريالىق قالپىنا كەلتىرۋ پۋنكتى; رەتتەۋ زەرتحاناسى مەن مۇنايدى تاسىمالداۋ جانە ماگيسترالدىق مۇناي قۇبىرلاردى قاۋىپسىز پايدالانۋ ءۇشىن قاجەت باسقا قىزمەتتەر;
5)ديسپەتچەرلىك بايلانىس (ارنا) –مۇناي تاسىمالداۋدى ۇيىمداستىرۋشى جەدەل-تەحنيكالىق پەرسونالعا ۇسىنىلاتىن تاڭداۋلى جانە توپتىق قاتتى داۋىستى بايلانىس;
6) جەدەل-ديسپەتچەرلىك باسقارۋ – مۇنايدى تاسىمالداۋ ءۇشىن ماگيسترالدىق قۇبىردى پايدالانۋدىڭ تەحنولوگيالىق رەجيمدەرىن ورتالىقتاندىرىلعان باسقارۋ;
7) جوندەۋ – ماگيسترالدىق مۇناي قۇبىردىڭ جەلىلىك بولىگىنىڭ جانە (نەمەسە) ونىڭ وبەكتىلەرىنىڭ تولىق نەمەسە ءىشىنارا پايدالانۋ رەسۋرسىنىڭ جارامدىلىعىن نەمەسە جۇمىسقا قابىلەتتىلىگىن قالپىنا كەلتىرۋ جونىندەگى ءىس-شارالار (وپەراتسيالار) كەشەنى;
8)جوندەۋ (جابدىقتى) – ماگيسترالدىق مۇناي قۇبىرى جابدىعى مەن قۇرىلىستارىنىڭ ىسكە جارامدىلىعىن, جۇمىسقا قابىلەتتىلىگىن, رەسۋرسىن قالپىنا كەلتىرۋ بويىنشا وپەراتسيالار كەشەنى;
9)كۇردەلى جوندەۋ (جابدىقتى) –جابدىق پەن قۇرىلىستار رەسۋرسىنىڭ بازالىقتى قوسا العاندا, ونىڭ كەز كەلگەن بولىگىن اۋىستىرا نەمەسە قالپىنا كەلتىرە وتىرىپ, ىسكە جارامدىلىعىن قالپىنا كەلتىرۋ ءۇشىن نەمەسەتولىق نە تولىققا جاقىن قالپىنا كەلتىرۋ ءۇشىن ورىندالاتىن جوندەۋ جۇمىستارى;
10)قۇبىرىشىلىك دياگنوستيكا –قۇبىرىشىلىك دياگنوستيكالىق سناريادتاردى قولدانا وتىرىپ, مۇناي قۇبىرىنىڭ اقاۋلارى تۋرالى اقپارات الۋدى قامتاماسىز ەتەتىن جۇمىستار كەشەنى;
11)قۇبىرىشىلىك دياگنوستيكالىق سنارياد (دەفەكتوسكوپ) – مۇنايقۇبىرىنىڭ قابىرعالارى مەن ءپىسىرۋ جىكتەرىنىڭ اقاۋلارى تۋرالى دەرەكتەردى باقىلاۋ جانە تىركەۋ قۇرالدارىمەن جاراقتالعان, قۇبىر ىشىمەن ايدالاتىن مۇناي اعىنىمەن جىلجىپ وتىراتىن قۇرىلعى;
12)وپەراتور – مۇنايدى ماگيسترالدىق مۇناي قۇبىرمەن تاسىمالداۋدى جانە (نەمەسە) ونى پايدالانۋدى جۇزەگە اسىراتىن ماگيسترالدىق مۇناي قۇبىردىڭ مەنشىك يەسى نەمەسە ماگيسترالدىق مۇناي قۇبىرعا وزگە دە زاڭدى نەگىزدە يەلىك ەتەتىن زاڭدى تۇلعا نە ولار ۋاكىلەتتىك بەرگەن, وپەراتورلىق قىزمەتتەر كورسەتەتىن ۇيىم;
13)وندىرىستىك-تەحنولوگيالىق بايلانىس–ماگيسترالدىق مۇناي قۇبىرلارىن پايدالانۋ كەزىندە ءوندىرىس ىشىلىك قىزمەتتى جانە تەحنولوگيالىق پروتسەستەردى باسقارۋعا ارنالعان, ۆەدومستۆولىق بايلانىس جەلىسى بويىنشا ۇسىنىلاتىن بايلانىس;
14)رەزەرۆۋار پاركى – مۇنايدى قابىلداۋ, ساقتاۋ جانە ايداۋدىڭ تەحنولوگيالىق وپەراتسيالارىن ورىنداۋعا ارنالعان ءوزارا بايلانىسقان رەزەرۆۋارلار كەشەنى;
15)ماگيسترالدىق مۇناي قۇبىرى – مۇنايدى قاۋىپسىز تاسىمالداۋدى قامتاماسىز ەتەتىن جەلىلىك بولىكتەن جانە وبەكتىلەردەن تۇراتىن, تەحنيكالىق رەگلامەنتتەر مەن ۇلتتىق ستاندارتتار تالاپتارىنا سايكەس كەلەتىن بىرىڭعاي وندىرىستىك-تەحنولوگيالىق كەشەنى;
16) ماگيسترالدىق مۇناي قۇبىرىنىڭ جەلىلىك بولىگى – مۇنايدى تىكەلەي تاسىمالداۋدى جۇزەگە اسىرىلاتىن جەراستى, سۋاستى, جەربەتى, جەرۇستى مۇناي قۇبىرلارى;
17) ماگيسترالدىق مۇناي قۇبىرىن جويۋ – ماگيسترالدىق مۇناي قۇبىرىن بولشەكتەۋ جانە (نەمەسە) قايتا بەيىندەۋ جانە قورشاعان ورتانى ادامنىڭ ءومىرى مەن دەنساۋلىعى ءۇشىن قاۋىپسىز جانە ودان ءارى پايدالانۋ ءۇشىن جارامدى كۇيگە كەلتىرۋ جونىندەگى ءىس-شارالار كەشەنى;
18) ماگيسترالدىق مۇناي قۇبىردى كونسەرۆاتسيالاۋ – ماگيسترالدىق مۇناي قۇبىردى پايدالانۋدان شىعارۋ كەزىندە ونىڭ جارامدى تەحنيكالىق كۇيدە ساقتالۋىن قامتاماسىز ەتۋ جونىندەگى ءىس-شارالار كەشەنى;
19)ماگيسترالدىق مۇناي قۇبىرىنىڭ مۇناي ايداۋ ستانتسياسى – مۇنايدى ماگيسترالدىق مۇناي قۇبىرى ارقىلى قابىلداۋعا جانە ايداۋعا ارنالعان قۇرىلىستار مەن قۇرىلعىلار كەشەنى;
20)ماگيسترالدىق مۇناي قۇبىرىن جىلىتۋ پۋنكتى – ماگيسترالدىق مۇناي قۇبىر ارقىلى ايدالاتىن مۇنايدى جىلىتۋدى قامتاماسىز ەتەتىن قۇرىلىستار مەن جابدىقتار كەشەنى;
21)ماگيسترالدىق مۇناي قۇبىرىنىڭ وبەكتىسى –ونىڭ قاۋىپسىز جانە سەنىمدى پايدالانۋىن قامتاماسىز ەتەتىن مۇناي قۇبىرلاردى, عيماراتتاردى, نەگىزگى جانە قوسالقى جابدىقتى, قوندىرعىلار مەن باسقا دا قۇرىلعىلارىن قامتيتىن تەحنولوگيالىق كەشەنى (ماگيسترالدىق مۇناي قۇبىرىنىڭ بولىگى);
22)ماگيسترالدىق مۇناي قۇبىرىن پايدالانۋ – ماگيسترالدىق مۇناي قۇبىرلارى وبەكتىلەرىنىڭ ءۇزىلىسسىز, ءتيىستى جانە ءتيىمدى جۇمىس ىستەۋى ءۇشىن قاجەتتى, ونىڭ ىشىندە تەحنيكالىق قىزمەت كورسەتۋدى, جوندەۋدى, تەحنيكالىق دياگنوستيكالاۋدى قىزمەت جانە جەدەل-ديسپەتچەرلىك باسقارۋدى قوسا العانداعى قىزمەت;
