قاراعاندى وبلىسىنىڭ قارقارالى اۋدانىنداعى ورمان ورتىنە بايلانىستى توتەنشە جاعداي جاريالاندى. بۇل تۋرالى شەشىمدى جەرگىلىكتى اۋداننىڭ اكىمى قابىلدادى.
«قازىرگى ۋاقىتتا قارقارالى اۋدانىندا جەرگىلىكتى اۋقىمدا تابيعي سيپاتتاعى توتەنشە جاعداي رەجىمى جاريالانعان», دەپ راستادى اقپاراتتى وبلىستىق تجد-نىڭ ءباسپاسوز قىزمەتى.
الدىن-الا مالىمەتتەرگە قاراعاندا, ورتەنىپ جاتقان اۋماقتىڭ كولەمى 500 گەكتاردى قۇراعان.
ورمان ءورتىن سوندىرۋگە توتەنشە جاعدايلار جونىندەگى دەپارتامەنتتىڭ, قارقارالى مەملەكەتتىك ۇلتتىق پاركىنىڭ, قۋ ورمان جانە جانۋارلار الەمىن قورعاۋ جونىندەگى شارۋاشىلىعىنىڭ, ءورت ءسوندىرۋ ەرىكتى قۇرىلىمدارىنىڭ, جەرگىلىكتى پوليتسيا قىزمەتىنىڭ 169 قىزمەتكەرى مەن 27 تەحنيكا بىرلىگى جۇمىلدىرىلعان.
سونىمەن قاتار, ءورت شارپىعان اۋماقتا «قازاۆياورمانقورعاۋ» مەكەمەسىنىڭ مي-2 تىكۇشاعى اۋەدەن بارلاۋ جۇرگىزۋدە. سونداي-اق, وقيعا ورنىندا جوعارىدان سۋ شاشاتىن قۇرىلعىسى بار مي-8 تىكۇشاعى ىسكە كىرىستى, دەپ حابارلادى وبلىستىق تجد-نىڭ ءباسپاسوز قىزمەتى.
قاراعاندى وبلىسى