تاۋدا جوعالعان الپينيستەردىڭ سپۋتنيكتىك تەلەفونى ءوشىپ تۇر, بايلانىس وپەراتورلارى قوڭىراۋ شالىنعان جەردى انىقتاي الماي وتىر. بۇل تۋرالى الماتى قالالىق توتەنشە جاعدايلار دەپارتامەنتىنىڭ قىزمەتكەرلەرى مالىمدەدى دەپ حابارلايدى قازاقپارات ءتىلشىسى.
ء«بىزدىڭ توتەنشە جاعدايلار ءبولىمى جوعالعان الپينيستەردى قۇتقارۋ جۇمىستارىنا تىكەلەي قاتىسپايدى, بىراق جوعالعاندار الماتى تۇرعىندارى بولعاندىقتان, سۇراقتارىڭىز بىزگە كەلەدى. باق-تا بۇل وقيعاعا قاتىستى بارلىق جاڭالىقتار ايتىلىپ جاتىر. ءبىز ەش جەردە ايتىلماعان اقپاراتپەن بولىسەيىك. الپينيستەردە «تۋرايا» سپۋتنيكتىك تەلەفونى بار, ول سوڭعى رەت 15 تامىزدا بايلانىسقا شىققان. بايلانىس وپەراتورلارى قوڭىراۋ تۇسكەن جەردى ءالى انىقتاي المادى. قۇرىلعىنىڭ ءوشىپ تۇرعانى بەلگىلى بولدى, مۇمكىن قۋاتتى تاۋسىلعان بولار. مۇنداي قۇرىلعىلار -40-تان +40 گرادۋسقا دەيىنگى تەمپەراتۋرادا جۇمىس ىستەيدى», - دەپ حابارلادى الماتى قالالىق توتەنشە جاعدايلار دەپارتامەنتىندەگىلەر.
«بۇدان باسقا, كەز-كەلگەن دايىندالعان الپينيست - ەرىكتىلەر قۇتقارۋ جۇمىستارىنا قاتىسا المايدى, جاقىندا عانا تومەنگى بيىكتىكتە بەيىمدەلۋدەن وتكەن ادامدار قاجەت. بۇل تالاپتاردى جاقىندا جارىستان ورالعان قر قم-ءنىڭ الپينيستىك كومانداسى ورىندايدى. ءبىز ولاردىڭ كاسىبي شەبەرلىگى مەن اۆياتسيالىق جۇمىستار ءۇشىن قولايلى اۋا-رايى بولادى دەگەننەن ۇمىتتەنەمىز. قازىرگى ۋاقىتتا ىزدەستىرۋ-قۇتقارۋ توبى وقيعا ورنىنان ۇشىپ كەتتى», دەپ اتاپ ءوتتى توتەنشە جاعدايلار سالاسىنىڭ وكىلدەرى.