23)ماگيسترالدىق مۇناي قۇبىرلارىنىڭ سەنىمدىلىگى –ماگيسترالدىق مۇناي قۇبىرلارىنىڭ بەرىلگەن رەجيمدەرگە جانە پايدالانۋ, تەحنيكالىق قىزمەت كورسەتۋ, جوندەۋ, ساقتاۋ مەن تاسىمالداۋ شارتتارىنا سايكەس كەلەتىن بەرىلگەن شەكتەردە بەلگىلەنگەن پايدالانۋ كورسەتكىشتەرىنىڭ ۋاقىت ءمانىسىن ساقتاي وتىرىپ بەرىلگەن فۋنكتسيالاردى ورىنداۋ قاسيەتى;
24)تەحنيكالىق دياگنوستيكا –وبەكتىنىڭ تەحنيكالىق جاي-كۇيىن انىقتاۋدىڭ تەورياسىن, ادىستەرى مەن قۇرالدارىن قامتيتىن ءبىلىم سالاسى;
25)تەحنيكالىق دياگنوستيكالاۋ – ماگيسترالدىق مۇناي قۇبىردىڭ تەحنيكالىق جاي-كۇيىن ايقىنداۋعا ارنالعان جۇمىستار مەن ۇيىمداستىرۋ-تەحنيكالىق ءىس-شارالار كەشەنى;
26)تەحنيكالىق جاي-كۇيى – جابدىق پەن قۇرىلىستىڭ سىرتقى ورتانىڭ بەلگىلى جاعدايىندا بەلگىلى ۋاقىتتا وبەكتىنىڭ تەحنيكالىق قۇجاتتاماسىندا بەلگىلەنگەن پارامەترلەر مانىسىمەن سيپاتتالاتىن جاي-كۇيى;
27)تەحنيكالىق جاي-كۇيىن باقىلاۋ –جابدىق پەن قۇرىلىس پارامەترلەرى ءمانىسىنىڭ تەحنيكالىق قۇجاتتاما تالاپتارىنا سايكەستىگىن تەكسەرۋ جانە وسى نەگىزدە ۋاقىتتىڭ وسى ساتىندە بەرىلگەن تەحنيكالىق جاي-كۇيىنىڭ تۇرلەرىنىڭ ءبىرىن (تەحنيكالىق جاي-كۇي تۇرلەرى: ىسكە جارامدى, جارامسىز, جۇمىسقا قابىلەتى بار, جۇمىسقا قابىلەتسىز) انىقتاۋ;
28)تەحنيكالىق جاي-كۇيى بويىنشا جوندەۋ (جابدىقتاردى) – تەحنيكالىق جاي-كۇيى مەرزىمدى تۇردە جانە نورماتيۆتىك قۇجاتتامادا بەلگىلەنگەن كولەمدە باقىلاناتىن, ال جۇمىستاردىڭ كولەمى مەن جوندەۋدى باستاۋ جابدىق پەن قۇرىلىستاردىڭ تەحنيكالىق جاي-كۇيىمەن انىقتالاتىن جوندەۋ;
29)تەحنيكالىق قىزمەت كورسەتۋ – ماگيسترالدىق مۇناي قۇبىرىنىڭ تەحنيكالىق جاي-كۇيىن باقىلاۋ, تازالاۋ, مايلاۋ, رەتتەۋ جانە ماگيسترالدىق مۇناي قۇبىرى وبەكتىلەرىنىڭ جۇمىسقا قابىلەتتىلىگى مەن جارامدىلىعىن قولداۋ بويىنشا باسقا وپەراتسيالار;
30)تەحنولوگيالىق پروتسەستى باقىلاۋ – تەحنولوگيالىق پروتسەسس سيپاتتامالارىنىڭ, رەجيمدەرى مەن باسقا دا كورسەتكىشتەرىنىڭ بەلگىلەنگەن تالاپتارعا (نورماتيۆتەرگە)سايكەستىگىن تەكسەرۋ.
2. ماگيسترالدىق مۇناي قۇبىرلارىن پايدالانۋ ءتارتىبى
1. ماگيسترالدىق مۇناي قۇبىرلارىنا تەحنيكالىق قىزمەت كورسەتۋ, جوندەۋ جانە دياگنوستيكالاۋ
3. ماگيسترالدىق مۇناي قۇبىرلارىن پايدالانۋ بويىنشا جۇمىستى ۇيىمداستىرۋدى ونىڭ مەنشىك يەسى جۇزەگە اسىرادى.
4. ماگيسترالدىق مۇناي قۇبىرلارى بەلگىلەنگەن تارتىپتە جوبالىق قۇجاتتامادا كوزدەلگەن بارلىق قۇرىلىستاردى جانە وزگە دە وبەكتىلەردى قابىلداپ العانعا دەيىن ماگيسترالدىق مۇناي قۇبىرلارىن پايدالانۋعا جول بەرىلمەيدى.
5. مۇناي تاسىمالداۋدى جانە ماگيسترالدىق مۇناي قۇبىرلارىن قاۋىپسىز پايدالانۋدى قامتاماسىز ەتۋ ءۇشىن مىنا وندىرىستىك بولىمشەلەر قۇرىلادى: مۇناي قۇبىرى باسقارماسى, جەلىلىك وندىرىستىك-ديسپەتچەرلىك ستانتسيالار, مۇناي ايداۋ ستانتسيالارى, اۆاريالىق قالپىنا كەلتىرۋ تىرەك پۋنكتەرى, تالدامالىق زەرتحانالار جانە باسقا دا قىزمەتتەر, ولاردىڭ مىندەتتەرىنە مىنالار جاتادى:
1) قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن جاسالاتىن مۇناي تاسىمالداۋ بويىنشا قىزمەتتەردى ۇسىنۋ جونىندەگى شارتتاردىڭ نەگىزىندە ماگيسترالدىق مۇناي قۇبىرلارى بويىنشا مۇنايدى قابىلداۋ جانە ونى تاسىمالداۋ;
2) ماگيسترالدىق قۇبىرعا قابىلدانعان جانە سوڭعى تاسىمالداۋ پۋنكتىنە تاپسىرىلاتىن مۇناي پارتياسىنىڭ سانىن ەسەپكە الۋ جانە ساپاسىن تەكسەرۋ;
3) مەرزىمدى دياگنوستيكالىق زەرتتەۋلەر جۇرگىزۋ جانە ماگيسترالدىق مۇناي قۇبىرلارىنىڭ قۇرىلىستارى مەن تەحنولوگيالىق جابدىعىنا تەحنيكالىق قىزمەت كورسەتۋ جانە جوندەۋ جۇيەسىن ۇيىمداستىرۋ ارقىلى ماگيسترالدىق مۇناي قۇبىرلارى مەن ونىڭ وبەكتىلەرىنىڭ سەنىمدى جانە قاۋىپسىز پايدالانۋىن قامتاماسىز ەتۋ;
4) اۆاريالىق جاعدايلاردىڭ الدىن الۋ, بولۋى مۇمكىن اۆاريالار مەن ونىڭ سالدارىن جويۋ;
5) ماگيسترالدىق مۇناي قۇبىرلارىن نەمەسە ونىڭ وبەكتىلەرىن تىزىمنەن شىعارۋ كەزىندە جويۋ.
6. ماگيسترالدىق مۇناي قۇبىرلارىنىڭ نەمەسە ونىڭ وبەكتىلەرىنە تەحنيكالىق قىزمەت كورسەتۋدى جانە جوندەۋدى ۇيىمداستىرۋ جۇيەسى ورتالىقتاندىرىلعان, وبەكتى بويىنشا, ارالاس بولۋى مۇمكىن.
7. ماگيسترالدىق مۇناي قۇبىرلارىنىڭ قۇرىلىسىنا ارنالعان جوبالىق جانە اتقارۋ قۇجاتتارى, سىناق اكتىلەرى, تەحنيكالىق قىزمەت كورسەتۋگە ارنالعان جۇمىس قۇجاتتاماسى, سونداي-اق اۆاريالار مەن وقيعالاردى تەكسەرۋ ماتەريالدارى ماگيسترالدىق مۇناي قۇبىرلارىنىڭ مەنشىك يەلەرىندە ونى جالپى پايدالانۋ مەرزىمى بارىسىندا ساقتالۋعا ءتيىس.
8. ماگيسترالدىق مۇناي قۇبىرلارىنى نەمەسە ونىڭ وبەكتىلەرىن پايدالانۋعا جاتاتىن نورماتيۆتىك-تەحنيكالىق جانە نورماتيۆتىك قۇجاتتاما تىكەلەي وندىرىستىك بولىمشەلەردە ساقتالۋى قاجەت.
