قوستانايدا جوعالعانداردى ىزدەيتىن سايت اشىلدى

سايتتى يانا ماليار, تاتيانا ميلەحينا جانە يرينا كارپەنكو ەسىمدى ەرىكتىلەر جاسادى. رەسۋرستى قۇرۋ جانە ونى تولتىرۋ يدەياسىن قوستاناي وبلىسىنىڭ پوليتسيا دەپارتامەنتى قولداپ, بىرىگىپ جۇمىس ىستەۋگە كەلىستى. قازىر سايت ءوزىنىڭ رەسمي قىزمەتىن باستاعان. ءتارتىپ ساقشىلارىمەن ىنتىماقتاستىق قالاي قۇرىلاتىنى جانە رەسۋرستىڭ قالاي جۇمىس ىستەيتىندىگى تۋرالى ۆولونتەرلەر وبلىستىق پوليتسيا دەپارتامەنتىندە وتكەن بريفينگتە ايتىپ بەردى.

ء«بىزدىڭ ىزدەۋ جاساعىمىز 2018 جىلدىڭ تامىز ايىندا قۇرىلدى. قازىردە ونىڭ قۇرامىنا 16 ۆولونتەر جانە حالىقارالىق كينولوگيالىق وداعىنىڭ 4 ءيتى بار. سونداي-اق «ك-9» قوستاناي كينولوگيالىق كلۋب قۇرامىندا بولادى. ء بىز قازىردىڭ وزىندە پوليتسيا قىزمەتكەرلەرىنىڭ بارلىق ىزدەۋ وپەراتسيالارىنا اتسالىستىق. ناتيجە بار. جىل باسىنان بەرى 10-نان استام جوعالعان ادامدى تابۋعا كومەكتەستىك» دەيدى تاتيانا ميلەحينا.

ايتا كەتۋ كەرەك, ەرىكتىلەر جوعالعانداردى ىزدەۋمەن رياسىز اينالىسادى. ولاردىڭ بارلىعى تۇراقتى جۇمىس ىستەيدى, بىراق ادامدارعا كومەكتەسۋدى ءوز پارىزى سانايدى.ولار «قىزىل جارتى اي» جانە «گرين» ۇەۇ-نىڭ قولداۋىمەن العاشقى كومەك كورسەتۋ, ىزدەستىرۋدى ۇيىمداستىرۋ جانە جوعالعان ادامداردى ىزدەۋ كەزىندە قاجەتتى باستاپقى ارەكەتتەردى جۇرگىزۋ جونىندە ارنايى دايىندىقتان ءوتتى.سايت ىڭعايلى ناۆيگاتسيا جانە بىرنەشە بولىمدەرگە يە. ول اقپاراتتىڭ تۇسۋىنە قاراي جاڭارتىلىپ وتىرادى. قازىر سايتتا جوعالىپ كەتكەن 7 ادام مەن تابىلعان 5 ادام تۋرالى مالىمەت بار. قازىرگى تاڭدا پوليتسيا قىزمەتكەرلەرى باسقا دا ىزدەستىرۋ فاكتىلەرى بويىنشا اقپارات دايىنداپ جاتىر.ۆولونتەرلەر بالالاردىڭ جوعالعانى تۋرالى جالعان اقپاراتتارعا ەرەكشە نازار اۋدارادى. 

«ەگەر مۇنداي حاباردا اتا-انالارمەن قالاي بايلانىسۋعا بولاتىن تەلەفون نومىرلەرى كورسەتىلمەسە, حابار كوڭىل كۇي ەركىمەن ايتىلسا, بۇل جالعان ەكەنىنە سەنىمدى بولىڭىز. بىزگە مۇنداي حابارلامالاردى تەكسەرۋگە ءجيى حابارلاسادى» دەيدى يرينا كارپەنكو.

قوستاناي