ناۋقان وتكەن جىلدارعا قاراعاندا تىم ەرتە باستالدى. بيىلعى قۋاڭشىلىق ناۋقاننىڭ ەرتە باستالۋىنا دا, قيىندىعىنا دا, گەكتار ءتۇسىمىنىڭ تومەندىگىنە دە سەبەپ بولىپ وتىر. بۇل جونىندە وبلىس اكىمى ارحيمەد مۇحامبەتوۆتىڭ اۋدان اكىمدەرىمەن بەينەبايلانىس ارقىلى وتكىزگەن ماجىلىسىندە ايتىلدى. قامىستى اۋدانىنداعى «التىنسارينو» شارۋاشىلىعىنىڭ جەتەكشىسى, قازاقستاننىڭ ەڭبەك ەرى بوريس كنيازەۆ بيىل ىستىقتان كۇيىپ كەتكەن استىق القاپتارىنا امالسىز وراق سالعانىن, القاپ ءتۇسىمى 3 تسەنتنەردەن اينالعانىن ايتتى.
«قالاي بولعاندا دا استىقتى جيناپ الامىز, ساتۋعا جاراماعانى مالدىڭ جەمىنە جارار» دەدى بوريس پاۆلوۆيچ.
وبلىس باسشىسى بيىلعى قۋاڭشىلىقتان زارداپ شەككەن وڭتۇستىك اۋداندارعا قاراعاندا جاعدايى ءبىرشاما ءتاۋىر سولتۇستىك اۋدانداردا تۇقىم وبلىستان سىرت جەرلەرگە كەتىپ قالماۋ ءۇشىن ونىڭ بولەك, ارنايى بالانسىن جاساۋ كەرەكتىگىن تاپسىردى. تۇقىمدىق بيدايدىڭ قالاي بولارىنا اۋىل شارۋاشىلىق تاۋارلارىن وندىرۋشىلەردىڭ بارلىعى دا الاڭداۋلى.
سونىمەن قاتار ماجىلىستە مال ازىعىن دايىنداۋدىڭ قيىندىعى دا ايتىلدى. بارلىق اۋدانداردا, اسىرەسە, وڭتۇستىك اۋدانداردا ءشوپتىڭ ءتۇسىمى ماردىمسىز. بۇل جونىندە دە وبلىس اكىمى اكىمدەرگە بارلىق مۇمكىندىكتەردى قاراستىرۋدى تاپسىردى. ءتىپتى بيىل تەحنيكا الۋدى دا ۋاقىتشا ىسىرىپ قويىپ, بارلىق قاراجات-مۇمكىندىكتەرن الداعى قىسقا دايىندىققا, مال باسىن قىستان امان الىپ شىعۋعا باعىتتاۋ كەرەكتىگىن ايتتى.
قوستاناي