9. مۇناي ايداۋ ستانتسيالارى ماگيسترالدىق مۇناي قۇبىرلارىنىڭ جەلىلىك بولىگىنە, قۇيۋ پۋنكتتەرىنە, مۇنايدى جىلىتۋ پۋنكتتەرىنە, وبەكتى ىشىندەگى قۇرىلىستارعا (رەزەرۆۋارلار, قىسىمدى سىيىمدىلىقتار, قازاندار جانە ت.ب.) جۇرگىزىلەتىن ماگيسترالدىق مۇناي قۇبىرلارىنىڭ پايدالانىلاتىن وبەكتىلەرى مەن قۇرىلىستارىنا تەحنيكالىق پاسپورتتار تولتىرىلادى. ماگيسترالدىق مۇناي قۇبىرلارى وبەكتىلەرىنىڭ جابدىعى مەن قۇرىلىستارىنىڭ تەحنيكالىق پاسپورتتارى, جوبالىق جانە اتقارۋشى قۇجاتتارىن ساقتاۋ ورنى, پايدالانۋ ءتارتىبىن ۇلتتىق وپەراتور نەمەسە زاڭدى تۇلعا – ماگيسترالدىق مۇناي قۇبىرىنىڭ مەنشىك يەسى (وپەراتورى) بەلگىلەيدى.
10. ماگيسترالدىق مۇناي قۇبىرلارىن ۇزدىكسىز جانە قاۋىپسىز پايدالانۋ ماقساتىندا مەنشىك يەسى, وپەراتور مەنشىك يەسى ەمەس بولىپ تابىلاتىن, سونداي-اق ماگيسترالدىق مۇناي قۇبىرلارى وبەكتىلەرىندە جۇمىسىن جۇزەگە اسىرۋشى جەكە جانە زاڭدى تۇلعالار مۇناي قۇبىرلارىندا قىسىمدى جانە تەمپەراتۋرانى ولشەيتىن قۇرالدارىن:
1) ءار جەلىلىك ىسىرمانىڭ ەكى جاعىنان;
2) سۋ كەدەرگىسىنەن وتەتىن ارالىقتىڭ ءاربىر جەلىسىنىڭ ەكى جاعىنان جاعاداعى ىسىرماعا دەيىن جانە ودان كەيىن;
3) مۇناي ايداۋ ستانتسيالارى ارالارىنداعى سوڭعى ايداۋ پۋنكتىندەگى قابىلدايتىن قۇبىر ىسىرماسى جانىندا;
4) ىسكە قوسۋ جانە قابىلداۋ, سونداي-اق تازالاۋ جانە دياگنوستيكا جاساۋ قۇرالدارىن وتكىزۋ توراپتارىنىڭ ەكى جاعىنا;
5) مۇناي قۇبىرىن مۇنايدى جىلىتۋ ورنىنا, مۇنايدى جىلىتۋ ستانتسياسىنا توراپتاردى قوسقانعا دەيىن جانە ودان كەيىن;
6) مۇناي قۇبىرىنىڭ بويلىق بەيىنىنىڭ ەرەكشە سيپاتتى نۇكتەلەرىندە ورناتادى.
مۇناي قۇبىرى مەن تازالاۋ جابدىعىنىڭ ىسكە قوسۋ جانە قابىلداۋ توراپتارى تازالاۋ جانە دياگنوستيكا قۇرالدارىنان ءوتۋ سيگناليزاتورلارىمەن جابدىقتالادى.
11. مۇناي قۇبىرىندا جەلىلىك بەكىتۋ ارماتۋراسىن ورنالاستىرۋ مۇناي قۇبىرىن سالۋ (قالپىنا كەلتىرۋ, كەڭەيتۋ, تەحنيكالىق قايتا جاراقتاۋ, جەتىلدىرۋ, كۇردەلى جوندەۋ) جوباسىندا بەلگىلەنەدى جانە ول اۆاريا مەن ىستەن شىعۋ جاعدايىندا شىعىنداردىڭ بارىنشا از بولۋى ءۇشىن تراسسانىڭ بەيىنىن ەسكەرۋ كەرەك.
12. بەكىتۋ ارماتۋراسىنا, تازالاۋ جانە دياگنوستيكا جاساۋ قۇرالدارىن ىسكە قوسۋ جانە قابىلداۋ توراپتارىنا قىزمەت كورسەتۋشى پەرسونالدىڭ ەركىن كىرۋى قامتاماسىز ەتىلەدى جانە ولار زاقىمدانۋدان جانە بوگدە ادامداردىڭ باسقارۋىنان قورعالادى.
13. مۇناي قۇبىرىنا ورناتىلاتىن بەكىتۋ ارماتۋراسى ىسكە جارامدى كۇيدە ۇستالادى, تەحنولوگيالىق سحەمالارعا سايكەس تولىقتىرىلادى جانە نومىرلەنەدى, بەكىتۋ قالىپتارىن كورسەتەتىن بەلگىلەرى, اشىق جانە جابىق باعىتتارىن بىلدىرەتىن جازبالارى مەن سىلتەگىشتەر بولادى.
14. جەلىلىك بەكىتۋ ارماتۋراسىن ورنالاستىرۋ الاڭدارى جوسپارلانادى, جەر بەتى جانە جەر استى سۋلارىنان قورعالادى, قورشالادى. الاڭدارعا كولىك قۇرالدارى ءۇشىن كىرمە جولى قاراستىرىلادى.
15. بەكىتۋ ارماتۋراسىن باسقارۋ توراپتارىنا قىزمەت كورسەتۋشى پەرسونالدىڭ كەدەرگىسىز كىرۋى قامتاماسىز ەتىلەدى.
بەكىتۋ ارماتۋراسىن اشۋ جانە جابۋ بويىنشا وپەراتسيالار ديسپەتچەردىڭ نۇسقاۋى بويىنشا جۇرگىزىلەدى.
16. مۇناي قۇبىرىنا ارالىق مۇناي ايداۋ ستانتسيالارىن قوسۋ ورىندارىندا مۇناي قۇبىرىنا تازالاۋ جانە دياگنوستيكا جاساۋ قۇرىلعىلارىن وتكىزۋ توراپتارى نەمەسە تازالاۋ جانە دياگنوستيكا جاساۋ قۇرىلعىلارىن ىسكە قوسۋ جانە قابىلداۋدىڭ بولەك جانە بىرىكتىرىلگەن توراپتارى ورناتىلادى. مۇناي قۇبىرىنىڭ سوڭعى ۋچاسكەسىندە, سونداي-اق مۇناي ايداۋ ستانتسيالارىنا جالعانعان مۇناي قۇبىرلارىنىڭ سوڭعى ۋچاسكەلەرىنە تازالاۋ جانە دياگنوستيكا جاساۋ قۇرىلعىلارى ورناتىلادى.
توراپتاردىڭ قۇراستىرماسى مۇناي قۇبىرلارىندا قولدانىلاتىن وتاندىق جانە شەتەلدىك تازالاۋ قۇرىلعىلارى مەن قۇبىرىشىلىك دياگنوستيكالىق سناريادتاردى پايدالانۋعا مۇمكىندىك بەرۋ جاعدايى بولعان كەزدە جوبالانادى.
17. توراپ قۇراستىرماسىنىڭ تۇراقتىلىعى مەن بەرىكتىگى «ىستىق» مۇنايدىڭ تەمپەراتۋرالىق رەجيمى اسەرىنەن تومەندەگىدەي قامتاماسىز ەتىلەدى:
1) بىرىكتىرىلگەن توراپتار – توراپ قۇراستىرماسىن رامالىق وراماگيسترالدىق مۇناي قۇبىرلارىن وراۋ, توپىراقپەن قىسۋ جانە قۇبىردى توراپقا جاقىن ورناتىلعان «قاتتى» تىرەككە «زاكىردى» قۇرۋ ەسەبىنەن;
2) جەكە توراپتار – توپىراقپەن قىسۋ جانە قۇبىردى توراپقا جاقىن ورناتىلعان «قاتتى» تىرەككە زاكىردى قۇرۋ ەسەبىنەن, توراپتىڭ جەر بەتىندەگى بولىگى كولەمىن ازايتۋمەن, قۇبىرلاردىڭ فورماسىمەن, «ىستىق» مۇنايدىڭ ىسكە قوسۋ كامەراسىنا قىسقا مەرزىمدى اسەر ەتۋىمەن.
