قازاقستان پرەمەر-ءمينيسترى اسقار ءماميننىڭ توراعالىعىمەن وتكەن ۇكىمەت وتىرىسىندا «استانا» حالىقارالىق قارجى ورتالىعى قىزمەتىنىڭ قازىرگى ناتيجەلەرى مەن پەرسپەكتيۆالارى تۋرالى «استانا» حالىقارالىق قارجى ورتالىعىنىڭ باسقارۋشىسى ق. كەلىمبەتوۆ, قر ءبىرىنشى قارجى ۆيتسە-ءمينيسترى ب. شولپانقۇلوۆ باياندادى. بۇل تۋرالى primeminister.kz حابارلادى.
تۇڭعىش پرەزيدەنت – ەلباسى ن. ءا. نازارباەۆتىڭ تىكەلەي باستاماسىمەن قۇرىلعان «استانا» حالىقارالىق قارجى ورتالىعى ۇلتتىق ينۆەستيتسيالىق رەفورمانىڭ ماڭىزدى قۇراۋىشتارىنىڭ ءبىرى جانە ەلىمىزدىڭ ەكونوميكالىق ءوسىمىن جەدەلدەتۋگە باعىتتالعان. احقو بيزنەستى شەتەلدىك ينۆەستيتسيالارمەن قامتۋدا جانە كاپيتالعا قول جەتكىزۋدە ماڭىزدى ءرول اتقارادى.
احقو اۋماعىندا الەمدىك قارجى قۇرىلىمدارىنىڭ وزىق تاجىريبەلەرى ەسكەرىلەتىن ەرەكشە قۇقىقتىق رەجيم ارەكەت ەتەدى.
ەلىمىزدىڭ قارجىلىق پلاتفورماسىن ودان ءارى دامىتۋ ماقساتىندا, اتاپ ايتقاندا قارجى ورتالىعىنىڭ قۇقىقتىق يۋريسديكتسياسىن دامىتۋ ماقساتىندا قر ۇكىمەتىنىڭ مۇشەلەرى احقو تۋرالى كونستيتۋتسيالىق زاڭعا وزگەرىستەر ەنگىزۋ جوباسىن ماقۇلدادى. ينۆەستيتسيالىق سالىق رەزيدەنتتىگى باعدارلاماسىنىڭ نەگىزگى تۇجىرىمداماسى — ينۆەستوردىڭ جانە ونىڭ وتباسى مۇشەلەرىنىڭ قازاقستان رەسپۋبليكاسىنا بىرنەشە مارتە كەلۋ ۆيزاسىن الۋ مۇمكىندىگىن ۇسىنا وتىرىپ, شەتەلدىك جەكە تۇلعالاردىڭ كاپيتالىن ەلگە تارتۋ.
سونىمەن قاتار, زاڭ جوباسىندا احقو ورگاندارىنىڭ ەڭبەك قاتىناستارىن جانە ساتىپ الۋ راسىمدەرىن رەتتەيتىن اكتىلەردى قابىلداۋعا قۇقىعى بار ەكەنى قاراستىرىلعان.
جاڭا زاڭنامالىق باستامالار تارتىمدى ينۆەستيتسيالىق احۋال قۇرۋعا جانە ينۆەستورلار تاراپىنان سەنىم قاتىناستارىن قالىپتاستىرۋعا ىقپال ەتەدى.
«100 ناقتى قادام» ۇلت جوسپارى اياسىندا 2015 جىلى احقو تۋرالى ارنايى كونستيتۋتسيالىق زاڭ قابىلدانىپ, ونىڭ ماقساتى, مىندەتتەرى مەن قىزمەتىنىڭ پرينتسيپتەرى انىقتالدى. وسى كونستيتۋتسيالىق زاڭعا بۇگىن ۇسىنىلىپ وتىرعان تۇزەتۋلەر قارجى ورتالىعىنىڭ ەلىمىزدىڭ نەگىزگى قارجى پلاتفورماسى رەتىندە جىلدام قالىپتاسىپ, دامۋىنا جانە ونىڭ يۋريسديكتسياسىن ينۆەستيتسيالاردى تارتۋ مەن قورعاۋ ءۇشىن پايدالانۋعا مۇمكىندىك بەرەدى», — دەپ قر ۇكىمەتىنىڭ باسشىسى اسقار مامين, احقو قىزمەتىن جەتىلدىرۋ جونىندەگى جۇمىستاردى جالعاستىرۋدى تاپسىردى.