18. مۇنايدى ماگيسترالدىق مۇناي قۇبىرلارى ارقىلى تاسىمالداۋدى قامتاماسىز ەتۋگە ماگيسترالدى مۇناي قۇبىرى بويىنشا مۇناي تاسىمالداۋدى قامتاماسىز ەتۋگە ارنالعان قوندىرعىلار جانە جابدىقتار كەشەنى بولىپ تابىلاتىن باس مۇناي ايداۋ ستانتسيالارى قولدانىلادى.
19. باس مۇناي ايداۋ ستانتسيالارى تەحنولوگيالىق قۇرىلىستارىنىڭ قۇرامىنا كىرەدى: رەزەرۆۋار پاركى, تىرەك سورعى ستانتسياسى, مۇنايدى ەسەپكە الۋ تورابى, ماگيسترالدىق سورعى ستانتسياسى, قىسىمدى رەتتەۋ تورابى نەمەسە تىرەك جانە ماگيسترالدىق سورعى اگرەگاتتارىنداعى جيىلىكتى-رەتتەمەلى ەلەكترجەتەگى, لاي ۇستاعىش سۇزگىلەر, ساقتاندىرعىش قۇرىلعىلارى بار توراپتار, تەحنولوگيالىق قۇبىرلار, سۋمەن جابدىقتاۋ, جىلۋمەن جابدىقتاۋ, كارىز, ءورت ءسوندىرۋ, ەلەكترمەن جابدىقتاۋ, اۆتوماتيكا, تەلەمەحانيكالىق اۆتوماتتاندىرۋ, بايلانىس جۇيەلەرى, ەلەكترحيميالىق قورعاۋ جۇيەسى, مۇنايدى جىلىتۋ پەشتەرى, ەسەپكە الۋ توراپتارى, وندىرىستىك-تۇرمىستىق عيماراتتار مەن قۇرىلىستار. رەزەرۆۋار پاركىن ەسكەرمەگەندە, ارالىق مۇناي ايداۋ ستانتسياسىنىڭ تەحنولوگيالىق قۇرىلىستارىنىڭ قۇرامىنا: ماگيسترالدىق سورعى ستانتسياسى, لاي ۇستاعىش سۇزگىلەر, قىسىمدى رەتتەۋ تورابى, قىسىم تولقىنىن تەگىستەۋ جۇيەسى, سونداي-اق تەحنولوگيالىق مۇناي قۇبىرلار كىرەدى.
20. رەزەرۆۋار پاركى بار مۇناي ايداۋ ستانتسيالارىنا تىكەلەي اسەرلى ساقتاندىرعىش كلاپاندارى بار توراپتار مەن رەزەرۆۋار پاركى تەحنولوگيالىق قۇبىرلارىن, سونداي-اق تىرەك جانە ماگيسترالدىق سورعى ستانتسيالارى اراسىندا ورناتىلعان تەحنولوگيالىق قۇبىرلار مەن جابدىقتى شامادان تىس قىسىمنان قورعاۋعا ارنالعان اتوماتتى اشىلاتىن ىسىرما ورناتىلۋى ەسكەرىلەدى.
21. ساقتاندىرۋ قۇرىلعىلارىنان مۇنايدى رەزەرۆۋار پاركىنە كەرى ايداۋ جەكە مۇناي قۇبىر بويىنشا جۇزەگە اسىرىلادى.
22. مۇناي ايداۋ ستانتسيالارىنىڭ جابدىعى مەن جۇيەلەرىنىڭ سەنىمدىلىگى, قاۋىپسىزدىگى جانە پايدالانۋ تيىمدىلىگى ولاردىڭ تۇراقتى رەجيمىمەن; جابدىقتارى مەن كوممۋنيكاتسيالارىن جارامدى جاي-كۇيىنە ۇستاپ تۇرۋدى; جابدىقتىڭ تەحنيكالىق جاي-كۇيىن ۇنەمى (نەمەسە مەرزىمدى) باقىلاۋمەن; مورالدىق جانە فيزيكالىق تۇرعىدان توزعان جابدىقتى جاڭعىرتۋ نەمەسە اۋىستىرۋمەن; ىستەن شىعۋدىڭ الدىن الۋمەن قامتاماسىز ەتەدى.
23. مۇناي ايداۋ ستانتسيالارىنىڭ جابدىعىن جەدەل (كەزەكشى) جانە پايدالانۋ-جوندەۋ پەرسونالى دايىنداۋشىلاردىڭ ۇسىنىمدارى نەگىزىندە ازىرلەنگەن تەحنولوگيالىق رەگلامەنتتەردىڭ, نۇسقاۋلىقتاردىڭ, پايدالانۋ جونىندەگى نۇقساۋلىقتاردىڭ تالاپتارىنا سايكەس جۇزەگە اسىرادى.
24. قۇبىرلاردىڭ پارافيندىلەۋىنەن, سونداي-اق مۇناي قۇبىرلارى بويىنشا مۇنايدى ايداپ قۇيۋىنا بايلانىستى ەنەرگيانىڭ جوعالۋىنان ساقتاۋ ماقساتىندا مۇناي جىلىتۋ پۋنكتتەرى پايدالانىلادى.
مۇنايدى جىلىتۋ پۋنكتتەرى مۇناي ايداۋ ستانتسيالارىنىڭ قۇرامىندا نەمەسە دەربەس ماگيسترالدىق مۇناي قۇبىرلارىنىڭ وبەكتىلەرى بولۋى مۇمكىن. مۇناي جىلىتۋ پۋنكتتەرى مۇنايدىڭ رەالوگيالىق قاسيەتتەرىن وزگەرتۋ ماقساتىندا ماگيسترالدىق قۇبىرمەن ايدالاتىن مۇنايدى (مۇناي قوسپاسىن) جىلىتۋعا ارنالعان .
25. مۇناي جىلىتۋ پۋنكتتەرى وبەكتىلەرىنىڭ قۇرامى جانە قۇرىلىستار مەن جابدىقتىڭ تەحنيكالىق سيپاتتامالارى جوبامەن بەلگىلەنەدى.
26. مۇنايدى جىلىتۋ تەمپەراتۋراسى مەن مۇناي جىلىتۋ پۋنكتتەرىنىڭ رەزەرۆۋارلارىنداعى قاجەتتى مۇناي قورى قورشاعان ورتانىڭ ەڭ تومەنگى تەمپەراتۋراسىندا كەلەسى مۇناي جىلىتۋ پۋنكتتەرىنە دەيىن اققىشتىعىن ساقتاي وتىرىپ ايدالاتىن مۇنايدىڭ شىعىنىن وتەۋدى, سونداي-اق مۇناي قۇبىرىن جوسپارلى توقتاتقاننان كەيىن ىسكە قوسۋ مۇمكىندىگىن قامتاماسىز ەتەدى.
27. قاتقىش مۇنايدى تاسىمالداۋ كەزىندە ماگيسترالدىق مۇناي قۇبىرلارىنىڭ ءۇزىلىسسىز, ءتيىستى جانە ءتيىمدى جۇمىس ىستەۋى ماقساتىندا شەكتەلگەن ۋچاسكەلەردەگى بەرىلگەن قىسىم رەسۋرسىندا (دەڭگەي ايىرماسىندا) مۇناي قۇبىرىنىڭ وتكىزۋ قابىلەتىن ارتتىرۋعا باعىتتالعان تۋربۋلەنتتىلىككە قارسى قوسپالار قولدانىلادى.
28. مۇنايدىڭ قاتۋ تەمپەراتۋراسىن تومەندەتۋ جانە ونىڭ رەولوگيالىق قاسيەتتەرىن جاقسارتۋ ءۇشىن دەپرەسسورلىق قوسپالار قولدانىلادى.
قاتۋ تەمپەراتۋراسىنىڭ, پارافين شوگىندىلەرىنىڭ, تۇعىرلىعىنىڭ جانە جىلجۋدىڭ شەكتى كەرنەۋىنىڭ تومەندەۋى دەپرەسسورلىق قوسپا تيىمدىلىگىن باعالاۋ ولشەمدەرى بولىپ تابىلادى.
29. ەنگىزىلەتىن قوسپا سانى زەرتحانالىق جاعدايلاردا ورىندالعان رەولوگيالىق زەرتتەۋلەردىڭ نەگىزىندە, سونداي-اق ونەركاسىپتىك جاعدايداعى سىنامالاۋ ناتيجەلەرى بويىنشا انىقتالىپ, مۇناي ايداۋ ستانتسيالارى تەحنولوگيالىق كارتاسىندا كورسەتىلەدى.
30. مۇنايعا قوسپانى ەنگىزۋ مولشەرلەۋ سورعىلارمەن جۇزەگە اسىرىلادى.
مولشەرلەۋ قۇرىلعى مەن قوسپالاردى ساقتاۋعا ارنالعان سىيىمدىلىقتىڭ ورنالاسۋ اۋماعى قورشالادى جانە ەسكەرتۋ بەلگىلەرىمەن جابدىقتالادى.
31. دەپرەسسورلىق قوسپالار قۇرامىنا كىرەتىن پارافيندەردىڭ ەرۋ تەمپەراتۋراسىنان 5-10 0س جوعارى تەز قاتاتىن مۇنايعا ارالاستىرىلادى.
32. مۇناي ايداۋ رەجيمى قوسپا مەن مۇنايدىڭ بىركەلكى ارالاسۋىمەن قامتاماسىز ەتىلەدى.
33. مۇنايداعى قوسپانىڭ شوعىرلانۋىن باقىلاۋ مۇناي قۇبىرىنان الىنعان سىناما بويىنشا جۇزەگە اسىرىلادى.
34. ونىمدەردى ارالاستىرۋ, جىلىتۋ جانە بەلگىلى ءبىر ساپاعا جەتكىزۋ بويىنشا تەحنولوگيالىق وپەراتسيالار ءۇشىن ماگيسترالدىق مۇناي قۇبىرلارىن بىرقالىپتى تيەۋ, مۇنايدى ەڭ جوعارعى جانە ماۋسىمدىق اۋىتقىمالى تۇتىنۋىن وتەۋ, اۆاريالىق جانە ستراتەگيالىق قوردى جيناقتاۋ ماقساتىندا رەزەرۆۋار پاركتەرى پايدالانىلادى.
35. رەزەرۆۋار پاركىنىڭ تەحنولوگيالىق جابدىقتارى ءوزىنىڭ قۇرامىنا مىنالاردى قوسادى:
1) ساقتاندىراتىن, تىنىستىق قاقپاقشالارمەن (ستاتسيونارلىق قاقپاقپەن ۆەرتيكالدىك بولات جۇمىر رەزەرۆۋارلارى); جەلدەتۋ كەلتەقۇبىرلارمەن (ستاتسيونارلىق قاقپاقپەن جانە پونتونمەن ۆەرتيكالدىك بولات جۇمىر رەزەرۆۋارلارى, جىلجىمالى قاقپاقپەن ۆەرتيكالدىك بولات جۇمىر رەزەرۆۋارلارى); وتتان ساقتاندىرعىشتارمەن; قابىلداۋ-ۇلەستىرۋ كەلتەقۇبىرلارىمەن جانە ولاردىڭ قالپىنا كەلتىرۋشى جۇيەلەرىمەن; ساقپاندارمەن; سىناما ىرىكتەگىشتەرمەن; جۇزبەلى قاقپاقتى سۋ اعىزعىشتارمەن (جىلجىمالى قاقپاقپەن ۆەرتيكالدىك بولات جۇمىر رەزەرۆۋارلارى), سيفوندى شۇمەكتەرمەن; شوگىندىنى شايۋ جۇيەسىمەن; ليۋكتەرمەن; دەڭگەي ولشەگىشتەرمەن; باقىلاۋ, سيگنال بەرۋ, قورعاۋ اسپاپتارىمەن جابدىقتالعان رەزەرۆۋارلار;
2) رەزەرۆۋار پاركىنىڭ وبەكتىلەرىندە تۇتانۋدى انىقتاۋعا ارنالعان قۇرىلعى مەن ءورت ءسوندىرۋ جابدىعى;
3) رەزەرۆۋارلاردى ورايتىن مۇناي قۇبىرلارى;
4) مۇنايدىڭ رەزەرۆۋارعا اعۋىن جانە رەزەرۆۋاردان اعۋىن توقتاتاتىن ىسىرمالار;
5) وسى رەزەرۆۋار پاركىندە ورناتىلعان جانە تەحنولوگيالىق پروتسەستەردى ىسكە اسىرۋ ءۇشىن پايدالانىلاتىن, ەنەرگيامەن جابدىقتاۋ قۇرىلعىلارى, قوسالقى جانە باسقا قۇرىلعىلار.
36. ماگيسترالدىق مۇناي قۇبىرلارىنىڭ جەلىلىك بولىگىنىڭ وبەكتىلەرىنە تەحنيكالىق قىزمەت كورسەتۋ جەلىلىك بولىگىنىڭ وبەكتىلەرىن جۇمىسقا قابىلەتتى جانە جارامدى جاي-كۇيدە ۇستاۋ جونىندەگى كەشەندى پروفيلاكتيكالىق جۇمىستاردى ورىنداۋعا نەگىزدەلەدى:
1) ماگيسترالدىق مۇناي قۇبىرلارىنىڭ جەلىلىك بولىگىنىڭ جابدىقتارى مەن قۇرىلىستارىنا تەحنيكالىق قىزمەت كورسەتۋدى جانە اعىمداعى جوندەۋدى;
2) مۇناي قۇبىرلارىنىڭ ىشكى قۋىسىن تازارتۋدى قامتيدى.
ماگيسترالدىق مۇناي قۇبىرلارىنىڭ جەلىلىك بولىگىنىڭ جابدىقتارى مەن قۇرىلىستارىنا تەحنيكالىق قىزمەت كورسەتۋ جوسپارلى پروفيلاكتيكالىق (ساقتاندىرۋ) ءىس-شاراسى بولىپ تابىلادى جانە وزىنە ونىڭ بارلىق قۇرامداس بولىكتەرىن تەكسەرۋدى, جابدىقتار مەن قۇرىلىستاردىڭ جەكەلەگەن توراپتارىن رەتتەۋدى, تازارتۋدى جانە مايلاۋدى, سونداي-اق سىناۋ پروتسەسىندە انىقتالعان ۇساق اقاۋلاردى جويۋدى قوسادى.
37. بايقاۋلاردىڭ مەرزىمدىلىگى جۇمىستاردىڭ كولەمىنە, مۇناي قۇبىرى تراسساسىنىڭ جەر بەدەرىنىڭ كۇردەلىلىگىنە, جىل مەزگىلىنە جانە جەلىلىك بولىكتىڭ قۇرىلىستارى مەن جابدىقتارىنىڭ تەحنيكالىق جاي-كۇيىنە بايلانىستى ازىرلەنگەن جوسپارلار نەگىزىندە انىقتالادى.
جابدىقتارىن اعىمداعى جوندەۋ جەلىلىك بولىكتىڭ قۇرىلىستارى جونىندەگى جۇمىستاردى ۇنەمى مۇناي قۇبىرى باسقارمالارىنىڭ ءتيىستى قىزمەتتەرى ازىرلەگەن جوسپار-كەستەلەر بويىنشا جىل بويى جۇرگىزىلەدى.
38. ماگيسترالدىق مۇناي قۇبىرلارىنىڭ وتكىزۋ قابىلەتىن قالپىنا كەلتىرۋ جانە قابىرعالارىندا شوگىندىلەردىڭ جيناقتالۋىن بولدىرماۋ, سونداي-اق مۇناي قۇبىرىنىڭ ۋچاسكەسىن قۇبىرىشىلىك تەكسەرۋگە دايىنداۋ ماقساتىندا ماگيسترالدىق مۇناي قۇبىرلارىنىڭ قۋىسىن تازارتۋ تازارتۋشى قۇرىلعىلاردى وتكىزۋ ارقىلى جۇرگىزىلەدى.
39. مۇنايدى قوتارۋ, قۇبىرىشىلىك ينسپەكتسيالار جۇرگىزۋ جوسپارلارىن جانە ونىڭ قاسيەتتەرىن ەسكەرە وتىرىپ, مۇناي قۇبىرلارىن تازارتۋ جونىندەگى جۇمىستاردىڭ جىلدىق جوسپارلارى جاسالادى جانە بەكىتىلەدى.
40. بەرىكتىككە جانە ساڭىلاۋسىزدىققا سىناۋ پايدالانىلاتىن مۇناي قۇبىرىنىڭ نەمەسە ونىڭ ۋچاسكەلەرىنىڭ جۇمىس قابىلەتتىلىگىن راستاۋ قۇرالى بولىپ تابىلادى جانە مىناداي جاعدايلاردا جۇرگىزىلەدى:
1) ەگەر ولار قۇبىرىشىلىك دياگنوستيكاعا ۇشىراماسا;
2) پايدالانۋدان 3 جىل جانە ودان ارتىق مەرزىمگە مۇنايدان بوساتىلماعان مۇناي قۇبىرلارىن ىسكە قوسۋدىڭ الدىندا;
3) پايدالانۋدان 1 جىل جانە ودان ارتىق مەرزىمدە مۇنايدان بوساتۋسىز مۇناي قۇبىرلارىن ىسكە قوسۋدىڭ الدىندا جۇرگىزىلەدى.
41. ءاربىر اۆاريالىق قالپىنا كەلتىرۋ پۋنكتىندە اۆاريالىق قالپىنا كەلتىرۋ پۋنكتتەرىنە بەكىتىلگەن مۇناي قۇبىرىنىڭ ۋچاسكەسىنە تەحنيكالىق قىزمەت كورسەتۋ جانە ونى اعىمداعى جوندەۋ جۇمىستارى جونىندەگى جۇمىستاردى ەسەپكە الۋ جۋرنالى جۇرگىزىلەدى.
42. ماگيسترالدىق مۇناي قۇبىرلارىنىڭ جەلىلىك بولىگىن پايدالاناتىن قىزمەتتەر مىناداي تەحنيكالىق قۇجاتتامانى ازىرلەيدى جانە پايدالانادى:
1) مۇناي قۇبىرىنىڭ جەلىلىك بولىگىن, جەلىلىك قاراۋشىلاردىڭ ۇيلەرى مەن باسقا دا عيماراتتاردى جانە (نەمەسە) قۇرىلىستاردى ورنالاستىرۋ جانە پايدالانۋ ءۇشىن قاجەتتى جەر ۋچاسكەلەرىنە قۇقىق بەلگىلەيتىن جانە سايكەستەندىرۋ قۇجاتتارىنىڭ كوشىرمەلەرى;
2) قىزمەت كورسەتۋ تراسساسىنىڭ جوسپارلارى, بەيىندەرى;
3) ىقتيمال اۆاريالاردى جويۋ جوسپارلارى;
4) جەرگىلىكتى جەردىڭ احۋالدىق جوسپارى بار ماگيسترالدىق مۇناي قۇبىرلارىنىڭ قىزمەت كورسەتۋ ۋچاسكەسىنىڭ سحەمالارى (وزەندەر مەن سايلار ارقىلى وتەتىن جولدار, تراسسا بويىنداعى جولدار جانە جەر بەتىندەگى كوممۋنيكاتسيالار, اۆتوموبيل جانە تەمىر جولدار, قۇبىرلاردىڭ اۆاريالىق قورى ساقتالاتىن جەرلەر, ەلەكترحيميالىق قورعانۋ وبەكتىلەرى مەن قۇرالدارىنىڭ ورنالاسقان جەرلەرى, تەحنيكالىق ءدالىزدىڭ كوممۋنيكاتسيالارى, جاقىن ورنالاسقان ەلدى مەكەندەر);
5) مۇناي قۇبىرىنا, سۋ استى جانە اۋە وتكەلدەرىنە تەحنيكالىق پاسپورتتار;
6) نەگىزىگى جابدىقتىڭ جانە قىسىمىمەن جۇمىس ىستەيتىن ىدىستاردىڭ پاسپورتتارى;
7) ءوندىرۋشىنىڭ ارنايى جانە اۆاريالىق تەحنيكاعا پاسپورتتارى مەن نۇسقاۋلىقتارى;
8) مۇناي قۇبىرى تراسساسىنىڭ توپوگرافيالىق تۇسىرىلگەن ماتەريالدارى;
9) جوسپارلى-ساقتاندىرۋ جوندەۋ كەستەلەرى;
10) قىزمەت كورسەتەتىن پەرسونالعا ارنالعان لاۋازىمدىق نۇسقاۋلىقتار جانە ماماندىق بويىنشا نۇسقاۋلىقتار;
11) تەحنيكالىق ءدالىز وبەكتىلەرىنە قىزمەت كورسەتۋگە ارنالعان شارت (نەمەسە نۇسقاۋلىق);
12) ماگيسترالدىق مۇناي قۇبىرلارىنىڭ پايدالانۋ جونىندەگى تەحنيكالىق قۇجاتتاما.
43. ماگيسترالدىق مۇناي قۇبىرىنا تەحنيكالىق قىزمەت كورسەتۋ ناتيجەلەلەرى بويىنشا بارلىق وزگەرىستەر تەحنولوگيالىق سحەماعا ەنگىزىلەدى جانە قىزمەت كورسەتەتىن پەرسونالدىڭ نازارىنا جەتكىزىلەدى.
44. ماگيسترالدىق مۇناي قۇبىرىنىڭ تەحنولوگيالىق جابدىقتارىنا, جۇيەلەرىنە جانە قۇرىلعىلارىنا تەحنيكالىق قىزمەت كورسەتۋ جانە جوندەۋ جۇمىستارىنىڭ مەرزىمى مەن كەزەڭدىلىگى تەحنيكالىق جاي-كۇيىنە بايلانىستى ءوندىرۋشى-زاۋىتتىڭ تەحنولوگيالىق جابدىقتى پايدالانۋ نۇسقاۋىنىڭ تالاپتارىنا سايكەس بەلگىلەنەدى.
45. ماگيسترالدىق مۇناي قۇبىرلارىنىڭ جەلىلىك بولىگى مەن وبەكتىلەرىنە دياگنوستيكالاۋ ماگيسترالدىق مۇناي قۇبىرلارىنىڭ قاۋىپسىزدىگىن قامتاماسىز ەتۋ, سەنىمدىلىگىن ۇستاۋ, ىستەن شىعۋىنىڭ الدىن الۋ, ءىس جۇزىندەگى تەحنيكالىق جاي-كۇيىن انىقتاۋ, ولاردى ودان ءارى جوبالىق تەحنولوگيالىق رەجيمدەردە پايدالانۋ مۇمكىندىگىن انىقتاۋ, اقاۋلار سانى مەن ۇلگىلەرىن انىقتاۋ, ولاردى ناقتى جەرلەندىرۋ جانە قاۋىپسىز پايدالانۋدى قامتاماسىز ەتۋ ماقساتىندا جوندەۋدىڭ نەعۇرلىم ءتيىمدى ادىستەرىن تاڭداۋ, شەكتى رۇقسات ەتىلگەن جۇمىس قىسىمىن ەسەپتەۋ, پايدالانۋ پروتسەسىندە ماگيسترالدىق مۇناي قۇبىرلارىنىڭ جەلىلىك بولىگى مەن وبەكتىلەردى پايدالانۋ مەرزىمىن ۇزارتۋ ىقتيمالدىلىعىن انىقتاۋ ءۇشىن جۇرگىزىلەدى.
46. ماگيسترالدىق مۇناي قۇبىرلارىنىڭ جەلىلىك بولىگى مەن وبەكتىلەرىنە دياگنوستيكالاۋ دياگنوستيكالىق اسپابى بار اتتەستاتتالعان ۇيىمدارى, سونداي-اق «قاۋىپتى وندىرىستىك وبەكتىلەردەگى ونەركاسىپتىك قاۋىپسىزدىك تۋرالى» 2002 جىلعى 3 ساۋىردەگى قازاقستان رەسپۋبليكاسىنىڭ زاڭىنا سايكەس ونەركاسىپتىك قاۋىپسىزدىك ماسەلەلەرى بويىنشا قاۋىپتى وندىرىستىك وبەكتىلەر قىزمەتكەرلەرىنىڭ كاسىبي دايىندىعىن, قايتادان دايارلاۋدان, بىلىكتىلىكتى ارتتىرۋدان وتكەنىن راستايتىن كۋالىگى بار ماماندار جۇزەگە اسىرادى.
47. دياگنوستيكالاۋ كەزىندە قولدانىلاتىن ولشەۋ قۇرالدارى رەتىندە مىناداي شارالار قولدانىلادى:
1) دياگنوستيكا قۇرالدارى تەكسەرىلەدى جانە قازاقستان رەسپۋبليكاسىنىڭ ولشەم بىرلىكتەرىن قامتاماسىز ەتۋدىڭ مەملەكەتتىك جۇيەسىنىڭ تىزىلىمىنە ەنگىزىلەدى;
2) «SI» حالىقارالىق بىرلىكتەر جۇيەسىنىڭ ولشەم بىرلىكتەرىندە نەمەسە «SI» جۇيەسىنە كىرمەيتىن, بىراق تەحنيكالىق رەتتەۋ سالاسىنداعى مەملەكەتتىك رەتتەۋدى جۇزەگە اسىراتىن ۋاكىلەتتى ورگاننىڭ شەشىمىمەن قازاقستان رەسپۋبليكاسىنىڭ اۋماعىندا قولدانۋعا رۇقسات بەرىلگەن ولشەم بىرلىكتەرىندە دياگنوستيكا قۇرالدارى بولىنەدى (ولشەم اقپاراتى شكالاسىنىڭ, بەينەلەنۋىنىڭ جانە ت.ب. بولۋى);
3) ۇلگىنى بەكىتۋ نەمەسە مەترولوگيالىق اتتەستاتتاۋ تۋرالى سەرتيفيكاتتارمەن, تەكسەرۋ تۋرالى قولدانىستاعى كۋالىكتەرمەن, تەكسەرۋ ادىستەمەسىمەن, ءوندىرۋشى-زاۋىت كوزدەگەن قۇجات جيناعىمەن, مەملەكەتتىك جانە ورىس تىلدەرىندەگى پايدالانۋ قۇجاتتاماسىمەن تولىقتىرىلادى.
48. ماگيسترالدىق مۇناي قۇبىرلارىنىڭ جەلىلىك بولىگىن دياگنوستيكالاۋ مىنالاردى قامتيدى:
1) مۇناي قۇبىرىنىڭ قۇبىرىشىلىك دياگنوستيكاسىن;
2) بۇزبايتىن باقىلاۋ ادىستەرىن قولدانا وتىرىپ, مۇناي قۇبىر ۋچاسكەلەرىنىڭ سىرتقى اقاۋلىق تەكسەرۋىن;
3) وقشاۋلاۋشى جابىنداردىڭ جاي-كۇيىن جانە ەلەكترحيميالىق قورعاۋ جۇيەسى قۇرالدارىنىڭ جۇمىس تيىمدىلىگىن باعالاۋدى.
49. دياگنوستيكالاۋ مەرزىمدىلىك نورمالارىن ەسەپكە الا وتىرىپ, جوسپارلى نەگىزدە جۇرگىزىلەدى.
دياگنوستيكالاۋ ناتيجەلەرىنىڭ نەگىزىندە مۇناي قۇبىرلارىنىڭ بۇزىلۋىنىڭ الدىن الۋ جونىندەگى ءبىرىنشى كەزەكتەگى ءىس-شارالار, سونداي-اق ماگيسترالدىق مۇناي قۇبىرلارىنىڭ جەلىلىك بولىگىن جوندەۋ جۇمىستارىنىڭ مەرزىمدەرى مەن كولەمدەرى جوسپارلانادى.
50. مۇناي ايداۋ ستانتسياسى جابدىعىنىڭ سەنىمدىلىگى مەن قاۋىپسىزدىگىن قامتاماسىز ەتۋ ماقساتىندا دياگنوستيكا جاساۋ كەزىندە مىناداي مىندەتتەر قويىلادى:
1) جابدىقتىڭ تەحنيكالىق جاي-كۇيىن انىقتاۋ, ونىڭ ىشىندە اقاۋلاردى (ىستەن شىعۋلاردى) تابۋ مەن جىكتەۋ, ولاردىڭ دامۋىن بولجاۋ;
2) قالدىق رەسۋرستى انىقتاۋ جانە جابدىقتى پايدالانۋ مەرزىمىن ۇزارتۋ;
3) جوندەۋ مەرزىمدەرى مەن كولەمدەرىن, جابدىقتى اۋىستىرۋ نەمەسە جاڭعىرتۋ قاجەتتىلىگىن انىقتاۋ.
51. دياگنوستيكالاۋعا جاتاتىن جابدىقتار نومەنكلاتۋراسىن ءتيىستى بولىمشە انىقتايدى.
جاڭا جانە جاڭعىرتىلعان مۇناي ايداۋ ستانتسيالارىن جوبالاۋ كەزىندە نەگىزگى جانە كومەكشى جابدىقتاردى دياگنوستيكالىق باقىلاۋىنىڭ اۆتوماتتاندىرىلعان جۇيەلەرى كوزدەلەدى.
52. جابدىقتىڭ ءىس جۇزىندەگى تەحنيكالىق جاي-كۇيىن انىقتاۋ ونىڭ رۇقسات ەتىلگەن پارامەترلەرىنىڭ اعىمداعى ماندەرىنە جانە نەگىزگى ماندەرگە سايكەستىگىن تەكسەرۋ جانە سالىستىرۋ نەگىزىندە جۇرگىزىلەدى.
جابدىقتىڭ تەحنيكالىق جاي-كۇيىن باعالاۋعا قاجەتتى پارامەترلەردىڭ رۇقسات ەتىلگەن ماندەرى, سونداي-اق سەنىمدىلىكتىڭ ءىس جۇزىندەگى كورسەتكىشتەرى, ىسكە قوسۋلار مەن بۇرىن ورىندالعان دياگنوستيكالىق جانە جوندەۋ جۇمىستارى ناتيجەلەرىنىڭ سانىن ەسەپكە الا وتىرىپ, بەلگىلەنگەن جوسپارلى باقىلاۋ جۇرگىزۋ مەرزىمدىلىگى تەحنيكالىق قۇجاتتامالارعا سايكەس انىقتالادى.
باقىلاناتىن پارامەترلەردىڭ نەگىزگى ماندەرى دياگنوستيكا بويىنشا جۇمىستى باستاۋعا دەيىن, سونداي-اق جاڭا نەمەسە جوندەلگەن جابدىقتى پايدالانۋعا ەنگىزۋدەن, سونداي-اق باقىلاناتىن پارامەترلەردى وزگەرتكەن توراپتى نەمەسە بولشەكتى اۋىستىرعاننان كەيىن انىقتالادى.
53. مۇناي ايداۋ ستانتسيالارىنىڭ جابدىعىنا دياگنوستيكالاۋ شەڭبەرىندە تەحنيكالىق جاي-كۇيگە جەدەل, جوسپارلى جانە جوسپاردان تىس دياگنوستيكا جۇرگىزىلەدى.
جەدەل (ۇزدىكسىز) دياگنوستيكالاۋ – تەحنيكالىق جاي-كۇيدى باقىلاۋ باقىلاناتىن پارامەترلەر تۋرالى اقپاراتتىڭ تۇراقتى ءتۇسۋى كەزىندە ۇنەمى بولادى.
جەدەل دياگنوستيكالاۋ كولەمىنە نورماتيۆتىك قۇجاتتاماعا سايكەس كەستەگە ساي جۇرگىزىلەتىن مۇناي ايداۋ ستانتسيالارىنىڭ وبەكتىلەرىن تەحنيكالىق تەكسەرۋ كىرەدى.
جوسپارلى (مەرزىمدى) دياگنوستيكالاۋ – جابدىقتىڭ تەحنيكالىق جاي-كۇيىن باعالاۋعا, ونىڭ جۇمىس قابىلەتىن بولجاۋعا مۇمكىندىك بەرەتىن پارامەترلەر بويىنشا مۇناي ايداۋ ستانتسيالارى جابدىعىنىڭ ءىس جۇزىندەگى تەحنيكالىق جاي-كۇيىن باقىلاۋ.
جوسپاردان تىس دياگنوستيكالاۋ – تۇراقتى باقىلاناتىن پارامەترلەردىڭ ماندەرى كەنەت وزگەرگەن جاعدايدا, سونداي-اق, ەگەر جەدەل باقىلاۋ ناتيجەلەرى بويىنشا اقاۋدىڭ ىقتيمال دامۋى تۋرالى شەشىم شىعارىلعان جاعدايدا جۇرگىزىلەتىن مۇناي ايداۋ ستانتسيالارى جابدىعىنىڭ تەحنيكالىق جاي-كۇيىن باقىلاۋ.
54. جابدىقتىڭ تەحنيكالىق جاي-كۇيىن دياگنوستيكالاۋ مەن ونىڭ وزگەرۋ سەبەپتەرىن تالداۋ جۇرگىزۋگە قاجەتتى اقپارات كوزى مىناداي: پايدالانۋ پارامەترلەرى, ىستەن شىعۋلار مەن ىسكە قوسۋلار; جوسپارلار مەن دياگنوستيكالاۋ جانە جوندەۋ جۇرگىزۋ ناتيجەلەرى دەرەكقورى بولىپ تابىلادى.
55. تەحنيكالىق دياگنوستيكالاۋ ناتيجەلەرى بويىنشا جابدىقتىڭ تەحنيكالىق جاي-كۇيى تۋرالى قورىتىندى بەرىلەدى.
56. تەحنيكالىق جاي-كۇيدى باعالاۋ كەزىندە پايدالانىلعان پارامەترلەر, سونداي-اق رەسۋرستى دياگنوستيكالاۋ مەن بولجاۋ ناتيجەلەرى بىرتەكتەس جابدىقتى پايدالانۋ ۋاقىتى ىشىندە ماگيسترالدىق مۇناي قۇبىرلارىنىڭ اۆتوماتتاندىرىلعان باقىلاۋ جانە باسقارۋ جۇيەسىنىڭ دەرەكقورىندا ساقتالادى.
57. سورعى اگرەگاتتارىنىڭ جۇمىس قابىلەتىن باقىلاۋ پارامەترلىك جانە ءدىرىل-اكۋستيكالىق ولشەمدەر بويىنشا دياگنوستيكالاۋ كەزىندە جۇزەگە اسىرىلادى.
58. ماگيسترالدىق جانە تىرەك استى سورعى اگرەگاتتارىن پارامەترلىك دياگنوستيكالاۋ مىناداي باقىلاناتىن پارامەترلەر بويىنشا ولاردىڭ تەحنيكالىق جاي-كۇيىن مىندەتتى باعالاۋدى: ارىن بويىنشا; تۇتىنۋ قۋاتى جانە سورعىنىڭ پايدالى ارەكەت كوەففيتسيەنتى بويىنشا; قىسىم بويىنشا; مايدىڭ, ستاتور وزەگىنىڭ, روتور بايلاۋىنىڭ جانە ستاتوردىڭ, مويىنتىرەكتەردىڭ, سالقىنداتقىش ورتانىڭ تەمپەراتۋراسى بويىنشا قامتاماسىز ەتۋى ءتيىس.
59. پارامەترلىك دياگنوستيكالاۋ نەگىزىندە وسى پارامەترلەردىڭ ناشارلاۋىن تۋعىزاتىن سەبەپتەر, سورعىنىڭ ارىندىق جانە ەنەرگەتيكالىق سيپاتتاماسىن جاقسارتۋ جانە قالپىنا كەلتىرۋ جونىندەگى ءىس-شارالاردى ازىرلەۋ مەن ىسكە اسىرۋ انىقتالادى, اتقارىمعا قاراي ولاردىڭ وزگەرۋ ءۇردىسى انىقتالادى.
60. ءدىرىلدى دياگنوستيكالىق باقىلاۋ مەن سورعى اگرەگاتىنىڭ جالپى تەحنيكالىق جاي-كۇيىن باعالاۋ مىناداي ولشەمدەر بويىنشا جۇرگىزىلەدى:
1) ءدىرىلدىڭ رۇقسات ەتىلگەن دەڭگەيى بويىنشا;
2) نەگىزگى سيپاتتاماعا قاتىستى ءدىرىلدىڭ وزگەرۋ جىلدامدىعى بويىنشا;
3) سپەكترالدىق سيپاتتامالار بويىنشا.
61. ءدىرىل پارامەترلەرلەرى بويىنشا سورعى اگرەگاتىنىڭ جۇمىس ىستەۋ قابىلەتىن باعالاۋ جەدەل, جوسپارلى جانە جوسپاردان تىس ءدىرىلدى باقىلاۋ ناتيجەلەرى بويىنشا ورىندالادى.
62. جەدەل باقىلاۋ كەزىندە ءدىرىل شاماسى تۋرالى اقپاراتتى قولمەن, اۆتوماتتاندىرىلعان نەمەسە ارالاس تىركەۋ مۇمكىندىگىمەن قازىرگى ۋاقىت ساتىندەگى جانە ديناميكاداعى سورعى اگرەگاتىنىڭ ءدىرىل دەڭگەيىن تۇراقتى باقىلاۋ ورىندالادى.
63. جوسپارلى ءدىرىلدى دياگنوستيكالىق باقىلاۋ كەزىندە سورعى اگرەگاتىنىڭ ءىس جۇزىندەگى تەحنيكالىق جاي-كۇيى باعالانادى, جوندەۋگە دەيىنگى نەمەسە كەلەسى ءدىرىلدى دياگنوستيكالىق باقىلاۋعا دەيىنگى ۋاقىتتى انىقتاي وتىرىپ, ونىڭ جۇمىس قابىلەتى بولجانادى, جوندەۋ كولەمى مەن ءتۇرى, جوندەۋ ساپاسى ناقتىلانادى.
64. قوسالقى سورعىلاردى جوسپاردان تىس ءدىرىلدى دياگنوستيكالىق باقىلاۋ كەزىندە تەكسەرۋ ۋاقىتىندا انىقتالعان بوگدە شۋلار پايدا بولعان جاعدايدا جۇرگىزىلەدى.
65. سورعى اگرەگاتتارىنىڭ بىلىكتەرى نورماتيۆتىك قۇجاتتاماعا سايكەس اتقارىمداردى جانە ىسكە قوسۋلار سانىن ەسەپكە الا وتىرىپ, كىرىس جانە جوسپارلى اقاۋلىق باقىلاۋعا جاتادى.
66. بەكىتپە ارماتۋراسىنىڭ تەحنيكالىق جاي-كۇيىن باعالاۋعا قولدانىلاتىن ادىستەر مەن قۇرالدار مىنالاردى قامتاماسىز ەتەدى:
1) سىرتقى جانە ىشكى گەرمەتيكالىقتى باقىلاۋ;
2) كورپۋس ماتەريالىندا, دانەكەرلەۋ جىكتەرىندە, شتوك نىعىزداعىشىنداعى اقاۋلاردى انىقتاۋ;
3) رەدۋكتوردىڭ, ەلەكتر جەتەكتىڭ, ىسكە قوسۋ جانە توقتاتۋ اپپاراتۋراسىنىڭ, ۇشتىق جانە ساتتىك اجىراتقىشتاردىڭ جۇمىس قابىلەتىن باقىلاۋ.
67. تەحنولوگيالىق مۇناي قۇبىرلارىنىڭ ءىس جۇزىندەگى تەحنيكالىق جاي-كۇيىن انىقتاۋ ءۇشىن تەكسەرۋ, سىناق (جوسپارلى باقىلاۋ شەڭبەرىندە) جۇرگىزىلەدى.
68. پايدالانۋدىڭ بەلگىلەنگەن مەرزىمىن (بەلگىلەنگەن رەسۋرس) وتەگەن مۇناي ايداۋ ستانتسيالارى جابدىعى ونى ودان ءارى پايدالانۋ نەمەسە ەسەپتەن شىعارۋ مۇمكىندىگى مەن تالاپتارىن انىقتاۋ ماقساتىندا تەحنيكالىق كۋالاندىرۋعا جاتادى.
69. مۇناي ايداۋ ستانتسيالارىنىڭ جابدىعىنا تەحنيكالىق قىزمەت كورسەتۋ مەن جوندەۋ كولەمى جانە مەرزىمدىلىگى قوسىمشا پايدالانۋ مەرزىمى ىشىندە تەحنيكالىق كۋالاندىرۋ ناتيجەلەرى بويىنشا بەلگىلەنەدى.
70. رەزەرۆۋارلاردى دياگنوستيكالاۋ ءوندىرۋشى-زاۋىتتىڭ تەحنيكالىق قۇجاتتامالارىنا سايكەس جۇرگىزىلەدى.
71. ءىشىنارا دياگنوستيكالاۋ رەزەرۆۋارلاردى پايدالانۋدان شىعارماي جۇرگىزىلەدى, تولىق – رەزەرۆۋارلاردى پايدالانۋدان شىعارۋدان, ولاردى بوساتۋدان, تازارتۋدان جانە گازسىزداندىرۋدان كەيىن جۇرگىزىلەدى.
72. رەزەرۆۋارلاردى دياگنوستيكالاۋ نەگىزىندە رەزەرۆۋار پاركىنىڭ سەنىمدى پايدالانۋدى قامتاماسىز ەتۋ مۇمكىندىگىن ەسەپكە الا وتىرىپ رەزەرۆۋارلاردى جوندەۋ (ونىڭ ىشىندە كۇردەلى جوندەۋ) كەستەسى جاسالادى.
73. رەزەرۆۋاردىڭ جەكەلەگەن ەلەمەنتتەرىن نەمەسە رەزەرۆۋاردىڭ بارلىعىن جارامسىز ەتۋ تولىق دياگن